અનોન્ત રોથાંગને આજકાલ ઊંઘ ઓછી જ આવે છે. થાઇના સમૃદ્ધ વેપારીએ પોતાની પુત્રીના લગ્ન માટે એક ઓનલાઇન જાહેરાત આપી હતી. ત્યારબાદથી દિવસભરમાં હજારો કૉલ આવતા રહે છે.
લોકો એમનેમ જ રોથાંગના જમાઇ બનવા માટે પરેશાન નથી, આદર્શ છોકરાને 3,13,500 ડૉલર (2,19,88,890 રૂપિયા) મળશે અને આ ઉપરાંત એમના બિઝનેસના માલિક બનવાની પણ તક મળશે.
પરંતુ રોથાંગે આદર્શ ઉમેદવાર માટે શરતો લાગૂ કરી રાખી છે. જેમ કે છોકરો મહેનતુ હોવો જોઇએ, એ ધૂમ્રપાન ના કરતો હોવો જોઇએ અને જુગાર રમતો ના હોય. એની ઉંમર 26-40ની વચ્ચે હોય એ એના ડ્યૂરિન ફળોના વેપાર માટે બધું શીખવા-સમજવા માટે ઉત્સુક હોય.
ચાર બાળકોના પિતા ચીનના છોકરાઓને પ્રાથમિકતા આપી રહ્યા છે કારણ કે એમની નજર ચીની બજાર પર પણ છે. જે છેલ્લા કેટલાક વર્ષોમાં થાઇલેન્ડ એક્સપોર્ટ માર્કેટ બની ગયું છે.
એક ફેસબુક પોસ્ટમાં રોથાંગે સંકેત આપ્યો હતો કે છોકરાની શૈક્ષિક યોગ્યતાને લઇને કોઇ શરત નથી. રોથાંગે લખ્યું, મને પોતાની યૂનિવર્સિટી ડિગ્રી દેખાડવાની કોઇ જરૂર નથી.
આદર્શ દુલ્હા માટે રોથાંગે લખ્યું, એ આળસું ના હોઇ શકે અને એને ખબર પડે કે પૈસા કેવી રીતે ખર્ચ થાય છે કારણ કે એ સેવિંગ કરી શકે. આ બધી શરતો લગ્ન બાદ મળતા 313500 ડૉલર અને સંપત્તિને સંભાળવા માટે છે
રોથાંગની પુત્રી કનિસ્તા રોથંગની એસમપ્શન યૂનિવર્સિટીની ઑનર્સ ગ્રેજ્યુએટ છે. કનિસ્તાએ એક ચીની છોકરા સાથે બે વર્ષ સુધી ડેટિંગ કર્યું પરંતુ દૂર હોવાના કારણે સંબંધ કાયમી રહી શક્યો નહીં. રોથાંગની પુત્રી માટે દુલ્હાની શોધની સોશિયલ મીડિયા પર ખૂબ ટીકા થઇ રહી છે.
રોથાંગે જણાવ્યું આ જાહેરાત બાદ એમની પત્ની પણ નારાજ થઇ ગઇ છે. એમને જણાવ્યું, મારી પત્ની નાખુશ છે.
રોથાંગનો વેપાર ત્રણ શહેરો ચંથાબુરી, ચુમ્પૉન અને યાલામાં ફેલાયેલો છે. રોથાંગ પ્રમાણે આદર્શ છોકરો એ હશે જે આ ત્રણ જગ્યાઓમાંથી એક પર કામ કરવા તૈયાર હોય.