Paytm કંપનીના શેર દરરોજ ઘટાડાનો નવો રેકોર્ડ બનાવી રહ્યા છે. હાલ કંપનીના શેર ઘટ્યા બાદ નીચા સ્તરે ટ્રેડ થઈ રહ્યા છે.
કંપનીના શેર ઘટ્યા બાદ નીચા સ્તરે ટ્રેડ થઈ રહ્યા છે
એક મહિનામાં શેર 31 ટકા ઘટ્યો શેર
ઇશ્યૂ કિંમત 2150 રૂપિયા હતી
દેશની સૌથી મોટી ડિજિટલ પેમેન્ટ પ્રોવાઈડર એપ Paytm આપણે બધા વાપરીએ છીએ પણ Paytm કંપનીના શેર દરરોજ ઘટાડાનો નવો રેકોર્ડ બનાવી રહ્યા છે. જણાવી દઈએ કે હાલ કંપનીના શેર ઘટ્યા બાદ નીચા સ્તરે ટ્રેડ થઈ રહ્યા છે. ગુરુવારે એટલે કે આજે Paytmનો શેર 457.05 રૂપિયા પર ખુલ્યો હતો અને થોડા સમય પછી 467ની ટોચે પહોંચ્યો હતો. પણ એ પછી તેમાં ઘટાડો નોંધાયો હતો અને બપોરે 2 વાગ્યાની આસપાસ બે ટકા ઘટીને રૂ. 450.40 પર ટ્રેડ થતો જોવા મળ્યો હતો.
એક મહિનામાં 31 ટકા ઘટ્યો શેર
એક મહિના પહેલા 25 ઓક્ટોબર 2022ના રોજ આ શેર 656 રૂપિયાના સ્તરે પર હતો અને એક મહિના દરમિયાન જ તેમાં 31 ટકાથી વધુ ઘટાડો નોંધાયો હતો. જણાવી દઈએ કે કંપનીના શેરમાં IPO કિંમતથી લગભગ 80 ટકાનો ઘટાડો થયો છે. Paytmના IPOની ઇશ્યૂ કિંમત 2150 રૂપિયા હતી અને એ સમયે જે લોકોએ 2150 રૂપિયાના સ્તરે આ સ્ટોક ખરીદ્યો છે તેઓ આ સમયે ભારે નુકસાનમાં છે.
ઇશ્યૂ કિંમત 2150 રૂપિયા હતી
તાજેતરમાં જ કંપનીનો શેર રૂ. 438.35ના રેકોર્ડ તેના સૌથી નીચલા સ્તરને સ્પર્શ્યો છે અને વેચાણને કારણે Paytmનો સ્ટોક સતત ઘટી રહ્યો છે. શેરની અત્યાર સુધીની ઊંચી સપાટી 2150 છે. જણાવી દઈએ કે Paytmની કોન્સોલિડેટેડ ચોખ્ખી ખોટ વધીને રૂ. 571 કરોડ થઈ ગઈ છે જો કે એક વર્ષ અગાઉના સમાન સમયગાળામાં કંપનીને 473 કરોડની ખોટ થઈ હતી.
શેર 80 ટકા નીચે આવ્યા
જો કોઈ રોકાણકારે Paytmમાં 2150 રૂપિયામાં 1 લાખ રૂપિયાનું રોકાણ કર્યું હોત તો તેને તે સમયે 46 શેર મળ્યા હોય અને હવે જ્યારે આ સ્ટોક ઘટીને રૂ. 450ની આસપાસ છે એવામાં એમની એક લાખની રકમ ઘટીને રૂ. 20,500ની આસપાસ થઇ ગઇ છે. આ રીતે એમ ગણતરી કરીને કહી શકો કે Paytm એ ઉચ્ચ સ્તરેથી 80 ટકાનું નુકસાન કર્યું છે.