દિલ્હી / 'આવું પહેલા કદી પણ નથી થયું', હરિયાણામાં મહાજીત બાદ PM મોદીનું સંબોધન

Haryana Assembly Election Results Live Updates: હરિયાણાના પરિણામ આવ્યા પછી પીએમ નરેન્દ્ર મોદી કાર્યકર્તાઓને સંબોધી રહ્યા છે. તેમણે કહ્યુ હરિયાણાના લોકોએ કમળ- કમલ કરી દીદુ છે. હરિયાણામાં મહાજીત બાદ PM મોદીનું સંબોધન ચાલુ છે.

પીએમ મોદીએ કહ્યું, 'આજે નવરાત્રિનો છઠ્ઠો દિવસ, માતા કાત્યાયનીની પૂજાનો દિવસ છે. આ ધરતી પર આ સત્ય, વિકાસ અને સુશાસનની જીત છે. જમ્મુ-કાશ્મીરમાં દાયકાઓ પછી શાંતિપૂર્ણ ચૂંટણી અને મતગણતરી થઈ છે. આ લોકશાહીની જીત દર્શાવે છે. હું નેશનલ કોન્ફરન્સને અભિનંદન આપું છું.

હરિયાણામાં ભાજપે પોતાના દમ પર સરકાર બનાવી છે. ભાજપે 48 બેઠકો જીતી છે. જ્યારે કોંગ્રેસે 36 બેઠકો જીતી છે અને એક બેઠક પર આગળ ચાલી રહી છે. આ સિવાય INLD માત્ર 2 સીટો જીતીને સફળ રહી છે. આ સિવાય 3 સીટો અન્યના ખાતામાં ગઇ છે.

પોતાના સંબોધન દરમિયાન પીએમ મોદીએ કાર્યકર્તાઓને તેમની તપસ્યા માટે સલામ કરી હતી. તેમણે કહ્યું, 'જમ્મુ અને કાશ્મીરમાં ચૂંટણી લડી રહેલા તમામ પક્ષોમાંથી ભાજપ વોટ શેરની દ્રષ્ટિએ સૌથી મોટી પાર્ટી તરીકે ઉભરી આવી છે. હું હરિયાણા અને જમ્મુ-કાશ્મીરમાં જીતેલા તમામ ઉમેદવારોને અભિનંદન આપું છું. હું હરિયાણા અને જમ્મુ-કાશ્મીરના લોકોને પણ અભિનંદન આપું છું. હું ભાજપના તમામ કાર્યકર્તાઓને તેમની દ્રઢતા અને તપસ્યા માટે નમન કરું છું.

પીએમ મોદીએ કહ્યું, હરિયાણાની આ જીત કાર્યકર્તાઓની અપાર મહેનતનું પરિણામ છે. હરિયાણાની આ જીત નડ્ડા જી અને હરિયાણાની ટીમના પ્રયાસોની જીત છે. હરિયાણાની આ જીત આપણા નમ્ર અને વિનમ્ર મુખ્યમંત્રીના કર્તવ્યની જીત છે. તેમણે પાર્ટી કાર્યકર્તાઓને સંબોધતા કહ્યું, 'આજે હરિયાણામાં વિકાસની ગેરંટી જૂઠાણાંના ઘૂંટણિયે પડી ગઈ છે. હરિયાણાના લોકોએ નવો ઈતિહાસ રચ્યો છે.

કોંગ્રેસ માટે ‘નો એન્ટ્રી’ના બોર્ડ

દિલ્હીમાં પાર્ટી કાર્યકર્તાઓને સંબોધતા વડાપ્રધાન નરેન્દ્ર મોદીએ કહ્યું, 'જ્યાં પણ ભાજપની સરકાર બને છે, ત્યાંના લોકો લાંબા સમય સુધી ભાજપને સમર્થન આપે છે.' આગળ પીએમ મોદીએ કહ્યું, 'બીજી તરફ કોંગ્રેસની શું હાલત છે? છેલ્લી વખત કોંગ્રેસ સરકાર ક્યારે સત્તામાં આવી? લગભગ 13 વર્ષ પહેલા 2011માં આસામમાં ફરીથી તેમની સરકાર બની હતી અને ત્યારથી તેમની સરકાર ફરી બની નથી. દેશના મોટાભાગના રાજ્યોમાં લોકોએ કોંગ્રેસ માટે ‘નો એન્ટ્રી’ના બોર્ડ લગાવી દીધા છે.

આ પણ વાંચોઃ જલેબી લે લો..સોશિયલ મીડિયા પર રાહુલ ગાંધીના ફોટો સાથે મીમની ધમાચકડી

હરિયાણાના લોકોએ ઈતિહાસ રચ્યો - પીએમ મોદી

પોતાના સંબોધન દરમિયાન પીએમ મોદીએ કહ્યું કે આજે હરિયાણાના લોકોએ ઈતિહાસ રચ્યો છે. હરિયાણાની સ્થાપના 1966માં થઈ હતી અને અગ્રણી નેતાઓને રાજ્યનું નેતૃત્વ કરવાની તક મળી છે. આ નેતાઓ દેશભરમાં પ્રખ્યાત હતા. હરિયાણામાં અત્યાર સુધી 13 ચૂંટણી થઈ છે અને તેમાંથી 10માં હરિયાણાની જનતા દર પાંચ વર્ષે સરકાર બદલતી હતી. જો કે હરિયાણાના લોકોએ કંઈક નોંધપાત્ર સિદ્ધ કર્યું છે. પ્રથમ વખત કોઇ સરકારને તક આપવામાં આવી છે.

કોંગ્રેસ પર પીએમ મોદીના પ્રહાર

દિલ્હીમાં બીજેપી હેડક્વાર્ટર ખાતે પાર્ટીના કાર્યકર્તાઓને સંબોધતા વડાપ્રધાન નરેન્દ્ર મોદીએ કહ્યું, 'કોંગ્રેસ ભારતીય સમાજને નબળો પાડીને અને ભારતમાં અરાજકતા ફેલાવીને દેશને કમજોર કરવા માંગે છે, તેથી જ તેઓ વિવિધ વર્ગોને ભડકાવી રહ્યા છે. તેઓ સતત આગ લગાડવાનો પ્રયાસ કરી રહ્યા છે. દેશે જોયું કે કેવી રીતે ખેડૂતોને ઉશ્કેરવાના પ્રયાસો કરવામાં આવ્યા, પરંતુ હરિયાણાના ખેડૂતોએ જડબાતોડ જવાબ આપ્યો કે તેઓ દેશ સાથે છે, તેઓ ભાજપની સાથે છે. દલિતો અને પછાત વર્ગોને ભડકાવવાના ઘણા પ્રયાસો થયા પરંતુ આ સમાજે પણ આ ષડયંત્રને ઓળખી લીધું અને કહ્યું કે તેઓ દેશ સાથે છે, તેઓ ભાજપની સાથે છે.

વડાપ્રધાન નરેન્દ્ર મોદીએ કહ્યું, 'આજે આખો દેશ જોઈ રહ્યો છે કે કોંગ્રેસ આપણા સમાજમાં જાતિનું ઝેર ફેલાવવા માટે કેવી રીતે બહાર આવી છે. જેઓ મોઢામાં સોનાની ચમચી લઈને જન્મ્યા છે તેઓ ગરીબોને જાતિના નામે લડાવવા માગે છે. આપણા દલિત, પછાત અને આદિવાસી સમુદાયોએ એ ન ભૂલવું જોઈએ કે કોંગ્રેસે જ તેમને સૌથી વધુ ત્રાસ આપ્યો છે. કોંગ્રેસ જ છે, જેણે આટલા દાયકાઓ સુધી તેમને ભોજન, પાણી અને મકાનથી વંચિત રાખ્યા હતા.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ