આ પ્રોડ્યુસરે આલોકનાથ પર લગાવ્યો દુષ્કર્મનો આરોપ 20 વર્ષ બાદ કર્યો ખૂલાસો  

તાજેતરમાં બોલીવુડમાં એક પછી એક ચોંકાવનારી ઘટનાઓ સામે આવી રહી છે. પહેલાં તનુશ્રી દત્તા અને કંગનાએ યોન શોષણનો આરોપ લગાવ્યો. જ્યારે હવે આ આરોપોની લપેટમાં હિન્દી સિનેમા જગતના સંસ્કાર બાબુ પણ આવી ગયા છે. 

તનમે વિશ્વાસ નહીં બેસે પરંતુ આલોકનાથ પર આ આરોપ તેમની સાથે કામ કરી ચૂકેલી એક પ્રોડ્યુસરે ફેસબુક પર એક પોસ્ટ કરીને લગાવ્યો છે. બધા જાણે છે કે બોલીવુડમાં આલોકનાથની છબી એક આદર્શવાન વ્યક્તિની છે. 



આલોકનાથ મોટાભાગે પિતાની ભૂમિકામાં જોવા મળે છે. જ્યારે હવે તેમના પર જ યોન શોષણનો આરોપ લાગ્યો છે. આ આરોપ 80થી 90ના દાયકામાં ટેલીવિઝનની પ્રખ્યાત પ્રોડ્યુસર અને લેખિકા વિંટા નંદાએ લગાવ્યો છે. તમને જણાવી દઇએ કે વિંટા નંદાએ સોશિયલ મીડિયા પર એક લાંબો આર્ટિકલ લખી અને પોતાની આપવીતી લોકોને બતાવી છે.

વિંટાએ પોતાની સાથે થયેલી આ ઘટના માટે 90ના જાણીતા ટીવી શો તારાના લિડ એક્ટર અને સંસ્કારી ઈમેજ બનાવી ચૂકેલા એક્ટરને જવાબદાર ઠેરવ્યા છે. જેનો સીધો અર્થ આલોકનાથ થાય છે. 

વિંટાની પોસ્ટમાં એવો પણ આક્ષેપ કરાયો છે કે તેની સાથે રેપ કરતા પહેલા આલોક નાથે શોની લિડ એક્ટ્રેસ નવનીત નિશાનને પણ હેરાન કરી હતી. 

જો કે પોસ્ટમાં તેમણે નવનીતના નામનો સ્પષ્ટ ઉલ્લેખ નથી કર્યો. ઉલ્લેખનીય છે કે ફિલ્મો અને ટીવી શોમાં સંસ્કારી વડિલના કિરદારો ભજવીને છેલ્લા અમુક વર્ષોમાં આલોક નાથે સંસ્કારી બાઉજીની ઈમેજ ઊભી કરી છે. પણ હવે જ્યારે મી ટુ સ્ટોરિઝમાં આલોક નાથ સામે પણ રેપ અને હરેસમેન્ટના આક્ષેપો થઈ રહ્યા છે ત્યારે લોકો તેમને આકરી સજાની માંગ કરતી ટ્વિટ કરવા લાગ્યા છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...