2019 અડધો વીતી ચુક્યો છે અને ફિલ્મ ઇન્ડસ્ટ્રી માટે આ સમય ઘણો સારો રહ્યો. ઘણી ફિલ્મોએ બોક્સઓફિસ પર ધમાકેદાર પ્રદર્શન કર્યુ. હોલિવુડ મુવી એવેન્જર્સના શાનદાર પ્રદર્શને બધાને ચોંકાવી દીધા. વાત કરીએ એવી બોલિવુડ ફિલ્મોની જે બોક્સ ઓફિસ કલેક્શનની બાબતમાં ટોપ 10 રહી.
1. ઉરી ધ સર્જિકલ સ્ટ્રાઇક
બોક્સઓફિસ કલેક્શન- 244.06 કરોડ
ઉરી-ધ સર્જિકલ સ્ટ્રાઇકમાં કોઇ મોટો સ્ટાર ન હતો, પરંતુ ફિલ્મનો વિષય જબરજસ્ત હતો. આ ફિલ્મને દર્શકોએ પ્રેમથી આવકારી. કોઇને આશા ન હતી કે આ ફિલ્મ 244.06 કરોડનો બિઝનેસ કરશે.
2. ભારત
બોક્સઓફિસ કલેક્શન-209.36 કરોડ રૂ.
સલમાનખાનની આ ફિલ્મે બિઝનેસ જરુર કર્યો, પરંતુ લોકોને ઓછી પસંદ પડી. સલમાનના ફેન સિવાય કોઇને આ ફિલ્મ જોવાનો ઉમળકો ન હતો. સલમાન જેવો સ્ટાર હોય તો આ ફિલ્મનો બિઝનેસ 300 કરોડ તો થવા જોઇએ, પરંતુ આ ફિલ્મે દર્શકોને નિરાશ કર્યા.
3. કબીર સિંહ
બોક્સઓફિસ કલેક્શન- 190.64 કરોડ
આ ફિલ્મની સફળતાએ બોલિવુડને આશ્વર્યમાં નાંખી દીધુ. માત્ર 11 દિવસની અંદર આ ફિલ્મે 190 કરોડનું કલેક્શન કર્યુ. શક્ય છે કે થોડા દિવસોમાં આ ફિલ્મ નંબર વન પર પહોંચી જાય. આ ફિલ્મ શાહિદ કપુરની કરિયરની સૌથી હિટ ફિલ્મ સાબિત થઇ.
4. ટોટલ ધમાલ
બોક્સઓફિસ કલેક્શન- 154.30 કરોડ રૂ.
ધમાલ સિરીઝની આ ફિલ્મમાં ઘણ કલાકારો જોવા મળ્યા. આ ફિલ્મ બોક્સઓફિસ પર 150 કરોડને પાર નિકળી ગઇ. આ ફિલ્મ માટે ઘણો ખર્ચો કરાયો તેથી આ કમાણી સાથે ફિલ્મને સેમી હિટ માનવામાં આવે છે.
5. કેસરી
બોક્સઓફિસ કલેક્શન-153 કરોડ રૂ.
અક્ષયકુમારની સોલો હીરો તરીકેની આ ફિલ્મે સારું એવું પ્રદર્શન કર્યુ અને દર્શકોએ આ ફિલ્મને વધાવી પણ ખરી. બોક્સઓફિસ પર આ ફિલ્મનું પ્રદર્શન સારું રહ્યુ.
6. ગલી બોય
બોક્સઓફિસ કલેક્શન- 139.38 રૂ.
રણવીર સિંહ અભિનીત રેપ સિંગર્સ અને તેના જીવન પર આધારિત ફિલ્મ ગલીબોય દર્શકોને ખુબ ગમી. ખાસ કરીને યંગસ્ટર્સ માટે વખણાઇ. મોટા શહેરોમાં ફિલ્મ ખાસ્સી પસંદ કરાઇ. રણવીર સિંહ સાથે સેકન્ડ લીડ અભિનેતા સિધ્ધાંત ચતુર્વેદીને આ ફિલ્મથી ખાસ્સી પ્રસિધ્ધિ મળી.
7. દે દે પ્યાર દે
બોક્સઓફિસ કલેક્શન- 102.40 કરોડ રૂ.
અજય દેવગણ અભિનીત આ ફિલ્મને ખુબ જ પ્રશંસા મળી, પરંતુ કલેક્શન એટલું ન રહ્યુ જેટલી આશા હતી. બોક્સઓફિસ પર આ ફિલ્મે ખર્ચા તો કાઢ્યા, પરંતુ પ્રમાણમાં ઓછી કમાણી કરી, જોકે ફિલ્મ 100 કરોડની ક્લબમાં એન્ટ્રી મેળવી ગઇ.
8. મણિકર્ણિકા- ધ ક્વીન ઓફ ઝાંસી
નાયિકાપ્રધાન હોવા છતા કંગના રાણાવતની આ ફિલ્મે ખુબ સારો બિઝનેસ કર્યો. આ ફિલ્મ રીલીઝ પહેલા અનેક વિવાદોમાં ફસાઇ. જોકે આટલી મોંઘી ફિલ્મ હોવાના કારણે તે નુકસાનનો સોદો સાબિત થઇ. આ નુકસાન બહુ મોટુ ન હતુ.
9. લુકાછુપી
બોક્સઓફિસ કલેક્શન- 94.15 કરોડ રૂ.
કાર્તિક આર્યન અને ક્રિતી સેનનના ખાતામાં વધુ એક સફળ ફિલ્મ આવી. લુકાછુપીનો વિષય થોડો હટકે હતો. આ ફિલ્મને દર્શકોએ પસંદ કરી.
10. બદલા
બોક્સઓફિસ કલેક્શન- 88.02 કરોડ રૂ.
અમિતાભ બચ્ચન અને તાપસી પન્નુ અભિનીત આ થ્રિલર ફિલ્મ બોક્સઓફિસ પર હિટ સાબિત થઇ. ફિલ્મ ઓછા બજેટમાં બની અને કલેક્શન શાનદાર રહ્યુ.