વિધાનસભાના દ્વારેથી / ગુજરાતમાં કાયદો અને વ્યવસ્થાની આ સ્થિતિ, બે વર્ષમાં 3796 દુષ્કર્મની ઘટના, 61 સામૂહિક દુષ્કર્મ

• ગુજરાતમાં કાયદો અને વ્યવસ્થાની સ્થિતિ 
• છેલ્લા બે વર્ષમાં 3796 દુષ્કર્મની ઘટના ઘટી 
• 61 સામુહિક દુષ્કર્મની ઘટના, 203 આરોપી ફરાર  

ગુજરાત વિધાનસભામાં કોંગ્રેસ ધારાસભ્યના પ્રશ્ન પર સરકારનો ગૃહમાં જવાબ આપતા કહ્યું કે, ગુજરાતમાં 2 વર્ષમાં 3796 દુષ્કર્મની ઘટના બની છે. રાજ્યમાં છેલ્લા  2 વર્ષમાં 61 સામુહિક દુષ્કર્મની ઘટના બની છે. આ દુષ્કર્મ કેસોમાં હજુ 203 આરોપીની ધરપકડ બાકી છે. 

શહેરમાં મહિલા દિવસે જ વાસણા વિસ્તારમાં રહેતી એક યુવતીને લગ્નની લાલચ આપીને તેની સાથે શારીરિક સંબંધો બાંધી ત્રણ વખત દુષ્કર્મ આચરાયું હોવાની ઘટના સામે આવતાં ભારે ચકચાર મચી જવા પામી છે.  

અમદાવાદમાં લગ્નની લાલચ આપીને યુવતી સાથે વારંવાર દુષ્કર્મ

આ અંગે પોલીસ સુત્રોના જણાવ્યા અનુસાર અમદાવાદ શહેરના વાસણા વિસ્તારમાં રહેતી એક યુવતીને એક યુવકે લગ્નની લાલચ આપીને વારંવાર શારીરિક સંબંધો બાંધી બે વાર ગર્ભવતી બનાવી યુવકે પોતાની હવસ સંતોષી હતી. બાદમાં યુવકે યુવતીએ ગર્ભપાત કરવા માટે દબાણ કર્યું હતું. જેને લઈને યુવતી બે વાર ગર્ભપાત કરાવ્યા પછી પણ યુવકે સાથે શારીરિક સંબંધો ચાલું રાખ્યા હતા. દરમિયાન ત્રીજી વાર પણ આ સંબંધોને કારણે ગર્ભવતી થઈ ગઈ હતી. 

વાસણા પોલીસ સ્ટેશનમાં આરોપી સામે ગુનો નોંધાયો

આ વખતે પણ પ્રેમીએ ગર્ભપાત માટે દબાણ કર્યું હતું. પરંતુ પુખ્ત થયેલી યુવતીએ  યુવક દ્વાર વારંવાર ગર્ભપાત માટે દબાણ કરતાં વાસણા પોલીસ સ્ટેશનમાં ફરિયાદ કરી છે. આ અંગેની જેથી પોલીસે 23 વર્ષીય યુવતીની ફરિયાદ લઈને આરોપી સામે ગુનો નોંધ્યો હતો. અને કાયદેસરની કાર્યવાહી હાથ ધરી છે. 

સુરતમાં દુષ્કર્મની ઘટના 

સુરતના પાંડેસરામાં માતા-બાળકી પર રેપ બાદ હત્યાના કેસ મામલે ગત શનિવારે કોર્ટે હર્ષસહાય ગુર્જર તથા હરિઓમ ગુર્જરને દોષિત ઠેરવ્યા. અને કોર્ટ 7 માર્ચે સજા  સંભળાવશે તેમ જણાવ્યું હતું ,જેમાં આજે દુષ્કર્મના દોષિત હર્ષ ગુર્જરને ફાંસીની સજા સંભળાવી છે.અને હર્ષ ગુર્જરને મદદ કરનારા મિત્ર હરિઓમને આજીવન કેદ સજા સંભળાવી છે.આપને જણાવી દઈયે કે, આ કેસની ફરિયાદ સુરતના પાંડેસરા પોલીસ મથકે 6 એપ્રિલ 2018ના રોજ નોંધાઈ હતી. અમદાવાદ ક્રાઇમ બ્રાન્ચ દ્વારા આખા ગુનાનો ભેદ ઉકેલાયો હતો. જેમાં આરોપીએ માસૂમ બાળકી અને માતાનો રેપ કરી બાદમાં તેમની હત્યા કરી લાશને ઝાડીઓમાં ફેંકી દીધી હતી.  

કેવી રીતે પોલીસે ભેદ ઉકેલ્યો?

સચિન PI કે.બી. ઝાલાએ આ કેસ મામલે જણાવ્યું હતું કે, તેઓ જ્યારે પાંડેસરામાં ફરજ બજાવતા હતા, તે સમયે 4 દિવસની અંદર જ બાળકી અને માતાનો મૃતદેહ મળી આવ્યો હતો. આ બન્નેની ઓળખ માટે પોલીસ દ્વારા 6500 પોસ્ટર દેશના તમામ રાજ્યોમાં લગાડીને શોધવાનો પ્રયાસ કર્યો હતો. જોકે તેમાં સફળતા ન મળી. બાદમાં એક 56 સેકન્ડના CCTV ફૂટેજમાં કાળા કલરની કારની ઓળખ થયા બાદ આખો કેસ ડિટેક્ટ થયો હતો.

આરોપીએ એવા ખુલાસા કર્યા કે પોલીસ પણ ચોંકી ઉઠી

દુષ્કર્મ અને હત્યા કેસનો આરોપી પોલીસના ઝપટે ચડી ગયો હતો. તેની પૂછપરછમાં એવા ખુલાસા થયા કે ખુદ પોલીસ અધિકારીઓના પગ નીચેથી જમીન સરકી ગઇ. રાજસ્થાનના એક ગામમાંથી માતા અને તેની દીકરીને કામ અપાવવાના બહાને સુરતના કામરેજ ગામે લવાયા હતા. તેને કન્સ્ટ્રક્શન સાઇડ પર કામ અપાવવામાં આવ્યું હતું. 

શું હતો સમગ્ર મામલો ?

હર્ષસહાય ગુર્જરે મહિલાને 35 હજાર રૂપિયામાં ખરીદી હતી. તેને પોતાની સાથે પાંડેસરા રહેવા લઈ આવ્યો હતો. જ્યાં બીજી મહિલાના આવવાથી હર્ષ અને તેની પત્ની વચ્ચે ઝઘડાઓ થતાં હતા. જેને લઇને આરોપીએ ગળે ફાંસો આપીને મહિલાની હત્યા કરી નાખી હતી. તેના મૃતદેહને એરપોર્ટ રોડ પર ઝાડીમાં ફેંકી દીધી હતી. તો માસૂમ દીકરીને પોતાના જ ઘરે જ રાખતો હતો. તેમ છતા તે ડરના માહોલમાં હતો જેને લઇને નરાધમે બાળકીની પણ હત્યા કરી નાખી અને ઘરથી થોડે દૂર ફેંકી દીધી હતી. બાળકીનું પોસ્ટમોર્ટમ કરતા તેની સાથે ગંભીર રીતે સતત દુષ્કર્મ આચરી હત્યા કરી હોવાનો ખુલાસો થયો હતો. આ ઘટના સામે આવતા હર્ષ ગુર્જર પરિવાર સાથે પોતાના વતન ચાલ્યો ગયો હતો.