માલામાલ સ્કીમ / માત્ર 100 રૂપિયાનું રોકાણ કરીને મેળવી શકાય છે મોટું રિટર્ન, જાણો પોસ્ટ ઓફિસની આ સ્કીમ વિષે

• માત્ર 100 રૂપિયાનું રોકાણ કરી તૈયાર કરી શકાય છે મોટો ફંડ 
• પોસ્ટ ઓફિસની રિકરિંગ ડિપોઝીટ સ્કીમ આપે છે આ સુવિધા 
• હાલમાં મળી રહ્યું છે 5.8 ટકા વ્યાજ 

માત્ર 100 રૂપિયાનું રોકાણ કરી તૈયાર કરી શકાય છે મોટો ફંડ 

એક કહેવત છે કે પૈસો પૈસાને ખેંચે. આ વાત સાચી છે, કેમકે પાઈ-પાઈ જોડીને જ મોટો ફંડ તૈયાર થઇ શકે છે. એટલા માટે કાલની મોટી આર્થિક જરૂરીયાત પૂરી કરવા માટે આજથી જ પૈસા જોડવાનું શરુ કરી દો. એવું નથી કે ભવિષ્યમાં કોઈ મોટા આર્થિક ખર્ચને પૂરો કરવા માટે તમારે મોટી બચતની જરૂરિયાત છે. તમે ઓછા પૈસામાં પણ આ કામ કરી શકો છો. 

આજે બજારમાં રોકાણની તમામ એવી સ્કીમ છે, જે તમને દર મહીને ખૂબ જ ઓછી રકમ રોકવાની પણ સ્કીમ આપે છે. પોસ્ટ ઓફિસ પણ રોકાણનું એકસરું માધ્યમ બની શકે છે. અહી તમે માત્ર 100 રૂપિયાથી પણ રોકાણની શરૂઆત કરી શકો છો. 

પોસ્ટ ઓફિસની આ સ્કીમમાં તમે દર મહીને ઓછા પૈસા જમા કરાવીને સારો ફંડ તૈયાર કરી શકો છો. અહી વાત થઇ રહી છે, પોસ્ટ ઓફિસની પાંચ વર્ષની રિકરિંગ ડિપોઝીટ સ્કીમની.

 શું છે આ સ્કીમ?

પોસ્ટ ઓફિસ રિકરિંગ ડિપોઝીટમાં તમે જે પૈસાનું રોકાણ કરો છો, તેની સુરક્ષાની પણ ગેરંટી મળે છે. રિટર્ન પણ સારું મળે છે. પોસ્ટ ઓફિસ રિકરિંગ ડિપોઝીટ અકાઉન્ટ સરકારી ગેરંટીવાળી યોજના છે. પોસ્ટ ઓફિસની આ સ્કીમમાં તમે ઓછામાં ઓછા 100 રૂપિયાથી પણ રોકાણ કરી શકો છો. 10નાં ગુણાંકમાં તમે જેટલા ઈચ્છો તેટલા પૈસા જમા કરી શકો છો. વધારેમાં વધારે જમા પૈસાની કોઈ સીમા નથી. 

આટલું મળે છે વ્યાજ 
પોસ્ટ ઓફિસની આરડી સ્કીમ પર હાલમાં 5.8 ટકા વ્યાજ મળી રહ્યું છે. પોસ્ટ ઓફિસમાં રિકરિંગ ડિપોઝીટ ખાતું પાંચ વર્ષો માટે ખોલવામાં આવે છે. આ ખાતામાં જમા પૈસા પર વ્યાજની ગણતરી દર ત્રણ મહીને કરવામાં આવે છે. જોકે અ લઘુ બચત યોજના છે અને સરકાર દર ત્રણ મહીને લઘુ બચત યોજનાનાં વ્યાજ દરોની ઘોષણા કરે છે. 

કેવી રીતે ખોલી શકશો ખાતુ?
તમે તમારી નજીકની પોસ્ટ ઓફિસમાં જઈને આરડી ખાતું ખોલાવી શકો છો. તમે ઈચ્છો તો પોતાના પરિવારનાં કોઈપણ સદસ્ય સાથે જોઈન્ટ ખાતું પણ ખોલાવી શકો છો. 100 રૂપિયાથી તમે આ ખાતાની શરૂઆત કરી શકો છો.