મહામંથન / નોકરી માટે રેલિંગ તોડ પડાપડીનું સત્ય શું? માત્ર ઉંચા પગારનો મોહ કે નોકરીનો અભાવ?

અંકલેશ્વરનો વાયરલ વીડિયો હાલ ચારે તરફ ચર્ચાનું કેન્દ્ર બન્યો છે.. કંપનીમાં નોકરી માટે જૂજ જગ્યાઓ હતી અને હજારો લોકો આવ્યા હતા.. જ્યાં ઈન્ટરવ્યૂ હતો ત્યાં મોટી ભીડ જમા થઈ અને આ ભીડ એટલી વધી કે ઈન્ટરવ્યૂ માટે પડાપડી થઈ ગઈ, , ધક્કામુક્કી એટલી વધી કે ઈન્ટરવ્યૂ સ્થળે રેલિંગ હતી તે પણ તૂટી ગઈ. કેનેડામાં ભારતીયો નોકરી માટે લાઈનમાં ઉભા હતા, બિલકુલ તેવા જ દ્રશ્યો જોવા મળ્યા. ચાલો વિગતે જોઇએ કે શું હતી ઘટના

શું હતી સમગ્ર ઘટના ?

અંકલેશ્વરની થર્મેક્સ કેમિકલ કંપનીમાં વોક ઇન ઇન્ટરવ્યૂનું આયોજન કરાયુ હતું.. કંપનીએ સમાચારપત્રમાં જાહેરાત આપી અને યોગ્ય ઉમેદવારોને વોક ઇન ઇન્ટરવ્યૂ માટે બોલાવ્યા હતા. લગભગ 42 જેટલી જગ્યા ભરવાની હતી પરંતુ ઇન્ટરવ્યૂ માટે 1800 જેટલા ઉમેદવાર ઉમટી પડ્યા હતા.

પરિણામ એ આવ્યું કે જે હોટલમાં ઈન્ટરવ્યૂનું આયોજન હતું ત્યાં અવ્યવસ્થા ઉભી થઈ ગઇ .. ઉમેદવારો રેલિંગ ઉપર ઉભા રહી ગયા હતા, પરંતુ ધક્કામુક્કી એટલી થઇ કે રેલિંગ તૂટી ગઇ અને ઉમેદવારો નીચે પટકાયા હતા. કંપનીના જવાબદારોએ આ ઘટના અંગે કંઈપણ કહેવાનો ઈન્કાર કર્યો હતો. હોટલ મેનેજરે કહ્યું કે આયોજન કંપનીનું હતું અમે તો માત્ર જગ્યા આપી હતી..

પોસ્ટ અને લાયકાત શું હતી?

શિફ્ટ ઈન્ચાર્જ

B.E. કેમિકલ

6-10 વર્ષનો અનુભવ

પ્લાન્ટ ઓપરેટર

ITI-AOCP

3-8 વર્ષનો અનુભવ

DCS સુપરવાઈઝર

B.Sc, M.Sc, ડિપ્લોમા કેમિકલ

4-8 વર્ષનો અનુભવ

ફિટર-મિકેનિકલ

ITI- ફિટર

3-8 વર્ષનો અનુભવ

એક્ઝિક્યુટીવ-ETP

B.Sc, M.Sc

4-7 વર્ષનો અનુભવ

ભરૂચ જિલ્લામાં GIDCમાં રોજગારીની સ્થિતિ

અંકલેશ્વર, પાનોલી અને ઝઘડિયામાં 3 હજાર એકમ કાર્યરત હતા, પરંતુ છેલ્લા થોડા વર્ષોમાં અંદાજે 300 એકમ બંધ થયા છે. 300 એકમ બંધ થતા લગભગ 12 હજાર જેટલા કર્મચારી બેરોજગાર થયા છે. હાલ 2650 જેટલા એકમ કાર્યરત છે.. આ 2650 એકમમાંથી 55 થી 60 હજાર લોકોને રોજગારી મળે છે. દહેજ અને સાયખા ઔદ્યોગિક વિસ્તારમાં 200 જેટલા એકમ કાર્યરત છે. દહેજ અને સાયખા GIDCમાં 35 હજાર જેટલા કર્મચારીને રોજગારી મળે છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ