સૌથી જૂની લોકશાહી અમેરિકા અને સૌથી મોટી લોકશાહી ભારત એમ બે મહાનુભાવોની મુલાકાતનું અમદાવાદ સાક્ષી બન્યું છે. ટ્રમ્પ સાબરમતી આશ્રમ જશે કે નહીં તેની અનેક અટકળો ચાલી હતી. જોકે સાબરમતી આશ્રમે ટ્રમ્પના સ્વાગતની પુરતી તૈયારીઓ કરી હતી. જેના માટે તેણે ખાસ ભેટ સોગાદો તૈયાર કરી રાખી હતી.
સાબરમતી આશ્રમ દ્વારા આ 5 ભેટ આપવામાં આવી
જાણો ટ્રમ્પે શુ લખ્યુ વિઝીટ બુકમાં
ટ્રમ્પે મોદીનો આભાર માન્યો
આશ્રમ દ્વારા આ ખાસ બુકલેટ તૈયાર કરવામાં આવી
સાબરમતી આશ્રમ પહોંચેલા ડોનાલ્ડ ટ્રમ્પ અને મેલેનિયા ટ્રમ્પ દ્વારા હૃદય કુંજની મુલાકાત લીધી હતી. તેમજ આ દરમિયાન તેમણે વિઝીટર્સ બુકમાં પોતાના હસ્તાક્ષર કર્યા હતાં. જેમાં ડોનાલ્ડ ટ્રમ્પે આશ્રમની મુલાકાત દરમિયાન વિઝીટ બુકમાં લખ્યું હતું કે, ‘ટૂ માય ગ્રેટ ફ્રેન્ડ પ્રાઈમ મિનિસ્ટર મોદી- થેન્કયૂ ફોર ધિસ વન્ડરફુલ વિઝીટ’ એમ લખી પોતાના હસ્તાક્ષર કર્યાં હતા.
આ વિઝીટર બૂકમાં હસ્તાક્ષર કરનાર ટ્રમ્પ પહેલા મહાનુભાવ છે. કેમકે આ વિઝીટબુક નવી છે. આશ્રમના સૂત્રોના જણાવ્યા પ્રમાણે જૂની વિઝીટબુક ભરાઈ ગઈ હોવાથી નવી આપી હતી. આશ્રમ મુલાકાત દરમિયાન આશ્રમ વિશે કોઈ કમેન્ટ કરવાની જગ્યાએ ટ્રમ્પે મોદીનો આ જગ્યાએ મુલાકાત કરવા બદલ આભાર માન્યો હતો. એ બાદ મેલેનિયાએ બૂકમા હસ્તાક્ષર કર્યા હતા.
અત્રે ઉલ્લેખનીય છે કે એવું પહેલી વાર બન્યુ છે કે કોઈ મહાનું ભાવ આશ્રમની મુલાકાતે આવ્યા હોય અને ગાંધી વિશે કંઈ જ ન કહે. આશ્રમની મુલાકાતે આવેલા આ દંપતી 11 મિનિટ રોકાય પણ પ્રતિમાને સુતરી આંટી ન ચઢાવી આવું પણ પહેલીવાર બન્યું કે કોઈ મહાનુભાવ આવે અને ગાંધીને ભૂલી જાય.
ટ્રમ્પને ધ્યાનમાં રાખીને એક બુકલેટ તૈયાર કરી હતી
ગાંધીજીની 150મી જન્મ જયંતીનું સેલિબ્રેશન થઈ રહ્યું હોઈ આશ્રમ દ્વારા ગાંધી પોર્ટલ અને ગાંધી આશ્રમ આમ બે ટ્વીટર અકાઉન્ટમાં રોજ ગાંધીજીના એક ક્વોટની ટ્વીટ કરવામાં આવતી હતી. ડોનાલ્ડ ટ્રમ્પને ટ્વીટમાં બહું રસ હોવાથી આશ્રમના વહીવટી તંત્રએ ટ્રમ્પને ધ્યાનમાં રાખીને એક બુકલેટ તૈયાર કરી હતી. ખાદીના પાના પર ગાંધીજીના ક્વોટવાળી ટ્વીટ પ્રિન્ટ કરવામાં આવી છે. આ બુકમાં ગાંધીજીના 150 ક્વોટ છે. જે ટ્રમ્પને ભેટ કરવામાં આવી છે.
Gujarat: US President Donald Trump writes a message in the visitors' book at the Sabarmati Ashram, 'To my great friend Prime Minister Modi...Thank You, Wonderful Visit!' pic.twitter.com/mxpJbSMg4W
પેન્સિલથી તૈયાર કરાયેલું ડ્રોઈંગ પણ ટ્રમ્પને ભેટ કરવામાં આપવામાં આવ્યું
આ ઉપરાંત ગાંધીજીની આત્મકથાનું પુસ્તક અને ચરખો પણ તેમને ભેટમાં આપવામાં આવ્યું. તેમજ પન્સિલથી તૈયાર કરાયેલું ડ્રોઈંગ પણ ટ્રમ્પને ભેટ કરવામાં આપવામાં આવ્યું છે. આ ઉપરાંત ગાંધીજીનું તલિસમન એટલે કે સંદેશા પત્ર આપ્યું હતું. આશ્રમ તંત્રએ તેમની આ ભેટ સૌગાદો બહું મહેનતથી તૈયાર કરી હતી.