IPL 2022નો પ્રારંભ થઇ ચુક્યો છે. આવામાં જાણો હાર્દિક પંડ્યાની ટીમ ગુજરાત ટાઈટન્સની ટીમમાં ક્યા ક્યા એવા ખેલાડીઓ છે, જે ટીમને જીત અપાવવા માટે હથિયારરૂપ સાબિત થઇ શકે છે
ગુજરાત અને લખનૌ વચ્ચે થશે મુકાબલો
આ ખેલાડી સાબિત થઇ શકે છે મોટું હથિયાર
પહેલી વાર IPLમાં રમશે બંને ટીમ
ક્રિકેટનાં મહાકુંભ IPL 2022ની શરૂઆત થઇ ગઈ છે. કાલે IPL સાથે નવી જોડાયેલી લખનૌ સુપર જાયન્ટ્સ અને ગુજરાત ટાઈટન્સ વચ્ચે મુકાબલો થશે. જયારે આ ટીમ એકબીજા સાથે મુકાબલો કરશે, તો તેમનો ઈરાદો જીત સાથે શરૂઆત કરવાનો હશે. બંને ટીમમાં ઘણા મેચ વિનર્સ પ્લેયર્સ સામેલ છે.
આ હોઈ શકે છે ગુજરાતની ઓપનિંગ જોડી
ગુજરાત માટે બેટિંગની શરૂઆત શુભમન ગિલ અને અફઘાનિસ્તાનનાં વિકેટકીપર બેટ્સમેન રહ્માનુલ્લાહ ગુરબાજ કરી શકે છે. બંને ફોર્મમાં હોવા પર કોઈપણ બોલરનાં પરસેવા છોડાવી દેવામાં માહેર છે.
ગુજરાત ટાઈટન્સનાં કેપ્ટન હાર્દિક પંડ્યા છે, જેમને વાનખેડે સ્ટેડિયમ પર મુંબઈ ઇન્ડિયન્સ માટે રમવાનો ઘણો અનુભવ છે.
બેટિંગ છે ટીમની તાકાત
હાર્દિક પંડ્યા છક્કા મારવામાં ઉસ્તાદ છે. આ જ પ્રકારે રાહુલ તેવતિયા પણ IPLમાં એક મેચનાં ચમત્કારનો ઠપ્પો હટાવવાની કોશિશમાં છે. તેઓ પહેલા જ કહી ચુક્યા છે કે બેટ્સમેન તરીકે તેઓ વધારે જવાબદારી સાથે રમવા માંગે છે. ઓલરાઉન્ડર વિજય શંકરની ચાર ઓવર પણ મહત્વપૂર્ણ રહેશે. આ ત્રણેય પોતાના દમ પર મેચ જીતવાની ક્ષમતા રાખે છે અને ગુજરાતને આશા રહેશે કે એક એકમનાં રૂપમાં સારું પ્રદર્શન કરશે.
શુભમન ગિલ સાબિત થઇ શકે છે મોટું હથિયાર
શુભમન ગિલ ક્લાસિક બેટિંગ માટે ફેમસ રહ્યા છે. તેમની ક્લાસિક બેટિંગનાં સૌ દીવાના છે. જ્યારે તેઓ પોતાની લયમાં હોય તો કોઈપણ બોલરને પરસેવો વાળી દે છે. તેમની ખતરનાક રમતને જોતા જ ગુજરાત ટાઈટન્સ ટીમેં તમને સામેલ કર્યા છે. આવામાં તેઓ કપ્તાન હાર્દિક પંડ્યા માટે મોટું હથિયાર સાબિત થઇ શકે છે.
મોહમ્મદ શમી કરશે બોલિંગની આગેવાની
કર્ણાટકનાં અભિનવ મનોહર અને ડેવિડ મિલર મધ્યક્રમમાં ઉતરશે. બોલિંગમાં મોહમ્મદ શમી નેતૃત્વ કરશે. તેઓ પોતાના પ્રદર્શનનાં દમ પર વર્ષનાં અંતમાં ઓસ્ટ્રેલિયામાં થનાર વિશ્વ કપની ટીમમાં પસંદગીનો દાવો પાક્કો કરવા માંગશે. લેગ સ્પિનર રાશિદ ખાન પણ મેચ વિનર ખેલાડી છે, જેમને વાનખેડે સ્ટેડિયમ પર બોલિંગમાં મજા પણ આવે છે.
IPL 2022 માં રમનારી ગુજરાતની ટીમ Gujarat Titans નું એન્થમ સોંગ લોન્ચ થઈ ગયું છે. અગાઉ તેનો લોગો અને જર્સી પણ લોન્ચ કરવામાં આવ્યા હતા ત્યારે પણ ચાહકોમાં જબરદસ્ત ઉત્સાહ જોવા મળ્યો હતો અને હવે આ એન્થમ સોંગ સાંભળીને કોઈ પણ ગુજરાતીને ઝૂમવાનું મન થઈ જાય.
લખનૌની આ હોઈ શકે છે ઓપનિંગ જોડી
લખનૌ માટે ઘણું કપ્તાન કેએલ રાહુલ પર નિર્ભર રહેશે, જે દક્ષિણ આફ્રિકાનાં ક્વિન્ટોન ડીકોક સાથે દાવની શરૂઆત કરશે. બંને ટેકનીકમાં માહેર છે. લખનૌ પાસે પણ દીપક હુડ્ડા, કૃણાલ પંડ્યા અને વેસ્ટઇન્ડીઝના જેસન હોલ્ડર જેવા ધુરંધર ખેલાડીઓ છે અને મધ્યક્રમમાં માનીશ પાંડેનો અનુભવ પણ કામ આવશે.
લખનૌ પાસે છે આ વિસ્ફોટક સ્પિનર
લખનૌ સુપર જાયન્ટ્સ માટે બોલિંગની આગેવાની ઝડપી બોલર આવેશ ખાન કરશે, જ્યારે રવિ બિશ્નોઈ સ્પીનનો ભાર સંભાળશે.