IPLIN
 

મનોરંજન / KGF-2 અને RRR ને પછાડી નંબર વન બની ગઈ સાઉથની આ ફિલ્મ, બોક્સ-ઓફિસ પર પણ જોરદાર જલવો

Team VTV 04:33 PM, 14 Oct 22
Follow us
This South film has become number one by beating KGF-2 and RRR, also a huge hit at the box-office.

ફિલ્મ 'કાંતારા' IMDb પર નંબર-1 ફિલ્મ બની ગઈ છે. જણાવી દઈએ કે યશની 'KGF ચેપ્ટર 2' અને રામ ચરણ, જુનિયર NTRની ફિલ્મ 'RRR'ને પણ ફિલ્મ 'કાંતારા'એ પાછળ છોડી દીધી છે. 

  • ફિલ્મ 'કાંતારા' IMDb પર નંબર-1 ફિલ્મ બની ગઈ છે
  • 13 દિવસની અંદર ફક્ત કન્નડમાં કમાયા 72 કરોડ 
  • KGF ચેપ્ટર 2' અને 'RRR'ને પણ 'કાંતારા'એ પાછળ છોડી દીધી

ઋષભ શેટ્ટીની કન્નડ ફિલ્મ 'કાંતારા' હાલ થિયેટરમાં ધૂમ મચાવી રહી છે. કન્નડ અને મલયાલમ ભાષામાં 30 સપ્ટેમ્બરે રિલીઝ થયેલી ફિલ્મ 'કાંતારા' 14 ઓક્ટોબરે એટલે કે આજે હિન્દીમાં રિલીઝ થઈ હતી. આ બધા વચ્ચે ફિલ્મ 'કાંતારા' IMDb પર નંબર-1 ફિલ્મ બની ગઈ છે. જણાવી દઈએ કે યશની 'KGF ચેપ્ટર 2' અને રામ ચરણ, જુનિયર NTRની ફિલ્મ 'RRR'ને પણ ફિલ્મ 'કાંતારા'એ પાછળ છોડી દીધી છે. 

IMDb પર બની નંબર-1 ફિલ્મ
ફિલ્મ 'કાંતારા' કર્ણાટકમાં બોક્સ ઓફિસ પર ધૂમ મચાવી રહી છે. તમને જણાવી દઈએ કે આ એક્શન-થ્રિલર ફિલ્મનું નિર્માણ KGFના નિર્માતા હોમ્બલે ફિલ્મ્સ દ્વારા કરવામાં આવ્યું છે અને ફિલ્મમાં ઋષભ શેટ્ટી લીડ રોલમાં છે. સાથે જ તેઓ આ ફિલ્મના લેખક અને ડિરેક્ટર પણ છે. કંતારાને IMDb પર 9.6 રેટિંગ મળ્યું છે અને અત્યાર સુધીનો કન્નડ ફિલ્મ માટે આ એક રેકોર્ડ છે. જો કે આ પહેલા કન્નડ ફિલ્મ KGF-2 એ બોક્સ ઓફિસ પર જોરદાર કમાણી કરી હતી અને IMDb પર તેને 8.4 રેટિંગ મળ્યું હતું. એ જ સમયે રાજામૌલીની ફિલ્મ 'RRR'ને 8.0 રેટિંગ મળ્યું છે.

13 દિવસની અંદર ફક્ત કન્નડમાં કમાયા 72 કરોડ 
કન્નડ ફિલ્મ 'કાંતારા' એ 13 દિવસની અંદર જ તેના મૂળ કન્નડ વર્ઝનમાં 72 કરોડ રૂપિયાથી વધુની કમાણી કરી છે. જણાવી દઈએ કે રક્ષિત શેટ્ટીની ફિલ્મ '777 ચાર્લી' એ IMdbની યાદીમાં 'કંતારા' પછી બીજા નંબર પર છે. જો કે ફિલ્મ '777 ચાર્લી' એ બોક્સ ઓફિસ પર ખાસ કમાલ નહતી બતાવી શકી પણ  OTT પર આ ફિલ્મને સારો પ્રતિસાદ મળ્યો છે. ફિલ્મ '777 ચાર્લી'ને IMDb પર 9.0 રેટિંગ મળ્યું છે. જ્યારે ત્રીજા નંબર પર KGF 2 અને ચોથો નંબર RRR છે.

બજેટ કરતાં ત્રણ-ચાર ગણું કમાઈ ગઈ ફિલ્મ 
કન્નડ ફિલ્મ 'કાંતારા' ફિલ્મનું બજેટ 16 કરોડ રૂપિયા હતું અને અત્યાર સુધી ફક્ત કન્નડ વર્ઝનમાં 72 કરોડ રૂપિયાથી વધુની કમાણી કરી છે. મળતી જાણકારી અનુસાર પહેલા મેકર્સ આ ફિલ્મને માત્ર કન્નડ ભાષામાં જ રિલીઝ કરવાના હતા. પણ જે રીતે તેને બોક્સ ઓફિસ પર લોકોનો રિસ્પોન્સ મળ્યો એ જોઈને તેને હિન્દી, તમિલ અને તેલુગુમાં પણ રિલીઝ કરવામાં આવી છે. કન્નડ બોક્સ ઓફિસ પર કમાણીની વાત કરીએ તો KGF 2 એ કન્નડમાં 171.50 કરોડ રૂપિયાની કમાણી કરી હતી અને RRR એ 86 કરોડ રૂપિયા આ સિવાય '777 ચાર્લી' એ 51 કરોડ રૂપિયાનો બિઝનેસ કર્યો હતો.

KGF-2 RRR કાંતારા Kantara IMDb
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ