VIDEO / મહાકુંભમાં આવેલી આ સાધ્વી સોશિયલ મીડિયા પર છવાઈ ગઈ, સન્યાસી બનવાનું જણાવ્યું કારણ, જુઓ વીડિયો

મહાકુંભ 2025ની આજથી એટલે કે 13 જાન્યુઆરીથી શરૂઆત થઇ ગઇ છે. આ મેળો 26 ફેબ્રુઆરી સુધી ચાલશે. હિન્દુ ધર્મના સૌથી મોટા ધાર્મિક તહેવાર પર લાખો શ્રદ્ધાળુઓ આજે ત્રિવેણી સંગમમાં સ્નાન કરવા માટે પહોંચ્યા છે. સોશિયલ મીડિયા પર પણ મહાકુંભના ઘણા અદ્ભુત દ્રશ્યો જોવા મળી રહ્યા છે. અહીંયા નાગા સાધુઓથી લઈ પ્રસાશનની તૈયારીઓ સુધીની બાબતો ચર્ચાનો વિષય બની રહી છે. એવામાં મહાકુંભમાં આવેલી એક ખૂબસૂરત સાધ્વીનો વીડિયો અત્યારે ખૂબ વાયરલ થઈ રહ્યો છે. જેને જોઈને લોકો પણ આશ્ચર્યચકિત થઈ ગયા છે.

View this post on Instagram

A post shared by Pyari Shubhi (@pyari_shubhi)

વાયરલ વીડિયોમાં એક મહિલા પત્રકાર રથ પર સવાર આ ખૂબસૂરત સાધ્વીને કેટલાક પ્રશ્નો પૂછતી જોવા મળે છે. પત્રકાર સાધ્વીને પૂછે છે કે તમે ક્યાંથી આવ્યા છો? આના જવાબમાં સાધ્વીએ જણાવ્યું કે તે ઉત્તરાખંડથી આવી છે અને આચાર્ય મહામંડલેશ્વરની શિષ્યા છે. આગળ પત્રકાર પૂછે છે કે તું ખૂબ જ સુંદર છે તો આ સંન્યાસનું જીવન કેમ પસંદ કર્યું? શું તમને સાધ્વીનું જીવન છોડીને બીજું કંઈક કરવાનું મન નથી થતુ? તેના જવાબમાં સાધ્વીએ જણાવ્યું હતું ક કે મારે જે કરવાનું હતું તે હું કરી ચૂકી છે. હું બધું છોડીને અહીં આવી  છું. બાદમાં મહિલા પત્રકાર તેમને પૂછે છે કે આ જીવનમાં એવું શું હતું જેના કારણે તમે બધું છોડીને આ રસ્તો પસંદ કર્યો? જેને સાધ્વીએ જવાબ આપ્યો હતો કે મને આ માર્ગ પર શાંતિ મળી છે. મહિલા પત્રકાર સાધ્વીની ઉંમર પૂછે છે અને તે કેટલા વર્ષોથી સંન્યાસ જીવન જીવી રહી છે તે પણ સવાલ કરે છે? જેના જવાબમાં સાધ્વી જણાવે છે કે તેમની ઉંમર 30 વર્ષ છે અને છેલ્લા બે વર્ષથી સંન્યાસ જીવન જીવી રહી છે.

આ વાયરલ વીડિયોને ઇન્સ્ટાગ્રામ પર pyari_shubhi નામના એકાઉન્ટ પરથી શેર કરાયો છે. જેને અત્યાર સુધી સેંકડો વ્યુ મળી ચૂક્યા છે. જેને લાખો લોકોએ પસંદ પણ કર્યો છે. અહીંયા લોકોની મિલીજુલી પ્રતિક્રિયા આવી રહી છે. અમુક લોકોએ તેમના સંન્યાસ જીવનની પ્રસંશા કરી રહ્યા છે તો અમુક લોકો તેને ઢોંગી કહી રહ્યા છે.

વધુ વાંચો : મહાકુંભમાં ભક્તોનું ઘોડાપૂર, સાધુ-સંતો સહિત 10000000 લોકોએ લગાવી આસ્થાની ડૂબકી

આ ખુબસુરત સાધ્વીના વીડિયો પર એક યૂઝરે લખ્યું હતું કે, "બીજા સાધુઓની તપસ્યા ભંગ કરવા આવી છે". તો બીજા એક યુઝરે લખ્યું હતું કે, "સાધ્વી થઈને આટલો મેક અપ અને આઇબ્રો કેમ સેટ કરેલી છે"? તો અન્ય એક યુઝરે લખ્યું હતુ કે, "આશ્રમ 4 જલ્દી જ રિલીઝ થનાર છે."

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ