એક્શન / જમ્મુ કાશ્મીરમાં આતંકવાદીઓની ગતિવિધીઓ વધતા સૈનાએ કરી આ મોટી કાર્યવાહી

• જમ્મુ કાશ્મીરમાં અત્યાર સુધી 570 લોકોની અટકાયત કરાઈ 
• એક અઠવાડિયામાં પાંચ નિર્દોષ નાગરિકોની હત્યા કરાઈ 
• ચાલુ વર્ષે કાશ્મીરમાં 25 નાગરિકોની હત્યા થઈ 

જમ્મુ કાશ્મીરમાં અત્યાર સુધી 570 લોકોની અટકાયત કરાઈ 

જમ્મુ અને કાશ્મીરમાં લધુમતીઓ પર આતંકવાદી હુમલાના મામલાઓ સામે આવ્યાં બાદ  સુરક્ષા દળોએ મોટી કાર્યવાહી કરી છે. ખીણમાં કેટલાક પથ્થરબાજો અને ભારત વિરોધી તત્વોની અટકાયત કરી પૂછપરછ કરવામાં આવી છે. તમને જણાવી દઈએ કે, શ્રીનગરમાં લગભગ 70 યુવાનોની અટકાયત કરવામાં આવી છે. મહત્વનું છે કે છેલ્લા એક સપ્તાહમાં 5 "સામાન્ય નાગરિકો" ની હત્યાની ઘટના પ્રકાશમાં આવ્યા બાદ ઘાટીમાં સૈન્ય દ્વારા કાર્યવાહી વધુ  તેજ કરવામાં આવી છે. અત્યાર સુધી સમગ્ર કાશ્મીરમાં 570 લોકોની અટકાયત કરવામાં આવી છે.

એક અઠવાડિયામાં પાંચ નિર્દોષ નાગરિકોની હત્યા કરાઈ 

ઉલ્લેખનીય છે કે, જમ્મુ કાશ્મીરમાં  5 નિર્દોષ નાગરિકોની 'ટાર્ગેટ કિલિંગ' બાદ દિલ્હીથી શ્રીનગર સુધી સનસનાટી મચી ગઈ છે, જમ્મુ -કાશ્મીરના એલજી મનોજ સિંહાએ ગૃહમંત્રી અમિત શાહને મળ્યા હતા, ત્યારે ગૃહ મંત્રાલય દેશની સુરક્ષા એજન્સીઓના ટોચના નિષ્ણાતો કાશ્મીર મોકલવામાં આવ્યા છે. દરમિયાન સીઆરપીએફ પર એક સામાન્ય નાગરિકનો જીવ લેવાનો પણ આરોપ લાગ્યો છે.

મોટા અભિયાનની તૈયારી

સૂત્રોના જણાવ્યાં અનુસાર જમ્મુ કાશ્મીરમાં આંતકવાદીઓ સામે મોટા અભિયાન શરૂ થવાની સંભાવા છે. જો કે, કોવિડ લહેર દરમિયાન આંતકવાદીઓ સામે નિયમિત અભિયાન ચાલુ રહ્યાં હતાં, પરંતુ હવે નિર્દોષ નાગરિકોની હત્યા કરનારાઓ સામે મોટા હુમલાની અપેક્ષા છે 

ચાલુ વર્ષે કાશ્મીરમાં 25 નાગરિકોની હત્યા થઈ 

એક  આંકડા અનુસાર, આ વર્ષે કાશ્મીરમાં ઓછામાં ઓછા 25 નાગરિકોની હત્યા કરવામાં આવી છે. આ 25 માંથી ત્રણ બિન સ્થાનિક હતા, બે કાશ્મીરી પંડિત અને 18 મુસ્લિમ હતા. સૌથી વધુ હુમલા શ્રીનગરમાં થયા, જ્યાં આવી 10 ઘટનાઓ બની. આ પછી, પુલવામા અને અનંતનાગમાં ચાર -ચાર ઘટનાઓ બની છે.ઇનપુટ્સ સૂચવે છે કે લઘુમતીઓ ગભરાટની સ્થિતિમાં છે અને કેટલાક 50-60 બિન-સ્થળાંતરિત કાશ્મીરી પંડિત પરિવારો આગામી 24 કલાકમાં દક્ષિણ કાશ્મીરથી જમ્મુ તરફ જવાની સંભાવના છે. સૂત્રોએ જણાવ્યું કે આમાંથી મોટાભાગના પરિવારો જમ્મુમાં રહેઠાણ ધરાવે છે.