કોરોના વિરોધ / શેરને માથે સવાશેર, દુનિયાને આંખ દેખાડનાર જિનપિંગનું આવી બન્યું, ચીનના લોકોએ કર્યું મોટું એલાન

• ચીનમાં સતત વધી રહેલા કોરોના કેસો વચ્ચે મોટા સમાચાર
• બેઇજિંગમાં  કોવિડ-19ના નિવારણના કડક નિયંત્રણો વિરુદ્ધ પ્રદર્શનનો અંત 
• પ્રદર્શનોએ શાસક કમ્યુનિસ્ટ પાર્ટી માટે મુશ્કેલી ઊભી કરી
• વિદ્યાર્થીઓએ ગુલામ ન બનો ના નારા લગાવ્યા

ચીનમાં સતત વધી રહેલા કોરોના કેસો વચ્ચે એક મોટા સમાચાર સામે આવ્યા છે. ચીનની રાજધાની બેઇજિંગમાં પોલીસ તૈનાત અને તાપમાન ઘણું નીચે જવાને કારણે મંગળવારે કોવિડ-19ના નિવારણ માટે લાગુ કરવામાં આવેલા કડક નિયંત્રણો વિરુદ્ધ પ્રદર્શનનો અંત આવ્યો હતો. જોકે કોવિડ-19 પ્રતિબંધો સામે ચાલી રહેલા આ વિરોધ પ્રદર્શન ચીનના ઘણા શહેરોમાં ફેલાઈ ગયા છે. આ પ્રદર્શનોએ શાસક કમ્યુનિસ્ટ પાર્ટી માટે મુશ્કેલી ઊભી કરી છે. સત્તાવાળાઓએ લોકોના ગુસ્સાને ઓછો કરવા માટે કેટલાક નિયંત્રણો હળવા કર્યા છે, પરંતુ સરકારે પ્રતિબંધો હટાવવાના કોઈ સંકેત આપ્યા નથી.

મહત્વનું છે કે, મંગળવારે ચીનમાં કોરોના ચેપના દૈનિક કેસોની સંખ્યા થોડી ઓછી હતી. અગાઉ છેલ્લા કેટલાક દિવસોમાં કોવિડ-19ના રેકોર્ડ કેસ સામે આવી રહ્યા હતા. આ 38,421 સંક્રમિતોમાંથી 34,860માં ચેપના કોઈ લક્ષણો જોવા મળ્યા નથી. લગભગ ચાર ડઝન વિરોધીઓ મધ્ય બેઇજિંગમાં કોવિડ-19 નીતિઓને કારણે જીવ ગુમાવનારાઓને શ્રદ્ધાંજલિ આપવા માટે એકઠા થયા હતા. પોલીસે દેખાવકારોના જૂથોને અલગ કરવા માટે વિસ્તારને ઘેરી લીધો હતો. નિયમો અનુસાર એક જગ્યાએ 12 થી વધુ લોકોના ભેગા થવા પર પ્રતિબંધ છે. પોલીસે પ્રદર્શનકારીઓના ઓળખ પત્રો તપાસ્યા હતા. જોકે કોઈની ધરપકડ કરવામાં આવી ન હતી.

વિદ્યાર્થીઓએ કર્યા સૂત્રોચ્ચાર 

હોંગકોંગમાં વિરોધીઓએ ચીની યુનિવર્સિટીની બહાર પોસ્ટરો લગાવ્યા જેમાં લખ્યું હતું, "ડરશો નહીં, ભૂલશો નહીં, માફ કરશો નહીં." વિદ્યાર્થીઓએ પોતાની ઓળખ છુપાવવા માટે મોઢા ઢાંકી દીધા હતા. તેઓએ કોઈ પીસીઆર ટેસ્ટ નહીં, પરંતુ તેમાંથી આઝાદી અને સરમુખત્યારશાહીનો પ્રતિકાર કરો, ગુલામ ન બનો ના નારા લગાવ્યા. આ સિવાય તેમણે મુખ્ય ભૂમિ ચીનમાં વિરોધ કરી રહેલા લોકોના સમર્થનમાં સૂત્રોચ્ચાર પણ કર્યા હતા.