અમેરિકામાં ટોપ નેતાઓને PM મોદીએ ખાસ ગિફ્ટસ આપી છે. ત્યારે યુનાઇટેડ સ્ટેટ્સના ઉપરાષ્ટ્રપતિ કમલા હેરિસ PM મોદીથી ગિફ્ટ લેતી વખતે ભાવુક થયા હતા.
કમલા હેરિસને આપી દાદાથી સંકળાયેલ ગિફ્ટ
હાથોથી જ તૈયાર કરવામાં આવી છે આ ખાસ ભેટ
જપાનનાં પ્રધાનમંત્રીને ભેટમાં આપી ચંદનનાં બુદ્ધની પ્રતિમા
પીએમ મોદી અત્યારે અમેરિકાના પ્રવાસ પર છે અને આજે જ અમેરિકાના રાષ્ટ્રપતિ બાયડન સાથે મુલાકાત થવાની છે. અમેરિકામાં કમલા હેરિસની સાથે સાથે જપાન અને ઓસ્ટ્રેલીયાનાં વડાપ્રધાન સાથે પણ પીએમ મોદીએ મુલાકાત કરી છે ત્યારે ભારતમાંથી પીએમ ઘણા બધી ભેટ પણ લઈ ગયા છે.
કમલા હેરિસને આપી દાદાથી સંકળાયેલ ગિફ્ટ
અમેરિકામાં ખાસ લોકો સાથે બેઠક બાદ પીએમ મોદીએ દુનિયાના ટોપ નેતાઓને ખાસ ગિફ્ટ આપી છે. કમલા હેરિસને પીએમ મોદીએ તેમના દાદાજીથી સાથે જોડાયેલી કેટલીક સૂચનાઓની કોપી ગિફ્ટ આપી છે. આ ખાસ કોપીને ફ્રેમ કરવામાં આવી છે. નોંધનીય છે કે કમલા હેરિસનાં દાદાજી સન્માનિત સરકારી અધિકારી હતા અને તેમણે ઉચ્ચ પદો પર તેઓએ સેવા આપી હતી. આ સિવાય તેમણે હેરિસને ગુલાબી મીનાકારી સાથે ચેસનો સેટ ગિફ્ટ આપ્યો છે. નોંધનીય છે કે આ ચેસ ખૂબ જ ખાસ છે કારણ કે તે કાશી સાથે જોડાયેલ છે. આ ચેસમાં એક એક મોહરા પર ખૂબ જ બારીક હાથો દ્વારા જ નકશીકામ કરવામાં આવ્યું છે.
હાથોથી જ તૈયાર કરવામાં આવી છે આ ખાસ ભેટ
આ પહેલા પીએમ મોદીએ ઑસ્ટ્રેલિયાનાં સ્કોટ મોરિસન સાથે મુલાકાત કરી હતી જેમા તેમણે ગુલાબી મીનકારી વાળા જહાજ તેમને ભેટ આપ્યા છે. આ જહાજ હાથોથી જ તૈયાર કરવામાં આવ્યા છે.
જપાનનાં પ્રધાનમંત્રીને ભેટમાં આપી ચંદનનાં બુદ્ધની પ્રતિમા
જપાનનાં પ્રધાનમંત્રી યોશીહીદે સુગા સાથે મીટિંગ બાદ પીએમ મોદીએ તેમને ચંદનનાં બુદ્ધની પ્રતિમા ગિફ્ટ આપી છે. ખાસ વાત છે કે જપાન અને ભારત વચ્ચેનાં સંબંધનોમાં બૌદ્ધ પંરપરાની ખૂબ જ મોટી ભૂમિકા છે. ભગવાન બુદ્ધનાં વિચાર અને આદર્શ જપાનમાં દૂર દૂર સુધી રહે છે. નોંધનીય છે કે પીએમ મોદી જપાન ગયા ત્યારે તેઓ બુદ્ધ મંદિરોમાં ગયા હતા.