તિરંગો લહેરાવીને 'હર ઘર તિરંગા' અભિયાનમાં જોડાવવા માટે લોકો કર્યા પ્રેરિત
આપણે ગુજરાતી લોકો દરેક જગ્યા પર પહેલાં નંબર પર હોઈએ છીએ એ વાત તો બધા જાણે જ છે. બીઝનેસ હોય કે મનોરંજન હોય ગુજરાતીનું નામ હંમેશા અવ્વલ નંબર પર રહે છે તો ક્યારેય કોઈ કામથી પાછળ ન રહેતા ગુજરાતી, સરકાર દ્વારા ચાલુ કરેલ 'હર ઘર તિરંગા' અભિયાનમાં કઈ રીતે પાછળ રહી શકે છે?
કિંજલ દવે
'હર ઘર તિરંગા' અભિયાનમાં દેશના અનેક લોકો જોડાયા છે ઘણાં લોકો તેનો પ્રચાર કરી રહ્યા છે એવામાં ગુજરાતનાં નામચીન ચહેરા આગળ ન આવે એવું ન બની શકે. ગુજરાતની જાણીતી સિંગર કિંજલ દવેએ પોતાના ઘર રાષ્ટ્રધ્વજ ફરકાવીને આ અભિયાનમાં જોડાઈ હતી. સાથે જ લોકોને અભિયાનમાં જોડાવવા માટે પ્રેરિત પણ કર્યા છે.
જીગ્નેશ બારોટ
આ સાથે જ ગુજરાતમાં પણ આ ટ્રેન્ડ શરુ થઇ ગયો છે. કિંજલ દવે પછી જાણીતા સિંગર જીગ્નેશ બારોટ પણ આ અભિયાનમાં જોડાયા છે. એમને પણ તિરંગો લહેરાવીને 'હર ઘર તિરંગા' અભિયાનમાં ભાગ લીધો છે અને લોકોને પ્રેરિત કર્યા છે.
ગીતાબેન રબારી
જો કે એ પછી કચ્છની કોયલ કહેવાતી ગીતાબેન રબારી પણ 'હર ઘર તિરંગા' અભિયાનમાં જોડાઈ અને ટ્વિટર પર વિડીયો શેર કરતાં એમને લોકોને પણ જોડાવવા માટે પ્રેરિત કર્યા છે.
ભારત સરકારના સંસ્કૃતિ મંત્રાલય દ્વારા આ વર્ષે આગામી તા. ૧૩ થી ૧૫મી ઓગસ્ટ દરમિયાન 'હર ઘર તિરંગા' અભિયાનનું આયોજન કરવામાં આવ્યું છે. આ કાર્યક્રમનો હેતુ દેશવાસીઓમાં રાષ્ટ્રભાવના વધુ ને વધુ બળવત્તર બને અને દરેક નાગરિકના મનમાં પોતાના દેશ માટે ગર્વ સાથે દેશપ્રેમ વધે તેવો છે.
આ અભિયાન અંગે કેન્દ્ર સરકારના સંસ્કૃતિ મંત્રાલયના સેક્રેટરી ગોવિંદ મોહને જણાવ્યું કે આ અભિયાન પોતાના તિરંગાની આન, બાન અને શાનને સમર્પિત થશે. આ દરેક દેશવાસીને દેશ નિર્માણમાં તેના યોગદાન પ્રત્યે પ્રતિબદ્ધતા અને જુસ્સાને બતાવવાની એક તક હશે. સરકારનુ માનવુ છે કે તિરંગાની સાથે નાગરિકોનો સંબંધ અંગત હોવાના બદલે હંમેશા ઔપચારિક અને સંસ્થાગત રહ્યો છે, પરંતુ 75 વર્ષ પૂર્ણ થવાના વિશેષ અવસરે પોતાના ઘરમાં લગાવીને તિરંગા સાથેનો ખાનગી લગાવ મહેસૂસ કરી શકશો.
આ અભિયાન અંતર્ગત સંસ્કૃતિ મંત્રાલય દ્વારા www.harghartiranga.com વેબસાઈટ શરુ કરાઈ છે. આ વેબસાઈટ પર નાગરિકોએ તેમના યોગદાનને ચિહ્નિત કરવા માટે નામ અને નંબર લખ્યા બાદ લોગ ઈન કરીને પોતાના સરનામા પર વર્ચ્યુઅલ ફ્લેગ પિન કરવાનો રહેશે જે બાદ તેમના લોકેશન પર એક વર્ચ્યુઅલ ફ્લેગ ભારતના નકશામાં દેખાશે. આ ઉપરાંત ધ્વજ સાથે સેલ્ફી અપલોડ કરવા પણ નાગરિકોને અનુરોધ કરાયો છે, તેમ જ આ વેબસાઇટ વિશે જાગૃતિ ફેલાવવા માટેના અધિકૃત હેશટેગ #harghartiranga નો ઉપયોગ કરવા પણ જણાવાયું છે.