સ્ટોક માર્કેટ / ઘટી રહેલા બજારમાં પણ આ શેરે લોકોને કર્યા માલામાલ, એક વર્ષમાં 1 લાખના બનાવી દીધા 39 લાખ

આજે આપણે જે સ્ટોક વિશે વાત કરવાના છે તે એક વર્ષ પહેલા સુધી પેની સ્ટોક્સમાં ગણાતો હતો પરંતુ એક વર્ષમાં તેણે મલ્ટિબેગર રિટર્ન આપીને રોકાણકારોને ધનવાન બનાવ્યા છે.આ સ્ટોકનું નામ છે RRP સેમિકન્ડક્ટર . આ સ્ટોક દરરોજ નવા રેકોર્ડ બનાવી રહ્યો છે. શેરમાં થયેલા જબરદસ્ત ઉછાળાને કારણે, કંપનીનું માર્કેટ કેપ પણ 1000 કરોડ રૂપિયાને વટાવી ગયું છે. જો તમે છેલ્લા 6 મહિનામાં આ સ્ટોકમાં રોકાણ કર્યું હોત, તો તમને 944 ટકા વળતર મળ્યું હોત.

જેણે એક વર્ષ પહેલા આ સ્ટોકમાં 1 લાખ રૂપિયાનું રોકાણ કર્યું હશે, તેની રકમ આજે 39 લાખ રૂપિયા થઈ ગઈ છે. . આ શેર સતત ઉપલી સર્કિટને સ્પર્શી રહ્યો છે અને બજારના વધઘટથી તેના પર કોઈ અસર થઈ રહી નથી. આ વર્ષમાં પણ અત્યાર સુધીમાં આ શેરે રોકાણકારોને ૩૦૫ ટકા વળતર આપ્યું છે., આ શેરે એક વર્ષમાં 3835 ટકાનો નફો આપ્યો છે.

એક વર્ષ પહેલા માત્ર 17.35 રૂપિયા ભાવ હતો

એક વર્ષ પહેલા RRP સેમિકન્ડક્ટરના શેરનો ભાવ માત્ર 17.35 રૂપિયા હતો જે હવે વધીને 752.55 રૂપિયા થઈ ગયો છે. એટલે કે આ શેર જેણે એક વર્ષ પહેલા ખરીદ્યા હતા તેમને 3835 ટકાનું વળતર મળ્યું છે. જો તમે એક વર્ષ પહેલા તેમાં 1 લાખ રૂપિયાનું રોકાણ કર્યું હોત, તો આજે તેની કિંમત 39 લાખ રૂપિયા હોત. તેવી જ રીતે, જો તમે 25,000 રૂપિયાનું રોકાણ કર્યું હોત, તો તમારું રોકાણ 11 લાખ રૂપિયા થઈ ગયું હોત.

આ પણ વાંચોઃ શેરબજારના રોકાણકારો ખાંસ વાંચે, આ બેંકે ડિવિડન્ડની કરી જાહેરાત, ફટાફટ ચેક કરી લો

કંપનીએ કમાણીના સંદર્ભમાં એક નવો રેકોર્ડ બનાવ્યો

ઓક્ટોબર-ડિસેમ્બર 2024 ક્વાર્ટરમાં RRP સેમિકન્ડક્ટરની સ્વતંત્ર આવક રૂ. 14.82 કરોડ હતી. આ સમયગાળા દરમિયાન, કંપનીએ રૂ. 6.56 કરોડનો ચોખ્ખો નફો મેળવ્યો અને શેર દીઠ કમાણી રૂ. 4.64 રહી. બીજી તરફ સમગ્ર નાણાકીય વર્ષ 2024 માં કંપનીની સ્વતંત્ર આવક માત્ર 38 લાખ હતી. ડિસેમ્બર ક્વાર્ટરના આંકડા દર્શાવે છે કે કંપનીએ કમાણીના સંદર્ભમાં એક નવો રેકોર્ડ બનાવ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ