નિવેદન / કોંગ્રેસ અધ્યક્ષ તો આ વ્યક્તિ જ હોવા જોઈએ,CWCમાં જતા પહેલા CM ગેહલોતે ફોડ પાડ્યો

• CWCની બેઠક પહેલા રાજસ્થાન CM ગેહલોતનું મોટું નિવેદન
• રાહુલ ગાંધીએ કોંગ્રેસ અધ્યક્ષ બનવું જોઈએ
• આજે મળી રહી છે કોંગ્રેસ વર્કિંગ કમિટીની બેઠક

કોંગ્રેસના નવા અધ્યક્ષને લઈને આજે સીડબલ્યુસીની મોટી બેઠક મળી રહી છે તે પહેલા રાજસ્થાન સીએમ અશોક ગેહલોતે રાહુલ ગાંધીને અધ્યક્ષ બનાવવાની માગ કરી છે. બેઠક પહેલા સીએમ ગેહલોતે જણાવ્યું કે રાહુલ ગાંધીએ કોંગ્રેસ અધ્યક્ષ બનવું જોઈએ. 

Rahul Gandhi should become the party president. For the last 3 decades, nobody from the Gandhi family became a PM or a minister. It is significant to understand that the Gandhi family is important for Congress' unity: Rajasthan CM & Congress leader Ashok Gehlot pic.twitter.com/N4tohThUyc

— ANI (@ANI) March 13, 2022

CWCમાં હાજરી આપવા દિલ્હી આવ્યાં સીએમ ગેહલોત
સીડબલ્યુસીની બેઠકમાં હાજરી આપવા માટે સીએમ અશોક ગેહલોત દિલ્હી આવ્યાં છે. ગેહલોતે કહ્યું છે કે, રાહુલ ગાંધીએ કોંગ્રેસના અધ્યક્ષ બનવું જોઈએ. રવિવારે સાંજે 4 વાગ્યે કોંગ્રેસ વર્કિંગ કમિટીની બેઠક મળવાની છે. પાંચ રાજ્યોની વિધાનસભા ચૂંટણીમાં કોંગ્રેસની કારમી હાર બાદ આ બેઠક યોજાઈ રહી છે. કોંગ્રેસના ઘણા અસંતુષ્ટ નેતાઓ પાર્ટીમાં સંગઠનાત્મક ફેરફારોની માંગ કરી રહ્યા છે. સપ્ટેમ્બરમાં કોંગ્રેસની સામાન્ય સંગઠનાત્મક ચૂંટણીઓનો પ્રસ્તાવ મૂકવામાં આવ્યો હતો, પરંતુ એવું માનવામાં આવે છે કે તે સમય કરતા પહેલા યોજાઇ શકે છે. ઉત્તર પ્રદેશ, ગોવા, મણિપુર, ઉત્તરાખંડ અને પંજાબમાં કોંગ્રેસનું પ્રદર્શન ખૂબ જ નિરાશાજનક રહ્યું છે. પંજાબમાં કોંગ્રેસે જ ખરાબ રીતે સત્તા ગુમાવી હતી.

In 2017, Congress was united & we won. After Channi became the CM the environment was conducive too but it was our mistake that due to internal conflict we lost Assembly elections in Punjab: Rajasthan CM & Congress leader Ashok Gehlot

— ANI (@ANI) March 13, 2022

મુકુલ વાસનીકને કોંગ્રેસ અધ્યક્ષ બનાવો-જી-23 નેતાઓ 
કોંગ્રેસના અસંતુષ્ટ નેતાઓના જૂથ જી-23એ મુકુલ વાસનિકને પાર્ટી અધ્યક્ષ પદ માટે સૂચવ્યું હતું, જેનો સ્વીકાર કરવામાં આવ્યો ન હતો. ન્યૂઝ એજન્સી એએનઆઈએ સૂત્રોને ટાંકીને આ જાણકારી આપી છે. "જી-23એ પાર્ટી અધ્યક્ષ પદ માટે મુકુલ વાસનિકનું નામ સૂચવ્યું હતું, પરંતુ તેનો સ્વીકાર કરવામાં આવ્યો ન હતો. જી-23માં આનંદ શર્મા, ગુલામ નબી આઝાદ, કપિલ સિબ્બલ જેવા કોંગ્રેસના વરિષ્ઠ નેતાઓનો સમાવેશ થાય છે.