જે લોકો રેસ્ટોરન્ટમાં ખાવાના શોખીન છે. તેઓ અલગ-અલગ પ્રકારના રેસ્ટોરન્ટમાં જાય છે અને ત્યાંનો અનુભવ જોવા માંગે છે. રેસ્ટોરન્ટ પણ ગ્રાહકોને આકર્ષિત કરવા માટે ઘણા પ્રકારની છૂટછાટ આપે છે. અમુક રેસ્ટોરન્ટમાં ખાવાનો સ્વાદ એટલો ચઢિયાતો હોય છે કે ત્યાં લોકો વારંવાર જવા માગે છે.
આ રેસ્ટોરન્ટમાં ગ્રાહકોને ભૂતો ખાવાનુ પીરસે છે
રેસ્ટોરન્ટના વેઈટરો ભૂતોની વેશભૂષામાં ખાવાનુ પીરસે છે
રેસ્ટોરન્ટના એક ટેબલ પર ભૂત બેઠેલુ જોવા મળશે
ભૂતોથી ઘેરાયેલી છે આ રેસ્ટોરન્ટ
જો કે, ખરાબ સ્વાદથી રેસ્ટોરન્ટનું નામ બદનામ થાય છે. તેથી રજામાં લોકો સારા રેસ્ટોરન્ટમાં ડિનર-લંચ કરવાનુ પસંદ કરે છે. પરંતુ એક રેસ્ટોરન્ટ બીજા કોઈ કારણોસર લોકોનું ધ્યાન ખેંચી રહ્યું છે. અહીં આવતા ગ્રાહકોને રેસ્ટોરન્ટના વેઈટરો ભૂતોની વેશભૂષામાં ખાવાનુ પીરસે છે. સોશિયલ મીડિયામાં વાયરલ થયેલા વીડિયોમાં જોઈ શકાય છે કે એક એવુ રેસ્ટોરન્ટ જ્યાં ભૂતો રહે છે અને અહીં આવતા ગ્રાહકોને અલગ રીતે ટ્રીટ કરવામાં આવે છે. એવામાં સવાલ ઉઠે છે કે શું ભૂતોના હાવ-ભાવને જોઈને ગ્રાહકોના ગળેથી ભોજન ઉતરતુ હશે. નકલી ભૂતોની સાથે ગ્રાહકોને ખાતી વખતે ડરાવવા માટે આ રેસ્ટોરન્ટની શરૂઆત કરવામાં આવી છે. રેસ્ટોરન્ટ રિયાદ શહેરમાં છે અને તેનું નામ શેડો રાખવામાં આવ્યું છે. અંદર દરેક ટેબલ પર એક ખુરશી અને એક ભૂત બેઠેલુ જોવા મળશે.
સોશિયલ મીડિયામાં વાયરલ થયેલા આ વીડિયોમાં એક રેસ્ટોરન્ટ જોવા મળી રહી છે. જેમાં રેસ્ટોરન્ટના કર્મચારીઓને ભૂત તરીકે બતાવવામાં આવ્યાં છે. ખરેખર, ભૂતને જોતા માહોલ ભયાનક થઇ જાય છે. આ રેસ્ટોરન્ટમાં ડિનર અથવા લંચ કરવુ એક ટાસ્ક છે. નેટિજન્સ આ રેસ્ટોરન્ટના વીડિયોને અનેક સોશિયલ મીડિયા પ્લેટફોર્મ પર શેર કરી રહ્યાં છે. આ વીડિયોને અત્યાર સુધી હજારો લોકોએ જોયો છે.