શોબિજ ઈન્ડસ્ટ્રીમાં ઘણા કપલ્સ પ્રભુતામાં પગલા માંડી રહ્યાં છે. જ્યાં કેએલ રાહુલ અને અથિયા શેટ્ટીના લગ્નના અહેવાલો સામે આવી રહ્યાં છે. તો વધુ એક સ્ટાર કપલે સત્તાવાર રીતે પોતાના લગ્નની તારીખ જાહેર કરી દીધી છે.
કેએલ રાહુલ-અથિયા શેટ્ટી પહેલા આ સ્ટાર કપલ કરશે લગ્ન
સત્તાવાર રીતે પોતાના લગ્નની તારીખ જાહેર કરી દીધી
28 નવેમ્બર 2022ના રોજ થશે આ કપલના લગ્ન
હવે આ સેલિબ્રિટી લગ્નના બંધનમાં બંધાશે
બોલીવુડ અને સાઉથ ઈન્ડસ્ટ્રીમાં છેલ્લા એક-બે વર્ષમાં ઘણા સેલિબ્રિટીઓએ સાત ફેરા લઇને પોતાના જીવનસાથીને પસંદ કર્યા છે. ઘણા કપલ્સ લગ્ન કરવા માટે પણ તૈયાર છે. તમને કદાચ ખબર હશે કે આગામી મહિનામાં ક્રિકેટર કેએેલ રાહુલ અભિનેત્રી અથિયા શેટ્ટી સાથે લગ્ન કરવાના છે. જેની પહેલા વધુ એક સ્ટાર કપલ છે, જે થોડા સમયમાં લગ્નના બંધનમાં બંધાઈ રહ્યાં છે. આ બંને સેલિબ્રિટીઓ પણ કો-સ્ટાર્સ રહ્યાં છે અને અભિનેતાના પિતા પણ ઈન્ડસ્ટ્રીના એક લોકપ્રિય ફેમસ અભિનેતા છે.
અથિયા-કેએલ રાહુલ પહેલા આ કપલ લગ્ન કરવા જઇ રહ્યું છે
અમે સાઉથની ફિલ્મ ઈન્ડસ્ટ્રીના એક લોકપ્રિય સ્ટાર કપલની વાત કરી રહ્યાં છે. અહીં તામિલ અભિનેતા ગૌતમ કાર્તિકની વાત ચાલી રહી છે, જે Achcham Yenbadhu Madamaiyada ફિલ્મની અભિનેત્રી મંજિમા મોહન સાથે લગ્ન કરી રહ્યાં છે.
ગૌતમ કાર્તિક અને મંજિમા મોહન આગામી દિવસમાં લગ્ન કરવાના છે. કપલે જાહેરાત કરી છે કે તેમના લગ્ન 28 નવેમ્બર 2022ના રોજ તેમના પરિવાર, મિત્ર અને સંબંધીઓની વચ્ચે થશે. આ વાતની જાણકારી બંનેએ મીડિયા સાથે મળીને શેર કરી છે. ઉલ્લેખનીય છે કે ગૌતમ કાર્તિક સાઉથના દિગ્ગજ અભિનેતા કાર્તિકના પુત્ર છે.