આર્થિક કટોકટી / ભારતના આ પાડોશી દેશ પાસે ઈંધણ ખરીદવા માટે પૈસા નથી, કંગાળ હાલતમાં કર્મચારીઓને વર્ક ફ્રોમ હોમની સૂચના

• શ્રીલંકાના ઉર્જા મંત્રીએ કહ્યું કે દેશમાં ઇંધણની ખરીદી માટે પૈસાની અછત છે 
• ઉર્જા મંત્રીએ બિન-નિવાસી શ્રીલંકાના નાગરિકો પાસેથી માંગી મદદ  
• લોકોને ઘરેથી કામ કરવાની સલાહ આપવામાં આવી છે 

ગંભીર આર્થિક કટોકટીનો સામનો કરી રહેલા શ્રીલંકામાં સ્થિતિ વણસી રહી છે. દેશ પાસે તેલ ખરીદવા માટે પૈસા નથી. જેના કારણે પેટ્રોલ અને ડીઝલની ભારે અછત સર્જાઈ છે. બે સપ્તાહથી બંધ કરાયેલી શાળાઓ વધુ એક સપ્તાહ માટે બંધ રહેશે. લોકોને ઘરેથી કામ કરવાની સલાહ આપવામાં આવી છે.

બિન-નિવાસી શ્રીલંકાના નાગરિકો પાસેથી માંગી મદદ  

શ્રીલંકાના ઉર્જા મંત્રી કંચના વિજેસેકરાએ કહ્યું છે કે ઇંધણના કન્સાઇનમેન્ટનો ઓર્ડર આપવા માટે પગલાં લેવામાં આવી રહ્યા છે, પરંતુ પૈસાની પણ અછત છે. કેન્દ્રીય બેંક પાસે તેલની ખરીદી માટે ચૂકવણી કરવા માટે માત્ર 12.50 કરોડ ડોલર છે. વિજેસેકરાએ બિન-નિવાસી શ્રીલંકાના નાગરિકોને વિદેશી હૂંડિયામણની તંગીને દૂર કરવામાં મદદ કરવા માટે, અનૌપચારિક ચેનલોને બદલે બેંકો દ્વારા તેમની કમાણી ઘરે મોકલવા અપીલ કરી છે.

1) CPC Cargo Schedule -

Confirmed Arrivals July -
Diesel - Coral 8-9, Vitol 11-14
Petrol - IOC 22-23
Crude Oil - Coral 15 July & 12 Aug
Furnace Oil - Coral 10/11

Awaiting Arrival Confirmation

Petrol - 10/11 July - Malaysia
Diesel - 15-17 July - IOC-upon advance payment

— Kanchana Wijesekera (@kanchana_wij) July 3, 2022

પ્લેન ઈંધણ લઈને શુક્રવારે પહોંચી શકશે

ઉર્જા મંત્રી વિજેસેકરાએ કહ્યું કે 40 હજાર મેટ્રિક ટન ડીઝલ લઈને જતું પ્લેન ઈંધણ સાથે કોલંબો પહોંચી શકે છે. બીજી બાજુ, 22 જુલાઈએ પેટ્રોલ સાથે બીજું પ્લેન આવશે. પરંતુ હાલ શ્રીલંકા 58.7 કરોડ ડોલર ભેગા કરવા માટે સંઘર્ષ કરી  $587 મિલિયન એકત્ર કરવા માટે સંઘર્ષ કરી રહ્યું છે. શ્રીલંકા પર 7 ઇંધણ સપ્લાયરોને આશરે $80 કરોડ ડોલરનું દેવું છે.

Any Company/Industry that can pay In USD can open a consumer account at CPC to obtain a weekly guaranteed quota. They need to pay a month in advance & fuel will be issued on a daily or weekly basis from the 12th. Already paid customers will receive their quota from the 12th.

— Kanchana Wijesekera (@kanchana_wij) July 3, 2022

આજથી ત્રણ કલાક વીજકાપ

શ્રીલંકામાં સોમવારથી ત્રણ કલાકનો પાવર કટ પણ થશે. શ્રીલંકાને પાવર પ્લાન્ટ્સમાં અપૂરતા ઇંધણ અને નાણાકીય અવરોધોને કારણે કેટલાક મહિનાઓથી વીજળી, ઇંધણ અને આવશ્યક ચીજવસ્તુઓની તીવ્ર અછતનો સામનો કરવો પડ્યો છે. ગત મહિને શ્રીલંકામાં ઈંધણના અભાવે શાળાઓ એક દિવસ માટે બંધ રાખવામાં આવી હતી. શહેરી વિસ્તારોમાં શાળાઓ છેલ્લા બે અઠવાડિયાથી બંધ છે. હવે શુક્રવાર સુધી શાળાઓ બંધ રહેશે.

કોઈ દેશ શ્રીલંકાને ક્રેડિટ પર ઈંધણ આપવા તૈયાર નથી

શ્રીલંકા પહેલેથી જ ભારે વિદેશી ઋણમાં ડૂબી ગયું છે. કોઈ દેશ તેને ક્રેડિટ પર બળતણ આપવા તૈયાર નથી. દેશમાં માત્ર થોડા જ દિવસોનું ઈંધણ બચ્યું છે. તેને આવશ્યક સેવાઓ માટે અનામત રાખવામાં આવ્યું છે. તે આરોગ્ય સેવાઓ, બંદરો, આવશ્યક પરિવહન સેવાઓ અને ખોરાક વિતરણ માટે આરક્ષિત છે.