રશિયા ભારતને ઝડપથી એસ - 400 સપ્લાય કરવા માટે ઝડપ થી કામ કરી રહ્યું છે. આ શસ્ત્ર પ્રણાલીની પ્રથમ બેચ આવતા વર્ષના અંત સુધીમાં પૂરી પાડવાની છે.રશિયાએ ગુરુવારે કહ્યું હતું કે તે ભારતને સરફેસ ટૂ એર એસ - 400 મિસાઈલ સિસ્ટમ ની ઝડપથી સપ્લાય કરવા સખત મહેનત કરી રહ્યું છે.
ભારતને રશિયાથી મળશે S 400 સિસ્ટમ
S 400 છે મિસાઈલ ડિફેન્સ સિસ્ટમ
2021 ના અંત સુધી મળી શકે છે સિસ્ટમ
આ શસ્ત્ર પ્રણાલીની પ્રથમ બેચ આવતા વર્ષના અંત સુધીમાં પૂરી પાડવાની છે. રશિયન મિશનના નાયબ વડા, રોમન બાબુશીકને પણ ઓનલાઇન મીડિયા બ્રીફિંગમાં કહ્યું હતું કે બંને પક્ષો પરસ્પર સમર્થન કરાર પર કામ કરી રહ્યા છે.
આ ઉપરાંત, બંને પક્ષ વધુ એક મલ્ટી બિલિયન ડોલરના સોદાની નજીક છે, જે અંતર્ગત ભારત-રશિયન સંયુક્ત સાહસ દ્વારા ભારતીય સશસ્ત્ર દળો માટે 200 કમોવ કા - 226 ટી યુદ્ધ હેલિકોપ્ટર બનાવશે.
કોઈપણ પ્રતિબંધો અને વિદેશી દખલથી આગળ ભારત-રશિયન સંરક્ષણ સંબંધો
ભારત અને યુ.એસ. વચ્ચે હાલમાં જ થયેલા વિનિમય અને સહયોગ સમજૂતી BECA ને ભારતીય સશસ્ત્ર દળો દ્વારા રશિયન મૂળના પ્લેટફોર્મના સંચાલનમાં સુરક્ષાની અસર પડશે કે કેમ તે અંગે પૂછવામાં આવતા, રશિયન મિશનના નાયબ વડા, રોમન બાબુશીકને સીધો જવાબ આપ્યો ન હતો. જોકે, તેમણે કહ્યું હતું કે ભારત અને રશિયા વચ્ચે સંરક્ષણ સંબંધો કોઈપણ પ્રતિબંધો અને વિદેશી દખલથી દૂર છે.
તેમણે કહ્યું, 'અમે ભારત અને અમેરિકા અને વ્યૂહાત્મક ક્ષેત્રોમાં અન્ય દેશો વચ્ચેના સંબંધોને નજીકથી જોઈ રહ્યા છીએ. પરંતુ તે જ સમયે અમને વિશ્વાસ છે કે અન્ય દેશો સાથે ભારતના વિકાસશીલ સંબંધો રશિયાના હિતની કિંમત પર નહીં આવે. '
સંબંધોમાં પ્રગતિનો વિશ્વાસ
બાબુશિકાને કહ્યું, 'જ્યાં સુધી ભારત સાથેના આપણા સંરક્ષણ સહયોગની વાત છે, તે કોઈપણ પ્રતિબંધો અને વિદેશી દખલહી દૂર છે, કેમ કે તે બંને દેશોના રાષ્ટ્રીય હિતોને પ્રતિબિંબિત કરે છે અને અમને અમારા સંબંધોમાં પ્રગતિ થવાનો વિશ્વાસ છે.
તેમણે એસ 400 ડીલ વિશે જણાવ્યું હતું કે, 'હાલમાં ટાઇમ ફ્રેમમાં કોઈ ફેરફાર કરવામાં આવ્યો નથી. 2021 ના અંત સુધીમાં પ્રથમ માલની ડિલીવરી થવાની અપેક્ષા છે અને અમે તે માટે પૂરતી મહેનત કરી રહ્યા છીએ.
શું છે એસ 400 સિસ્ટમ ?
આ સિસ્ટમ હાલમાં વિશ્વની સૌથી કાબેલ અને ઘાતક મિસાઈલ ડિફેન્સ સિસ્ટમ છે, જેનાથી અલગ અલગ ઘણા પ્રકારની મિસાઈલોના હુમલાને રોકી શકાય છે અને આ સિસ્ટમ રેડાર અને ઘણી પ્રકારની બેટરી સાથે સલંગ્ન થયેલી હોય છે જેનાથી તુર્ત જ રિએક્ટ કરીને મિસાઈલ હુમલાને ખાળી શકાય છે.