FAME-2 સબસિડીમાં બદલાવ થયા બાદ ઇલેક્ટ્રિક વ્હીકલ કંપનીઓ પોતાના મૉડલની કિંમતો ઘટાડી રહ્યાં છે.
આ સ્કૂટરના ભાવમાં થયો તોતિંગ ઘટાડો
સ્વદેશી ટૂ વ્હીલરના ભાવમાં ઘટાડો
વધતા પેટ્રોલના ભાવની ચિંતામાંથી થઇ જાઓ મુક્ત
સ્વદેશી ટુ વ્હીલર કંપની Ampereએ પોતાના ટુ વ્હીલર સ્કૂટર્સની કિંમત ઘટાડી દીધી છે અને હવે તે બૂકિંગ માટે ઉપલબ્ધ છે.
શું છે નવી કિંમત
9000 રૂપિયાના ઘટાડા બાદ આ કંપનીએ Ampere Zeal ઇલેક્ટ્રીક સ્કૂટરને 59900 રૂપિયા અને Ampere Magnus સ્કૂટરને 65900 રૂપિયામાં વેચવાની જાહેરાત કરી છે. ઘટાડા પહેલા બંને સ્કૂટરની કિંમત ક્રમશ: 68990 અને 74990 રૂપિયા હતી. આ સ્કૂટર લી-આયન બેટરી, ત્રણ વર્ષની વોરંટી અને હાઇ સ્પીડ ફીચર્સ સાથે આવે છે.
Ampere Zealની ખાસિયત
આ સ્કૂટરની ટોપ સ્પીડ 55 કિમી પ્રતિ કલાક છે. તેની લિથીયમ આયન બેટરીને ચાર્જ થવામાં 5 થી 6 કલાકનો સમયલાગે છે. સિંગલ ચાર્જ પર આ સ્કૂટર 85-90 કિમી ચાલે છે. તેની સાથે 11 સેકન્ડમાં 0 થી 40 કિમી પ્રતિ કલાકની રફ્તાર પકડી લે છે. આ બેટરીને સ્કૂટરમાંથી આસાનીથી કાઢી શકાય છે.
Ampere Magnusની ખાસિયત
આ સ્કૂટરની ટોપ સ્પીડ પણ 55 કિમી પ્રતિ કલાક છે. સિંગલ ચાર્જ પર આ સ્કૂટર 80 કિમી ચાલે છે. તેની સાથે 10 સેકન્ડમાં 0 થી 40 કિમી પ્રતિ કલાકની રફ્તાર પકડી લે છે. તેમાં સ્ટાઇલિશ સીટ, કમ્ફર્ટેબલ સિટીંગ, લાંબો લેગરૂમ આપવામાં આવ્યુ છે અને ચોરીને રોકવા માટે એન્ટી થેફ્ટ એલાર્મ પણ આપવામાં આવ્યો છે.