હાલમાં જ આવેલી શકુંતલા દેવી ફિલ્મ તમે જોઇ જ લીધી હશે અને તમે તેની ગણતરી કરવાની શક્તિ પર ફિદા થઇ ગયા હશો. ફિલ્મ જોઇને થોડીવાર તો તમને પણ એવુ થઇ ગયુ હશે કે શકુંતલા દેવી જો જીવતા હોત તો આપણે તેમને મળવા જાત જ. તેમના જેવું જ ટેલેન્ટ ધરાવે છે આપણા રાજકોટના એક ભાઇ, કે જેમને તમે ગમે તેવા અક્ષરની ગણતરી કરવાનુ કહો તે વગર કેલ્ક્યુલેટરે કરી નાંખે છે. આજે અમે તમને જણાવીશું કે આ ભાઇ પર ભગવાનની કૃપા છે.
રાજકોટના વ્યક્તિનું મગજ છે કેલક્યુલેટર
વિરલ ભયાણીએ શૅર કર્યો વીડિયો
રંગીલા રાજકોટના રંગીલા લોકો
રાજકોટ રંગીલુ શહેર કહેવાય છે અને રંગીલા રાજકોટના લોકો પણ રંગીલા જ હોય છે. તમને રાજકોટમાં ભાત ભાતના લોકો જોવા મળશે અને કદાચ તમને રાજકોટ અને રાજકોટના લોકો સાથે પ્રેમ પણ થઇ જાય. ત્યાં જ એક એવા તારલાએ જન્મ લીધો છે જેનો જન્મ જ જાણે ગણતરીઓ કરવા થયો છે.
આ વીડિયોમાં તમે જોઇ શકો છો કે એક વ્યક્તિ કેલ્ક્યુલેટરની મદદથી બે નંબરનો સરવાળો કરે છે, તે પ્રશ્ન સામે રહેલા વ્યક્તિને પૂછે છે અને તે સાચો જવાબ આપે છે. આપણને જ્યાં નાની નાની ગણતરી કરવા માટે મશીનનો ઉપયોગ કરવો પડે છે ત્યાં આ ભાઇને મોટી મોટી ગણતરીઓ કરવા માટે માત્ર મગજની જરૂર પડે છે.
બોલિવૂડની ઇશ્કઝાદે ગર્લ પરિણીતી ચોપરાએ પણ આ શખ્સને જોઇને કમેન્ટ કરી હતી, તે પણ આ શખ્સ પર ફીદા થઇ ગઇ હતી. બોલિવૂડમાં તમે જોયુ હશે કે ભણતરને વચ્ચે છોડી દેતા હોય છે. ત્યારે પરિણીતીએ આ શખ્સના ટેલેન્ટને વખાણ્યુ હતુ.
3 અંકનો સરવાળો આંખના પલકારામાં કરી લે તેવા ભગવાનના આશીર્વાદ આ ભાઇને છે. વીડિયો વિરલ ભયાણીએ તેમના ઇન્સ્ટાગ્રામ અકાઉન્ટ પર શૅર કર્યો છે અને તેમાં ઢગલો કમેન્ટ્સ આવી ચૂકી છે.
ગુજરાતની ધરતીએ મહાત્મા ગાંધી, સરદાર પટેલ, સુનિતા વિલિયમ્સ, પરેશ રાવલ, પરવીન બાબી, નરેન્દ્ર મોદી, રવિન્દ્ર જાડેજા, કાનજી ભૂટા બારોટ, જેવા રત્નો આપ્યા છે અને હવે આ એક રત્ન ગુજરાતના ખોળે ઉછરી રહ્યું છે ત્યારે તેમને જોઇને માત્ર એટલુ કહેવાનું મન થાય કે ધન્ય છે તમારી કળાને.