કામની વાત / બ્લેક ફંગસથી બચાવ માટે બેહદ જરૂરી છે આ વસ્તુ, આ ટિપ્સ અપનાવો નહીતર આવશે ગંભીર પરિણામ

• બ્લેક ફંગસથી બચવા ઓરલ હાઇજીન જરૂરી 
• ઓરલ રિન્સિંગથી તમે બચી શકો છો 
• ગુજરાતમાં વધી રહ્યાં છે બ્લેક ફંગસના કેસ 

આવા સમયમાં કેટલાક રાજ્યોએ આ બિમારીને મહામારી ઘોષિત કરી દીધી છે. બ્લેક ફંગસ એક ફંગલ બિમારી છે જે દાંત, આંખ, નાક અને મોઢા દ્વારા મગજ સુધી ફેલાય છે. આ સંક્રમણ વધારે તે જ દર્દીઓમાં જોવા મળે છે જેમને કોરોનાની દવા માટે લાંબા સમય સુધી સ્ટેરોઇડ આપવામાં આવ્યો હોય. તે સિવાય ડાયબિટીઝનો દર્દી પણ આમાં સપડાતો હોય છે. 

બ્લેક ફંગસના શરૂઆતી લક્ષણમાં ઓરલ ટિશ્યુ, જીભ અને પેઢાનું ડિસ્કલરેશન સામેલ છે. શુગર કંટ્રોલ રાખવાની સાથે સાથે આપણે ઓરલ હાઇજીનનું ધ્યાન રાખવુ પણ જરૂરી બને છે.

દિવસમાં બેથી ત્રણ વાર બ્રશ કરો 
કોવિડ 19ના ઇલાજ દરમિયાન કેટલાક દર્દીઓને સ્ટેરોઇડ આપવામાં આવે છે. જે મોઢામાં ફંગસ અને બેક્ટેરિયા પેદા કરે છે. જેના કારણે ફંગસ થવાની સંભાવનાઓ વધી જાય છે. 

સાઇનસ, ફેફસાની સાથે મગજની સમસ્યાઓ અને અન્ય તકલીફો પણ થઇ શકે છે માટે દિવસમાં બે ત્રણ વાર બ્રશ કરવુ જોઇએ. 

ઓરલ રિન્સિંગ પ્રભાવી 
કોવિડ 19થી રિકવર થયા બાદ તમારે પોતાની ઓરલ હેલ્થનું ખાસ ધ્યાન રાખવુ જોઇએ. કોરોનાની સાઇડ ઇફેક્ટથી બચવા માટે રિંસર પ્રોડક્ટનો ઉપયોગ કરી શકાય છે. 

ટુથબ્રશ અને ટંગક્લિનર કીટાણુરહિત કરવુ 
વિશેષજ્ઞોના કહ્યાં અનુસાર કોવિડથી રિકવર થઇ ચૂકેલા વ્યક્તિને પોતાનું ટૂથબ્રશ તે હોસ્ડરમાં ન રાખવુ જોઇએ જેમાં પરિવારના અન્ય સદસ્ય પણ પોતાનુ ટૂથબ્રશ રાખતા હોય. સાથે જ એન્ટીસેપ્ટિક માઉથવોશનો ઉપયોગ કરીને સાફ કરી લેવુ જોઇએ.