કૂક ટિપ્સ / તેલ નહીં, પાણીમાં બને છે આ અથાણું, જે સ્વાદની સાથે-સાથે રાખશે હેલ્થનો ખ્યાલ, જાણો રેસિપી

ભારતમાં અથાણું ખૂબ શોખથી ખવાય છે. જ્યારે ઘરે સબ્જી ન બનાવવામાં આવી હોય ત્યારે લોકો અથાણું ખાઈને પણ ચલાવી લેતા હોય છે. અથાણું લાંબા સમય સુધી બગડતું નથી, તે લગભગ એક વર્ષ સુધી સુરક્ષિત રહે છે. નોર્મલ અથાણું બનાવવા માટે તેલની જરૂર પડે છે. પરંતુ આજે આપણે એવા અથાણાની વાત કરીશું જેમાં તેલની જરૂર નથી પડતી. આ અથાણું પાચન સમસ્યાથી પીડાતા લોકો માટે શ્રેષ્ઠ છે. અહીંયા જાણીશું કે, તેલ વગરનું અથાણું કેવી રીતે બને છે.

• ઓઇલ વગરનું અથાણું બનાવવાની સામગ્રી
  

1. ગાજર, લાંબા સમારેલા
2. લીલું મરચું સ્લીટ કરેલ
3. લસણની કળી
4. કાકડી,લાંબી સમારેલી
5. ફૂલકોબી, નાના ટુકડા કરેલ
6. 2 કપ વિનેગર
7. 2 કપ પાણી
8. 1 કપ ખાંડ
9. 1 ચમચી સરસવના બીજ

• અથાણું બનાવવાની રીત

ગેસ પર એક વાસણ મૂકો અને તેમાં લગભગ 2 કપ પાણી ઉકાળો. તેમાં 2 કપ વિનેગર પણ એડ કરો. પછી તેને ઉકાળો. ત્યાર બાદ તેમાં 1 ચમચી ખાંડ ઉમેરો. ખાંડને ચાસણીની જેમ રાંધવાની જરૂર નથી. તેને એક ઉકાળા સુધી ગરમ કરવાનું રહેશે. ત્યાર બાદ તેમાં 2 ચમચી મીઠું નાખો. હવે તેમાં 1 ચમચી સરસવના બીજ ઉમેરો. તમે સરસવના દાણાને થોડા વાટી પણ શકો છો. પછી પાણીને ઉકાળીને ઠંડુ કરવાનું રહેશે.  હૂંફાળા પાણીને એક કાચના વાસણમાં ટ્રાન્સફર કરી લો. પછી તમામ શાકભાજીને કાપીને ધોઈ લો. શાકભાજીમાંથી તમામ પાણી કાઢવું નહીં, અથાણાંમાં જેટલું પાણી હશે તેટલો સારો સ્વાદ આવશે.  આ અથાણાને તમે ત્રણ દિવસ સુધી રૂમ ટેમ્પરેચરમાં રાખી શકો છો. ત્રણ દિવસ બાદ આ અથાણું ખાવા માટે તૈયાર થઈ જાય છે.