પાકિસ્તાનની ટીમે તેની પહેલી મેચ 23 ઓક્ટોબરે ભારતીય ટીમ સામે રમવાની છે પણ તે પહેલા ટીમનો એક સ્ટાર ખેલાડી ઈજાના કારણે હોસ્પિટલ પહોંચી ગયો છે.
પાકિસ્તાન ક્રિકેટ ટીમને મોટો ઝટકો લાગ્યો
ટીમનો એક સ્ટાર ખેલાડી ઈજાના કારણે હોસ્પિટલ પહોંચી ગયો
ઈજા કેટલી ખતરનાક છે એ વિશે હજુ સ્પષ્ટ નથી
ટી20 વર્લ્ડ કપ 2022ની શરૂઆત થઈ ગઈ છે અને એ પહેલા પાકિસ્તાન ક્રિકેટ ટીમને મોટો ઝટકો લાગ્યો છે. પાકિસ્તાનની ટીમે તેની પહેલી મેચ 23 ઓક્ટોબરે ભારતીય ટીમ સામે રમવાની છે પણ તે પહેલા ટીમનો એક સ્ટાર ખેલાડી ઈજાના કારણે હોસ્પિટલ પહોંચી ગયો છે.
Breaking: Shan Masood taken to the hospital after the ball struck the right side of his head. We wish him a speedy recovery. #SportsYaari pic.twitter.com/XK0m180OKL
ઘાયલ થયેલ આ સ્ટાર બેટ્સમેન શાન મસૂદ છે, જેને નેટ પ્રેક્ટિસ દરમિયાન માથા પર બોલ વાગ્યો હતો અને એ પછી તેને સ્કેન માટે હોસ્પિટલમાં દાખલ કરવામાં આવ્યો છે. પાકિસ્તાને રવિવારે જ ભારત સામે મેચ રમવાની છે પણ શાન મસૂદની ઈજાના કારણે ટીમને મોટો ઝટકો લાગ્યો છે.
A moment of extreme scare. Mohammad Nawaz is distraught and down on the ground after his shot hits Shan Masood flash at the back of his neck😳
વિડીયો પણ થયો વાયરલ
શાન મસૂદનો એક વીડિયો પણ સોશિયલ મીડિયા પર વાયરલ થઈ રહ્યો છે. અને એ વાયરલ વિડીયોમાં ઈજા પછી તેઓ જમીન પર પડ્યો હોય એવું બતાવવામાં આવ્યો છે. વીડિયોમાં જોઈ શકાય છે કે પાકિસ્તાની ખેલાડીઓ અને સ્ટાફ શાન મસૂદને ઘેરીને ઊભા છે અને આ દરમિયાન, ફિઝિયો અને મેડિકલ સ્ટાફ પણ તેમની તાત્કાલિક સારવાર કરે છે અને એ પછી તેમને સ્કેન માટે લઈ જવામાં આવે છે. આ પરથી તેની ઈજાની ગંભીરતા જાણી શકાય.
જણાવી દઈએ કે શાન મસૂદ મેલબોર્ન ક્રિકેટ ગ્રાઉન્ડ (MCG)માં પાકિસ્તાન ટીમ સાથે નેટ પ્રેક્ટિસ કરી રહ્યો હતો અને આ દરમિયાન મોહમ્મદ નવાઝનો એક શોટ બોલ તેના માથાની જમણી બાજુએ આવ્યો હતો. જોકે આ ઈજા કેટલી ખતરનાક છે એ વિશે હજુ સ્પષ્ટ નથી. હાલમાં સ્કેન રિપોર્ટની રાહ જોવાઈ રહી છે.