જાંબાઝ સૈન્ય / ભારતના આ કમાન્ડો ફોર્સની તાકાત વિશે ખબર નહીં હોય, સેકન્ડોમાં તો ભલભલા દુશ્મનને પણ ધૂળ ચાટતા કરી દે છે

• ભારતના આ જાંબાઝ જવાનો દુશ્મનો પર પડે છે ભારે
• દુશ્મનો ચપટીમાં જવાનો સામે ઘૂંટણિયે પડી જાય છે
• આ કમાન્ડો દેશની આન બાન અને શાન છે

ઈમરજન્સીમાં એક્શન પ્લાન માટે આ વિશેષ કમાન્ડો ફોર્સ મદદ માટે તૈયાર રહે છે. આજે અમે દેશના સૌથી ઘાતક, શાનદાર અને ઈન્ટેલિજન્ટ કમાન્ડોની ફોર્સ અંગે જણાવવા જઈ રહ્યાં છે. આ જવાનો સામે દુશ્મનો ચપટીમાં ઘૂંટણિયે પડી જાય છે. આ જવાનો દેશની આન બાન અને શાન છે. 

કોબરા કમાન્ડો

આ યાદીમાં પ્રથમ નંબરે નામ આવે છે કોબરા કમાન્ડોનું. COBRA નું આખુ નામ છે Commando Battalion For Resolute Action. અહીં જણાવવાનું કે આ CRPFનું એક સ્પેશિયલ યુનિટ છે. કોબરા કમાન્ડો ગુરિલ્લા યુદ્ધ અને જંગલોના ખતરનાક વાતાવરણમાં દુશ્મનોને ઠાર મારવા માટે કરાય છે. આ નક્સલીઓ સામે લડવા માટે તૈયાર કરાયા છે. એટલું જ નહીં, કોબરા કમાન્ડો પાસે ટ્રેનિંગ લેવા માટે ઘણા દેશોના આર્મીના જવાન આવે છે. 

ફોર્સ વન

ફોર્સ વન કમાન્ડો મહારાષ્ટ્ર સરકાર માટે કામ કરે છે. આ ફોર્સની રચના મુંબઈ પર થયેલા આતંકવાદી હુમલા બાદ વર્ષ 2010માં કરવામાં આવી. ફોર્સ વન કમાન્ડો રાજ્યની સુરક્ષા કરવા માટે તો પ્રતિબદ્ધ છે. આ સાથે આ કમાન્ડો ઘણા નેતાઓ અને હસ્તિઓની સુરક્ષાની જવાબદારી પણ ઉઠાવે છે.

સ્પેશિયલ ફ્રન્ટિયર ફોર્સ

આ એક પેરામિલિટ્રી સ્પેશિયલ ફોર્સ છે, જેની રચના 1962 (ભારત-ચીન યુદ્ધ)માં થઇ હતી. Special Frontier Force વિશેષ ટોહી અભિયાન, સીધી કાર્યવાહી, બંધકોનો બચાવ, આતંકવાદનો મુકાબલો, અપરંપરાગત યુદ્ધ અને ગુપ્ત અભિયાનોમાં માહેર છે. આ RAWની સાથે તાલમેલ બેસાડીને પોતાના અભિયાનોને અંજામ આપે છે. 

ગરુડ કમાન્ડો ફોર્સ

ગરૂડ કમાન્ડોને ભારતીય વાયુસેના કડક ટ્રેનિંગ આપીને તૈયાર કરે છે. ગરૂડ જવાને પાણી, હવા અને રાત્રે પણ હુમલો કરીને દુશ્મનોને મારવાની અનોખી ક્ષમતા રાખે છે. ભારતીય વાયુસેનાના કોઈ પણ બેસ પર આતંકવાદી હુમલો કરે છે તો આ ટીમ તાત્કાલિક રિસ્પોન્સ કરે છે.