નોરા ફતેહી બોલીવુડની એક લોકપ્રિય ડાન્સર છે અને તેના જેવો ડાન્સ કરવો દરેક વ્યક્તિની વાત નથી. નોરા કપરામાં કપરા ડાન્સ સ્ટેપ્સ ખૂબ જ સરળતાથી કરી લે છે, જેના વિશે સામાન્ય માણસ ક્યારેય વિચારી શકે પણ નહીં. નોરાને બાળકોથી લઇને વૃદ્ધ સુધીના દરેક માણસ પસંદ કરે છે.
નોરા ફતેહી દુબઈમાં આઈફા એવોર્ડ્સ 2022માં હાજર રહી
ઓડિટોરિયમમાં બાળકીએ નોરા ફતેહી જેવો ડાન્સ કર્યો
બાળકીના ડાન્સ સ્ટેપ્સ જોઇને નોરા ફતેહી થઇ ખુશ
એક બાળકીએ નોરાની સામે તેના જેવો કર્યો ડાન્સ
નોરાના પ્રશંસકો વિશ્વભરમાં છે. નોરા ફતેહીનો એક લેટેસ્ટ વીડિયો સામે આવ્યો છે, જેમાં તે પોતાની નાની પ્રશંસક સાથે દેખાઈ રહી છે. હાલમાં નોરા ફતેહી દુબઈમાં આયોજીત આઈફા એવોર્ડ્સ 2022માં હાજર રહી હતી. જ્યાં તેની મુલાકાત એક બાળકી સાથે થઇ. વીડિયોમાં તમે જોઇ શકો છો કે નોરા ફતેહી ઓડિટોરિયમમાં બેઠી છે અને બાળકી તેની સામે તેના ગીત પર જ ડાન્સ કરી રહી છે. બાળકી નોરાના મુશ્કેલ સ્ટેપ્સને એટલી સરળતાથી ડાન્સ કરી રહી છે, જેને જોઇને અભિનેત્રી પોતે હેરાન છે. નોરા ફતેહી બાળકીના ડાન્સને જોઇને ખુશ પણ થઇ રહી છે. વીડિયોમાં તમે બાળકીને નોરાના લોકપ્રિય ગીત સાકી સાકીના હુક સ્ટેપ કરતા જોઇ શકાય છે. નોરા કહે છે, ઓહ માય ગૉડ તમે ખૂબ સારા છો. તમને ખબર છે કે આ કેટલા મુશ્કેલ સ્ટેપ છે. ઘણા લોકો આ સ્ટેપ્સ પર ડાન્સ કરી શકતા નથી. તમે સ્ટાર છો. ત્યારબાદ બાળકી નોરાને ગળે લગાડે છે અને વધુ એક ડાન્સ સ્ટેપ કરીને તેમને બતાવે છે.
નોરા ફતેહીનો આ વીડિયો સોશિયલ મીડિયામાં ખૂબ વાયરલ થયો છે. જેના પર યુઝર્સ અલગ-અલગ પ્રતિક્રિયા આપી રહ્યાં છે. જ્યાં અમુક લોકો નોરાને ઓવર એક્ટિંગની દુકાન બતાવી રહ્યાં છે. તો કેટલાંક લોકો નોરાના વખાણ કરતા થાકતા નથી. એક યુઝરે વીડિયો પર કોમેન્ટ કરતા લખ્યું છે, બસ આ જ બાળકોને શિખવાડો. તો અન્ય એક યુઝર્સે લખ્યું છે, દેશ સંકટમાં છે. તો ત્રીજા યુઝર્સ લખે છે, આ બોલીવુડની બીજી નોરા ફતેહી છે. કુલ મળીને આ વીડિયો પર લોકોના અલગ-અલગ રિસ્પોન્સ મળી રહ્યાં છે.