શું તમે ક્યારેય કલ્પના કરી છે કે કોઇ પણ વસ્તુને અડ્યા વગર તેની મૂળ જગ્યાએથી હટાવીને બીજી જગ્યાએ કેવી રીતે રાખવામાં આવે છે? ફિલ્મોમાં એવું જોઇએ છે, પરંતુ વાસ્તવિક જીવનમાં મુશ્કેલ લાગે છે. હવે આ વાત શક્ય બની છે. વિજ્ઞાનીએ એવી રોબોટિક ગ્રિપર તૈયાર કરી છે, જે નાની અને નાજુક વસ્તુને અડ્યા વગર ધ્વનિ તરંગોની મદદથી એક જગ્યાએથી બીજી જગ્યાએ રાખી શકે છે.
આ પ્રોટોટાઇપ રોબોટ સ્વિટ્ઝર્લેન્ડની ઇટીએચ જ્યૂરિક યુનિવર્સિટીના સંશોધકોએ વિકસાવી છે, તેમાં બે અર્ધગોળિય વસ્તુઓ અને એક જ પ્રકારના બે હેડફોન લાગેલા હોય છે. આ ગોળિય વસ્તુ માઇક્રો ચિપ ધરાવતા સર્કિટ બોર્ડ સાથે જોડાયેલી હોય છે. એક નાનકડી ગોળિય વસ્તુ આ બંને અર્ધગોળિય વસ્તુ ઉપર હોય છે, જેને અલ્ટ્રા સાઉન્ડ વાળા તરંગ નિયંત્રિત કરે છે.
જ્યૂરિક ઇટીએચના ફેલો માર્શલ શુકનું કહેવું છે કે તેઓ એક એવી પદ્ધતિ વિકસાવી રહ્યા છે, જે નાનકડી વસ્તુઓને અડ્યા વગર પણ ઉઠાવવામાં સક્ષમ હશે.
સંશોધકોનું કહેવું છે કે તે એ પરિસ્થિતિમાં કારગત સાબિત થઇ શકે છે જ્યારે નાની વસ્તુઓના નુકસાનની અસર આપણા ખિસ્સા પર પડતી હોય. દા.ત. ઘડિયાળ બનાવવાનું કામ કે પછી સેમિકન્ડક્ટર ઉદ્યોગ. પારંપરિક રોબોટિક ગ્રિપરથી નાજુક વસ્તુઓના નુકસાનનો ખતરો હોય છે, તેનાથી બચવા મુલાયમ અને રબર જેવા ગ્રિપરનો પ્રયોગ કરી શકાય છે.