શું વાત કરો છો! / 99,999માં વેચાઈ 1 કિલો ચા! જાણો તેમાં એવું તો શું છે ખાસ કે લોકો આટલો ભાવ આપવા પણ થઈ જાય છે તૈયાર

• આસામના ગુવાહાટીમાં ચાની હરાજી 
• 1 કિલો ચાના 99,999 રૂપિયા
• જાણો શા માટે છે આટલી મોંઘી આ ચા

આસામના ગુવાહાટીમાં ચાની હરાજી બાદ તે દુનિયાભરમાં ચર્ચાનો વિષય બની છે. આસામના એક ચાના બગીચામાં આ ચા 99,999 રૂપિયામાં વેચાઈ. આ 1 કિલો ઓર્થોડોક્સ ગોલ્ડન ટિપ ચાની 99,999 રૂપિયામાં હરાજી થઈ. આ ચાની હરાજી ગુવાહાટી ચા હરાજી કેન્દ્રમાં થઈ. 

જથ્થા બંધ વેપારી સૌરભ ટી ટ્રેડર્સે આ ચાને ખરીદી. આ ચા આસામના ડિબ્રૂગઢ જિલ્લામાં સ્થિત મનોહરી ટી એસ્ટેટ દ્વારા ઉત્પાદિત છે. દુનિયાભરમાં આ ચા 'મનોહરી ગોલ્ડ'ના રૂપમાં પ્રસિદ્ધ છે. આ ચા માટે દર વર્ષે બોલી લગાવવામાં આવે છે. ગયા વર્ષે આ ચાને 75 હજાર રૂપિયા પ્રતિ કિલો વેચવામાં આવી હતી. ત્યાં જ એક વર્ષ પહેલા આ ચાને 50 હજાર રૂપિયા પ્રતિ કિલોગ્રામ વેચવામાં આવી હતી. 

વર્ષ 2018માં 39 હજાર રૂપિયા લાગી હતી બોલી 
તેનાથી સ્પષ્ટ છે કે દર વર્ષે ચાની કિંમત વધતી રહે છે. સૌથી પહેલા વર્ષ 2018માં આ ચા ચર્ચામાં આવી હતી. જ્યારે તેને 39 હજાર રૂપિયા પ્રતિ કિલોમાં વેચવામાં આવી હતી. ત્યાર બાદ આ ચાને દુનિયાભરમાં પોપ્યુલારિટી મળી હતી. સૌરભ ટી ટ્રેડર્સના સીઈઓ એમએલ માહેશ્વરીએ જણાવ્યું કે આ ચાની માંગ દુનિયાભરમાં ખૂબ જ વધારે છે. તેમણે કહ્યું કે તેની માંગ વધુ હોવા અને ઉત્પાદન ઓછુ હોવાથી તેની કિંમત આટલી વધારે છે. 

સૌરભ ટી ટ્રેડર્સના સીઈઓએ જણાવ્યું કે તે આ ચાને ખરીદવાની લાંબા સમયથી પ્રયત્ન કરી રહ્યા હતા. જ્યારે તેના માટે બગીચાના માલિકની પાસે પહોંચ્યા તો તેમણે તેને ખાનગી રીતે વેચવાનો ઈનકાર કરી દીધો. તેમણે જણાવ્યું કે આ ચાને તે હરાજીમાં જ વેચશે. ત્યાર બાદ અમે ચાને 99,999 રૂપિયાની બોલી લગાવીને ખરીદી. 

તેમણે જણાવ્યું કે વર્ષ 2018માં અમે આ ચાને 39 હજાર રૂપિયા પ્રતિ કિલો અને વર્ષ 2019માં 50 હજાર રૂપિયા પ્રતિ કિલોની બોલી લગાવીને ખરીદી હતી. ગયા વર્ષે ચાને વિષ્ણુ ટી કંપનીએ ખરીદી હતી. તેમણે આ ખરીદી માટે 75 હજાર રૂપિયા પ્રતિ કિલોની રકમ ચુકવી હતી. 

જાણો શું છે ખાસિયત? 
જણાવી દઈએ કે આસામની આ ચા આખી દુનિયાભરમાં ફેમસ છે. આ પોતાના ખાસ સ્વાદ માટે જાણીતી છે. તેની સુગંધ અને કલર પણ સ્વાદની જેમ જ ખૂબ જ મનમોહક છે. ચાને ગોલ્ડન બટરફ્લાઈ ટીના નામથી જાણવામાં આવે છે. તેને બનાવવા માટે ચાની પાનમાં ગોલ્ડન ટિપનો ઉપયોગ કરવામાં આવે છે. ત્યાર બાદ તે ખૂબ જ મુલાયમ થઈ જાય છે.