ના હોય ! / માત્ર 6 મહિનામાં આ શેરના રોકાણકારો બની ગયા કરોડપતિ, 900 ટકા રિટર્ન મળ્યું

• એક દવા કંપનીના શેરે માત્ર 6 મહિનામાં આપ્યું અધધ રિટર્ન
• ફક્ત 6 મહિનામાં આ શેરે 956 ટકાનું રિટર્ન આપ્યું
• Kwality Pharmaceuticalsનો શેર 17 સપ્ટેમ્બરે 639 રૂપિયાનો થયો

Kwality Pharmaceuticalsના શેર

લિક્વિડ ઓરલ્સ, ડ્રાઈ સીરપ, ટેબલેટ અને ORS જેવી દવાઓ બનાવનાર અને એક્સપોર્ટ કરનારી કંપની Kwality Pharmaceuticalsના શેર 16 માર્ચ 2021ના રોજ માત્ર 60.50 રૂપિયાના હતા. હવે તેના શેર 17 સપ્ટેમ્બર 2021ના રોજ 639 રૂપિયાનો થયો છે. આ રીતે ફક્ત 6 મહિનામાં આ શેર પર 956 ટકાનું રિટર્ન મળ્યું છે.

લખપતિથી બન્યા કરોડપતિ

Kwality Pharmaceuticalsના શેરમાં જો કોઈ વ્યક્તિએ 6 મહિના પહેલાં 1 લાખ રૂપિયાનું રોકાણ કર્યુ હશે તો અત્યારે તેને 10.49 લાખ રૂપિયા મળશે. આ રીતે ફક્ત છ મહિનામાં આ વ્યક્તિ લખપતિથી કરોડપતિ (1 મિલિયન 10 લાખની બરાબરીએ) બની ગયા.

આખા વર્ષમાં 1051 ટકા શેર વધ્યો

Kwality Pharmaceuticalsના શેરમાં જો આખા વર્ષના રિટર્નને જોવામાં આવવે તો 1051.35 ટકા રહ્યો છે. જ્યારે વર્ષ 2021ની શરૂઆતમાં અત્યાર સુધી 1058 ટકા વધ્યો છે. જેની બજાર વેલ્યુ 663.04 કરોડ રૂપિયા પર પહોંચી છે.

શું હજુ રોકાણ માટે યોગ્ય છે?

કંપનીના શેરે પોતાની સમકક્ષ કંપની Divis Labs (53.73 ટકા) અને Hikal Limited (336.28 ટકા)ના શેર કરતા સારું રિટર્ન આપ્યું છે. પરંતુ તેમ છતાં તેમાં રોકાણ કરતા પહેલાં તેની નાણાંકીય સ્થિતિ અંગે જાણવુ ખૂબ જરૂરી છે.

Kwality Pharmaceuticalsનો નફો

Kwality Pharmaceuticalsનો ચોખ્ખો નફો માર્ચ 2021માં સમાપ્ત થયેલા નાણાંકીય વર્ષમાં 15.42 કરોડ રૂપિયા રહ્યું. જ્યારે નાણાંકીય વર્ષ 2019-20માં આ 8.43 કરોડ રૂપિયા હતુ. જ્યારે માર્ચ 2021ના રોજ પૂરા થયેલા નાણાંકીય વર્ષમાં કંપનીનું વાર્ષિક વેચાણ  88.56 ટકા વધીને 261.50 કરોડ રૂપિયા રહ્યું. જે 2019-20માં 138.68 કરોડ રૂપિયાનુ હતુ.