IND vs AUS / 'આ જ સમય કોહલી માટે...: 4 ટેસ્ટ મેચની સિરીઝ અગાઉ હરભજનસિંહનું મોટું નિવેદન

• આ ટેસ્ટ સીરિઝમાં વિરાટ કોહલીનું બેટ જોરદાર ચાલશે - હરભજન સિંહ
• ટીમ ઈન્ડિયાએ વર્લ્ડ ટેસ્ટ ચેમ્પિયનશિપ જીતવી છે
• કોહલી 3 વર્ષથી ટેસ્ટમાં સદી ફટકારી શક્યો નથી

ભારતીય ટીમને ઓસ્ટ્રેલિયા સામે 4 ટેસ્ટ મેચની સીરિઝ રમવાની છે અને એ સીરિઝણી પહેલી ટેસ્ટ મેચ આજે નાગપુરમાં રમાશે. મહત્વની વાત એ છે કે આ સિરીઝમાં દરેકની નજર ખાસ કરીને વિરાટ કોહલી પર રહેશે અને તેનું કારણ એ છે કે તેનું બેટ ત્રણ વર્ષથી ટેસ્ટમેચમાં શાંત છે અને કોઈ ખાસ કમાલ નથી બતાવી શક્યું. જો કે કોહલી રન બનાવી રહ્યો હતો પરંતુ સદી ફટકારી શક્યો ન હતો. 

આ ટેસ્ટ સીરિઝમાં કોહલીનું બેટ જોરદાર ચાલશે
આ સાથે જ પૂર્વ ભારતીય સ્પિનર હરભજન સિંહે પણ આશા વ્યક્ત કરી છે કે કોહલી આ સીરિઝમાં ફરી ફોર્મમાં આવશે. જણાવી દઈએ કે ભજ્જીએ કહ્યું કે 'કોહલી માટે આ સમય છે કે તે તેની ટીમને વર્લ્ડ ટેસ્ટ ચેમ્પિયનશિપની ફાઇનલમાં લઈ જાય અને ત્યાં જીતે'. હરભજને તેની યુટ્યુબ ચેનલ પર કહ્યું હતું કે 'કોહલીએ તેની કારકિર્દીમાં એટલા રન બનાવ્યા છે કે હવે એવું લાગે છે કે તે જ્યારે પણ તે બેટિંગ કરવા જશે ત્યારે તે ઓછામાં ઓછા 100 રન બનાવશે તો જ આપણે તેના ફોર્મને ફોર્મ કહીશું.' જણાવી દઈએ કે કોહલીનું બેટ છેલ્લા ત્રણ વર્ષથી શાંત છે પણ કિંગ કોહલી ફરી વનડે અને ટી-20માં પોતાનું ફોર્મ પકડ્યું છે અને બે સદી ફટકારી છે. છેલ્લા બે-ત્રણ વર્ષથી કોહલીએ પોતાની લય ગુમાવી દીધી હતી 

🚨 Team News 🚨

Test debuts for @surya_14kumar & @KonaBharat for #TeamIndia 👌 👌

Follow the match ▶️ https://t.co/SwTGoyHfZx #INDvAUS | @mastercardindia

A look at our Playing XI 🔽 pic.twitter.com/div9awCB4o

— BCCI (@BCCI) February 9, 2023

આગળ ભજ્જીએ કહ્યું, 'હવે મને લાગે છે કે આ એવી સીરિઝ છે જેમાં કોહલીનું બેટ ધૂમ મચાવશે. જે દિવસે તેનું બેટ બોલે છે એ દિવસે આપણે બધા જાણીએ છીએ કે શું થાય છે. જો ભારતીય ટીમે આ શ્રેણીમાં જીત મેળવવી હોય તો રન મશીનને રન બનાવવા પડશે.

ટીમ ઈન્ડિયાએ વર્લ્ડ ટેસ્ટ ચેમ્પિયનશિપ જીતવી છે
પૂર્વ દિગ્ગજ સ્પિનર હરભજને આગળ કહ્યું હતું કે, 'બાંગ્લાદેશ સામેની છેલ્લી ટેસ્ટ સીરિઝમાં કોહલીનું બેટ કામ નહોતું કર્યું પણ આપણે બધા જાણીએ છીએ કે જ્યારે વિરાટ કોહલી જેવા મોટા ખેલાડી ફોર્મમાં આવે છે ત્યારે તેઓ પોતાની ટીમને જીત અપાવી દે છે. તમારી ટીમને WTC (વર્લ્ડ ટેસ્ટ ચેમ્પિયનશિપ)ની ફાઇનલમાં લઈ જવાનો અને ત્યાં જીતવાનો આ સમય છે. કોહલીને મારી શુભેચ્છાઓ અને આશા છે કે તે સારું પ્રદર્શન કરશે.

કોહલી 3 વર્ષથી ટેસ્ટમાં સદી ફટકારી શક્યો નથી
જણાવી દઈએ કે કોહલીએ છેલ્લી 10 ઇનિંગ્સમાં ટેસ્ટમાં એક પણ ફિફ્ટી ફટકારી નથી, આ સાથે જ તમને જણાવી દઈએ કે  કોહલીએ છેલ્લી સદી નવેમ્બર 2019માં બાંગ્લાદેશ સામે ફટકારી હતી. એટલે કે કોહલી ત્રણ વર્ષ સુધી ટેસ્ટમાં સદી પણ ફટકારી શક્યો નથી. આ દરમિયાન કોહલીએ 20 ટેસ્ટ મેચોની 38 ઇનિંગ્સ રમી છે.