બિઝનેસ / આ એક જ IPOએ 500 કર્મચારીઓને બનાવી દીધા કરોડપતિ, જાણો સૌથી વધારે ફાયદો કયા સેક્ટરને થયો

બુધવારે ઓનલાઈન ફૂડ એગ્રીગેટર કંપની સ્વિગીના શેર લિસ્ટ થઇ ગયા છે. તેનાથી આ કંપનીના કર્મચારીઓને ખૂબ ફાયદો થયો છે. જેમાં આશરે 9,000 કરોડ રૂપિયાની ESOP વેલ્યુ અનલોક થઇ છે. જેથી કંપનીના લગભગ 5,000 કર્મચારીઓને ફાયદો થશે. તેમાં લગભગ 500 લોકો કરોડપતિ બની શકે છે. જેમાં સૌથી વધુ ફાયદો કંપનીના કો ફાઉન્ડર અને ગ્રૂપ CEO શ્રીહર્ષ મજેટીને થશે , જેમની ESOP હોલ્ડિંગ્સનુ વેલ્યુ 1,894 કરોડ રૂપિયા છે. તો સ્વિગીના ઈન્સ્ટામાર્ટ ડિવિઝનના સીઈઓ અમિતેશ ઝા પાસે આશરે 126 કરોડ રૂપિયાની કિંમતના ESOP છે. આ સાથે  સ્વિગીના ફૂડ માર્કેટપ્લેસના સીઈઓ રોહિત કપૂર પાસે 92 કરોડ રૂપિયાનું હોલ્ડિંગ છે.

આ સાથે સ્વિગીની લીડરશિપ ટીમના અન્ય પ્રમુખ સભ્યોને પણ ફાયદો થશે. સ્વિગીના CFO રાહુલ બોથરા અને CTO મધુસૂદન રાવ પાસે 81.73 કરોડ રૂપિયાના ESOP છે. તો સ્વિગીના મુખ્ય માનવ સંસાધન અધિકારી ગિરીશ મેનન, ચીફ ગ્રોથ ઓફિસર ફણી કીશન અને ઈનોવેશન હેડ નંદન રેડ્ડી પાસે પણ આટલી જ રકમ છે. હમણાં રીઝાઈન આપનાર ચીફ ગ્રોથ એન્ડ માર્કેટિંગ ઓફિસર અશ્વથ સ્વામીનાથન પાસે 54.48 કરોડ રૂપિયાના ESOP છે. કુલ મળીને એગ્ઝીક્યૂટિવ ટીમ પાસે 2500 કરોડથી વધુના ESOP છે.

વધુ વાંચો : શેર માર્કેટમાં મચી તબાહી! નવેમ્બરમાં રોકાણકારોને થયું કરોડોનું નુકસાન, આંકડો ચોંકાવનારો

• રિયલ એસ્ટેટ લાભો
  સ્વિગીએ સેબી પાસેથી એક વર્ષના લૉક-ઇન પિરિયડ પર છૂટ પણ મેળવી લીધી છે. આ સાથે કર્મચારીઓ IPOના એક મહિના બાદ પણ તેમના શેર વેચી શકશે. આ IPOમાંથી મળનારી રકમ બેંગલુરુના રિયલ એસ્ટેટ માર્કેટ પર અસર કરે તેવી સંભાવના છે. આ IPOના કારણે કરોડપતિ બનેલા કર્મચારીઓ રિયલ એસ્ટેટમાં રોકાણ કરી શકે છે. તેનાથી મોંઘી મિલકતની ડિમાન્ડ વધી શકે છે. બેંગલુરુમાં ઘણા સ્ટાર્ટ અપ્સ આવેલા છે. સ્વિગીના IPOથી લક્ઝરી હાઉસિંગની ડિમાન્ડ વધે તેવી સંભાવના છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ