ટૂંક સમયમાં ગૂગલના હોમ પેજ પર ગૂગલ લેન્સનું પણ આઇકોન જોવા મળશે. જણાવી દઈએ કે આ સિવાય ગૂગલની એક સર્વિસ પણ બંધ થઈ રહી છે.
ગૂગલના હોમ પેજ પર ગૂગલ લેન્સનું પણ આઇકોન જોવા મળશે
ગૂગલ સર્ચનો ઉપયોગ ડેસ્કટોપ પર પણ મોબાઈલમી જેમ જ થશે.
Google Street View એપ ને 31 માર્ચ 2023 પછી બંધ કરી દેવામાં આવશે.
ગૂગલ તેના હોમપેજમાં મોટા બદલાવની તૈયારી કરી રહ્યું છે અને એ મુજબ હવે તમને ટૂંક સમયમાં ગૂગલના હોમ પેજ પર ગૂગલ લેન્સનું પણ આઇકોન જોવા મળશે. જણાવી દઈએ કે આ સિવાય ગૂગલની એક સર્વિસ પણ બંધ થઈ રહી છે. આ માટે રિપોર્ટ અનુસાર ગૂગલની Street View એપ માર્ચ 2023માં બંધ થઈ જશે અને Googleની આ એપ્લિકેશન સાથે યુઝર્સ દુનિયા 360 ડિગ્રીમાં જોઈ શકતું હતું પણ હાલ 360 ડિગ્રી વ્યૂ માટે Google મેપમાં સ્ટ્રીટ વ્યૂ છે અને સ્ટ્રીટ વ્યૂ સ્ટુડિયો એપ્લિકેશન પણ છે.
ગૂગલના એન્જિનિયરિંગના વાઇસ પ્રેસિડેન્ટ રાજન પટેલે મંગળવારે જણાવ્યું હતું કે ગૂગલ લેન્સ આઇકોન ને હવે ગૂગલ સર્ચ હોમપેજ પર જોડવામાં આવી રહ્યું છે અને એ સાથે જ હવે ગૂગલ સર્ચનો ઉપયોગ ડેસ્કટોપ પર પણ મોબાઈલમી જેમ જ થશે.
આ સાથે જ લેન્સના આઇકોન પર ક્લિક કરવાથી યુઝર્સને ડ્રેગ એન્ડ ડ્રોપનો વિકલ્પ મળશે અને આ સિવાય લિંક પેસ્ટ કરવાની સુવિધા પણ મળશે. ગૂગલ લેન્સ દ્વારા કોઈ ઇમેજ, ટેક્સ્ટ વગેરે સર્ચ કરી શકાય છે અને તેનું લાઈવ અનુવાદ પણ કરી શકાય છે. ગૂગલ લેન્સ કોઈ પણ ઈમેજમાંથી ટેક્સ્ટ કોપી કરવાની સુવિધા પણ આપે છે.
9to5Google એ તેની રિપોર્ટમાં કહ્યું છે કે Google Street View એપ ને 31 માર્ચ 2023 પછી બંધ કરી દેવામાં આવશે. તેની નોટિસ એપના 2.0.0.484371618 વર્ઝન પર પણ જોઈ શકાય છે, જોકે આ નોટિસ હાલ દરેક માટે નથી.
જણાવી દઈએ કે નોટિસનો સ્ક્રીનશોટ પણ વાયરલ થયો છે અને Google સ્ટ્રીટ વ્યૂ એપ્લિકેશનમાં ફોટો પાથ ફીચર છે જએની મદદથી યુજર્સ સ્ટ્રીટ વ્યૂ ડેટાબેઝમાં 2D ફોટા અપલોડ કરી શકે છે. આ ફીચર હાલમાં Google ની કોઈપણ એપ્લિકેશનમાં ઉપલબ્ધ નથી.