ભારતના ગૌરવ મિલ્ખા સિંઘનું આજે નિધન થઇ ગયુ છે જેનાથી સમગ્ર દેશમાં શોકની લાગણી છવાઇ ગઇ છે.
મિલ્ખા સિંઘને કેવી રીતે મળ્યુ ફ્લાઇંગ સિખ નામ
ભારતમાં નહી પરંતુ વિદેશમાં મળ્યુ હતુ આ નામ
1960 બાદ મિલ્ખા ફ્લાઇંગ સિખના નામે પ્રખ્યાત થયા
મિલ્ખા સિંઘ ફ્લાઇંગ સિખના નામે જાણીતા હતા પરંતુ તમને ખબર છે આ નામ તેમને ક્યાંથી અને કેવી રીતે મળ્યુ હતુ?
કેવી રીતે મળ્યુ નામ
વર્ષ 1960માં મિલ્ખા સિંઘને પાકિસ્તાન તરફથી લાહોરમાં દોડવા માટેનું આમંત્રણ મળ્યુ હતુ. ભારત પાકિસ્તાનના વિભાજન બાદ થયેલા કત્લેઆમથી દુઃખી મિલ્ખા સિંઘે આમંત્રણ ઠુકરાવી દીધુ હતુ. જે બાદ ત્યારના તત્કાલ પ્રધાનમંત્રી જવાહરલાલ નહેરુએ તેમને સમજાવ્યા અને કહ્યું કે આ બધુ ભૂલીને તે પાકિસ્તાન જાય. બાદમાં વાઘા બોર્ડરના રસ્તે તે પાકિસ્તાન પહોંચ્યાય ખુલ્લી જીપમાં તેને પાકિસ્તાન લઇ જવામાં આવ્યા. તેમનો મુકાબલો એશિયાના તુફાન નામના એક મશહૂર પાકિસ્તાની ધાવક અબ્દૂલ ખાલિક સાથે હતો અને આખુ સ્ટેડિયમ ભરેલુ હતુ.
રેસ શરૂ થાય તે પહેલા કેટલાક મૌલવી આવ્યા અને ખાલિકને આશીર્વાદ આપ્યા ત્યારે મિલ્ખાએ કહ્યું હું પણ ખુદાનો બંદો છુ ત્યારે મોલવીઓએ કહ્યું, અલ્લાહ તમને પણ તાકાત આપે. રેસ શરૂ થઇ ત્યારે લોકોના ધબકારા વધી ગયા હતા.
In the passing away of Shri Milkha Singh Ji, we have lost a colossal sportsperson, who captured the nation’s imagination and had a special place in the hearts of countless Indians. His inspiring personality endeared himself to millions. Anguished by his passing away. pic.twitter.com/h99RNbXI28
મોટાભાગના લોકોએ કહ્યું કે મિલ્ખા હારી જશે પરંતુ જે થયુ તે ઇતિહાસ બનવી ગયો. મિલ્ખા એવા દોડ્યા જાણે તે ઉડી રહ્યાં હોય અને તે સમયના પાકિસ્તાનના તત્કાલિન રાષ્ટ્રપતિ જનરલ અયુબ ખાન પણ જોતા જ રહી ગયા હતા.
તેમણે મિલ્ખાના ગળામાં મેડલ પહેરાવતી વખતે પંજાબીમા કહ્યું, ‘मिल्खा सिंह जी, तुस्सी पाकिस्तान दे विच आके दौड़े नई, तुस्सी पाकिस्तान दे विच उड़े ओ, आज पाकिस्तान तुहानूं फ्लाइंग सिख दा खिताब देंदा ए।’ જે બાદ તે ફ્લાઇંગ સિખના નામે મશહૂર થઇ ગયા હતા.
લગભગ છેલ્લાં એક મહિનાથી કોરોના સામે ઝઝૂમ્યા બાદ ફ્લાઈંગ સિખ મિલ્ખા સિંઘ જીવન જીવવાની દોડ સામે હારી ગયા. આ અઠવાડિયે જ તેમની પત્નીનું પણ કોરોનાથી નિધન થયું હતું. મિલ્ખા સિંઘે 91 વર્ષની વયે અંતિમ શ્વાસ લીધા હતા.