લગ્ન કરવા માટે પરફેક્ટ કપલની શોધમાં હવે લોકો મેટ્રિમોનિયલ વેબસાઈટ્સને ફોલો કરવા લાગ્યા છે. ક્લાઈન્ટને ફસાવવા માટે મેટ્રિમોનિયલ વેબસાઈટ્સે હવે તમામ હદો પાર કરી નાખી છે. પ્રેમ અને વિશ્વાસની જગ્યાએ વર્જિનિટીના આધાર પર લોકોને પોતાની વેબસાઈટ માટે આકર્ષિત કરવામાં આવી રહ્યાં છે. શાદી ડોટ કોમ નામની વેબસાઈટ આજકાલ આ જ રીતે પોતાનો ધંધો ચલાવી રહી છે. જોકે, આ લોકપ્રિય Shaadi ડોટ કોમ વેબસાઈટથી અલગ છે. બંનેના નામમાં માત્ર એક અક્ષરનો જ ફરક છે.
મેટ્રિમોનિયલ વેબસાઈટ્સે હદ પાર કરી
વર્જિનિટીના આધાર પર લોકોને પોતાની વેબસાઈટ માટે આકર્ષવામાં આવી રહ્યાં છે
વેબસાઈટ પર એક પોસ્ટમાં વર્જિન મેટ્રિમોનીનો ઉલ્લેખ કરવામાં આવ્યો છે
આ વેબસાઈટ પર એક પોસ્ટમાં વર્જિન મેટ્રિમોનીનો ઉલ્લેખ કર્યો છે. આમાં એવા લોકો છે જેમની આજે પણ માનસિકતા વર્જિનિટીને લઈને રૂઢીચુસ્ત છે. પણ અગત્યની વાત એ છે કે, આવી વેબસાઈટ્સ લગ્ન માટે વર્જિનિટીના ક્રાઈટેરિયાની જાહેરાત આપીને આવા પ્રકારની માનસિકતાને પ્રોત્સાહન આપી રહી છે.
આવું કરવા પાછળનું તર્ક જાણવા માટે વેબસાઈટનો સંપર્ક કરવામાં આવ્યો, તો જવાબ મળ્યો કે, અમારા પેજ પર આવી કોઈપણ પ્રકારની સર્વિસ વિશે અમને કોઈ જાણકારી નથી. પછી જ્યારે તેમને તેમની સાઈટનો સ્ક્રીનશોટ મોકલ્યો તો જવાબ આવ્યો કે, ક્યારેક-ક્યારેક માર્કેટિંગવાળા લોકો આવું બધું કરી દેતા હોય છે, પરંતુ આવું કરવાનો કોઈ મતલબ નથી.
જ્યારે વેબસાઈટને પૂછવામાં આવ્યું કે, તેમની વેબસાઈટ પર આટલા સમયથી આ પેજ દેખાઈ રહ્યું છે તો કોઈનું ધ્યાન કેમ ના ગયું તો તેમણે કહ્યું કે, જે-તે સંબંધિત વ્યક્તિ અમને આનો જવાબ મોકલી દેશે. તેમણે આ ભૂલનો સ્વીકાર પણ કર્યો અને કહ્યું કે જ્યારે પણ તેમનો રિસપોન્સ આવશે તે સ્ટોરીમાં એડ કરી દેવામાં આવશે.
વર્જિનિટી પર આટલું ફોકસ કેમ?
વર્જિનિટી એટલે કોમાર્ય, એટલે કે કોઈ છોકરી જ્યાં સુધી કોઈની સાથે શારિરીક સંબંધ ન બાંધે ત્યાં સુધી તે વર્જિન હોય છે. છોકરીઓ માટે તેમની વર્જિનિટી સાચવવી ખૂબ જ જરૂરી હોય છે જેથી તેઓ તેમની પવિત્રતા સાબિત કરી શકે. પરંતુ ઘણાં લોકો આની ટીકા પણ કરે છે. આ શબ્દનો ઉપયોગ મોટાભાગે છોકરીઓની સેક્સુઆલિટીને કંટ્રોલ કરવા અને તેમને નીચું દેખાડવા માટે કરવામાં આવે છે.
મહારાષ્ટ્રના કંજરભાટ સમુદાયમાં જ્યારે વર અને વધુ સુહાગરાત મનાવે છે ત્યારે તેમના બેડ પર સફેદ ચાદર પાથરવામાં આવે છે. જેથી આગલા દિવસે ચેક કરી શકાય કે, વધુને બ્લીડિંગ થયું કે નહીં. એટલે કે તે વર્જિન છે કે નહીં. આના આધાર પર સંબંધ તૂટવા પર વાત આવી જાય છે. જોકે, આવો ક્યાંય ઉલ્લેખ નથી કરાયો કે હાઈમનથી લોહી આવવું જ વર્જિનિટીની નિશાની છે.
મહિલાઓની વર્જિનિટી એટલો ગંભીર વિષય છે કે, ઘણી છોકરીઓ પોતાની વર્જિનિટી સાબિત કરવા અલગ અલગ રીત અપનાવે છે. ઘણાં એવા પ્રોડક્ટ પણ હોય છે જે શારીરિક સંબંધ બનાવતી વખતે ઉપયોગમાં લેવામાં આવે છે. જેમ કે બજારમાં બ્લડ પાઉડર નામની પિલ મળે છે. જેને શારીરિક સંબંધ બનાવવાના થોડાં સમય પહેલાં વજાઈનામાં મૂકી દેવામાં આવે છે. જેનાથી ફિઝિકલ થતી વખતે એવું લાગે છે કે બ્લીડિંગ થઈ રહ્યું છે અને છોકરીની વર્જિનિટી સાબિત થઈ જાય છે.
વર્જિનિટીને લઈને શું કહે છે ડોક્ટર
મેડિકલ સાયન્સમાં વર્જિનિટીનું મતલબ હાઈમનથી છે. મહિલાઓના પ્રાઈવેટ પાર્ટમાં હાઈમન ટિશ્યૂ હોય છે. જે ફિઝિકલ થતી વખતે ખેંચાવા પર અથવા ત્યાં પ્રેશર આવવા પર તૂટી જાય છે અને બ્લીડિંગ થાય છે. પરંતુ એવું જરૂરી નથી કે દરેક છોકરીમાં આવું થાય. એક્સપર્ટનું કહેવું છે કે, અમુક રમતો રમવામાં કે પછી સાઈકલિંગ, વર્કઆઉટ અને જિમમાં જવાથી પણ હાઈમન તૂટી જાય છે.