લેફ્ટનન્ટ જનરલ કેજીએસ ઢીલ્લને રિટાયરમેન્ટના એક દિવસ પહેલા વર્દીમાં છેલ્લી તસવીર ટ્વિટ કરીને લોકોના દિલ જીતી લીધા છે.
રિટાયરમેન્ટ વખતે પણ ફોજીને તેમની વર્દી કેટલી વ્હાલી હોય છે તેનો અદ્દભૂત દાખલો
લેફ્ટનન્ટ જનરલ કેજીએસ ઢીલ્લને વર્દીમાં છેલ્લી તસવીર ટ્વિટ કરી
તસવીર જોઈને લોકો થયા ભાવુક
સૈનિકને પોતાના દેશની વર્દી સાથે અનોતો નાતો જળવાઈ રહેતો હોય છે. વર્દી તેમનું એક અંગ જેવું બની જાય છે. તેમનું કર્મ બની જાય છે. તેમના શરીરનો, તેમના આત્માનો એક હિસ્સો બની જતી હોય છે જેને સંવારવાનું કામ સૈનિક કરે છે.
લેફ્ટનન્ટ જનરલ કેજીએસ ઢીલ્લને વર્દીમાં છેલ્લી તસવીર ટ્વિટ કરી
ટ્વિટર પર સેનાના અધિકારી લેફ્ટનન્ટ જનરલ કેજીએસ ઢીલ્લને એક તસવીર શેર કરી છે. તેમણે તેમની તસવીરમાં કહ્યું કે તેઓ રિટાયર થઈ રહ્યાં છે અને તે દિવસે તેમણે છેલ્લી વાર કોમ્બેટ યુનિફોર્મ પહેર્યો હતો. વર્દીમાં પોતાની છેલ્લી તસવીર ટ્વિટર પર શેર કરીને તેમણે કેપ્શનમાં લખ્યું કે સમ્માન અને જવાબદારીની એક યાત્રા, જય હિંદ.
Combat Dress … the one I wore for decades … Wearing it for the one last time 👍
તેમણે લખ્યું કે આ કોમ્બેટ ડ્રેસ તેઓ દાયકાઓથી પહેરી રહ્યાં છે અને હવે છેલ્લી વાર પહેરી રહ્યો છું. આ ફોટોને શેર કરતા તેમણે નોસ્ટેલ્જિયા શબ્દનો ઉપયોગ કર્યો.
Combat Dress … the one I wore for decades … Wearing it for the one last time 👍
ફોજી અને તેમની વર્દીનો આ પ્યારભર્યો નાતો જોઈને લોકો ભાવુક થયા
એક યૂઝરે લખ્યું કે તેમણે છેલ્લા દિવસે નવો ડ્રેસ પહેરવાની જરુર હતી. તેની પર જનરલ સાહેબ ઘણો પ્યારભર્યો જવાબ આપ્યો. તેમણે જવાબ આપ્યો કે છેલ્લા દિવસે મોહબ્બત ન બદલાય જનાબ. બીજા એક યૂઝરે કોમેન્ટ કરી કે સર તમે હવે આ વર્દીને છેલ્લી વાર પહેરી રહ્યાં છો અને હવે આ ડ્રેસ તમારો હિસ્સો બની ચૂકી છે. ત્યાં સુધી કે તમારા મિત્ર, સાથીઓ અને સગાવહાલા હમેંશા તમને આ ડ્રેસમાં જોતા આવ્યાં છે. એક ફોજી અને તેમની વર્દીનો આ પ્યારભર્યો નાતો જોઈને લોકો ભાવુક થયા.