જો તમે એવી રજાઓ પ્લાન કરતા હો જેમાં તમારું બુકિંગ પહેલેથી થયુ નથી અને અચાનક તમે પ્લાન કરી દીધો છે. જો આમ હોય તો હિમાચલ પ્રદેશમાં આવેલા સાંગલા વેલી અંગે જરુર વિચાર કરો. આ ટુરિસ્ટ ડેસ્ટીનેશન સાત દિવસની સમરની રજાઓ માટે એકદમ પરફેક્ટ જગ્યા છે. હિમાચલના કિન્નોર જિલ્લામાં આવેલુ સાંગલા વેલી તિબ્બત બોર્ડરની નજીક છે. શિમલાથી લગભગ 220 કિલોમીટરની ડ્રાઇવ કરશો ત્યારે તમે સુંદર સાંગલા વેલી પહોંચી શકશો. સાંગલાને ટ્વીન સિટી પણ કહેવાય છે કેમકે તેની નજીક છે કિન્નોર વેલીનું શહેર કલ્પા.
સમરની રજાઓ માટે એક દમ પરફેક્ટ છે આ જગ્યા
સાંગલા વેલી બ્રહ્મ કમલ માટે મશહુર છે
સાંગલાવેલીમાં તમને મળશે ઘણા દર્શનીય સ્થળ
અહીં દરેક જગ્યાએ કુદરતી સૌંદર્ય ભરેલુ છે.
શિમલાથી શરુ થતી આ રોડ યાત્રા નારકંડા થઇને રામપુર પહોંચશે અને રામપુરથી સાંગલા વેલીમાં પ્રવેશ કરશે. તમે તેમા નારકંડા અને રામપુરમાં પણ રોકાઇ શકો છો. રામપુરમાં અહીંના રાજપરિવાર વીરભદ્ર સિંહનો ફોર્ટ પણ છે. જોવા માટે તે એક બહેતર જગ્યા છે. સાંગલાવેલીમાં તમને ઘણા દર્શનીય સ્થળ મળી જશે. તેની સુંદરતામાં ચાર ચાંદ લગાવે છે સુંદર બસપા નદી. તે સતલજ નદીની સહયોગી નદી છે. અહીં રિવર ક્રોસિંગ, ટ્રાઉટ-ફિશિંગ, સાઇકલિંગ ટ્રેકિંગ જેવા એડવેન્ચર સ્પોર્ટ્સ કરવામાં આવે છે. અહીંથી આગળ જતા તમને બરફના ઉંચા ઉંચા પહાડ જોવા મળશે.
સાંગલા વેલી બ્રહ્મ કમલ માટે મશહુર છે. પ્રકૃતિપ્રેમીઓ માત્ર બ્રહ્મ કમલની શોધમાં આ વેલીથી આગળ પહાડો પર ટ્રેકિંગ માટે જાય છે. એવું કહેવાય છે કે બ્રહ્મ કમળ એક એવુ ફુલ છે, જેમા હજારો રંગ દેખાઇ શકે છે. અહીંના લોકો માને છે કે આ ફુલ અલૌકિક શક્તિઓથી પરિપુર્ણ છે. આ ખુબ સુંદર ચમકતા સિતારા જેવુ શાનદાર સુગંધ વાળુ કમળ છે. તેને હિમાલયમાં ફુલોનો રાજા પણ કહેવાય છે. આ કમળ અડધી રાત બાદ ખીલે છે.
કેવી રીતે પહોંચશો
દિલ્હીથી તમે ટ્રેનથી ચંદીગઢ અને આગળ બસ કે ટેક્સી કે તમારી ગાડીથી પણ જઇ શકો છો. સાથે સાથે તમે તમારી ગાડીથી પણ રસ્તાના માર્ગે ત્યાં જઇ શકો છો. દિલ્હીથી સાંગલાની વચ્ચેનું અંતર 567 કિલોમીટર છે. હવાઇમાર્ગથી પણ તમે શિમલા થઇને સાંગલા પહોંચી શકો છો. દિલ્હીથી શિમલા માટે તમને સરળતાથી ફ્લાઇટ મળી શકે છે. શિમલા એરપોર્ટથી તમે ટેક્સી લઇને સાંગલા જઇ શકો છો.
ક્યાં રોકાશો
સાંગલમાં રોકાવા માટે તમને અનેક પ્રકારની સુવિધા મળી જશે. તમે જોસ્ટેલ અને છિતકુલ જેવી ટ્રાવેલર્સ હોસ્ટેલ્સમાં પણ રોકાઇ શકો છો. જો તમારે ઘર જેવી ફિલિંગ જોઇતી હોય તો તમારી પાસે હોમસ્ટેનું ઓપ્શન પણ છે. નેગી હોમસ્ટે, ફોક ટેલ્સ, આદિત્યા હોમ સ્ટે ફેમસ છે. અહીં અનેક હોટલ્સ પણ આવેલી છે.