ભારતના ફાસ્ટ બોલર જયદેવ ઉનડકટ લવની પીચ પર ક્લિન બોલ્ડ થઇ ગયા છે અને ચૂપકે ચૂપકે લગ્ન કરી લીધા છે.
જયદેવ ઉનડકટે કરી લીધા લગ્ન
આણંદ શહેરમાં હતી લગ્ન સેરેમની
સિક્રેટ રાખવામાં આવ્યા હતા લગ્ન
સૌરાષ્ટ્ર માટે ઘરેલુ ક્રિકેટ રમનારા આ ખેલાડીએ પોતાની મંગેતર રિન્ની સાથે ગુપચુપ લગ્ન કરી લીધા છે. ઉનડકટ અને રિન્નીએ પોતાના લગ્નની જાણકારી સોશ્યલ મિડીયા પર નથી આપી પરંતુ તેમના લગ્નમાં પરિવાર સિવાય માત્ર નજીકના મિત્રોને જ આમંત્રણ આપવામાં આવ્યું હતુ. લગ્નના ફંક્શનને સિક્રેટ રાખવામાં આવ્યું હતુ.
લગ્નને સિક્રેટ રાખવામાં આવ્યુ હતુ
લગ્નનો કાર્યક્રમ મંગળવારે ગુજરાતના આણંદ શહેરના મધુબન રિસોર્ટમાં થયો હતો. ઉનડકટ અને રિન્ની બંનેએ લગ્નની તારીખ સોશ્યલ મિડીયા પર શૅર નહોતી કરી. ઉનડકટના સંગીત સેરેમનીનું આયોજન સોમવારે થયુ હતુ, જ્યારે તેના લગ્નના કેટલાક વીડિયો મિત્રોએ સોશ્યલ મિડીયા પર શૅર કર્યા હતા.
ઉનડકટની પત્ની છે વકીલ
મહત્વનું છે કે જયદેવની પત્ની વકીલ છે અને બંનેએ 15 માર્ચ 2020ના રોજ સગાઇ કરી હતી. ત્યારે ખેલાડીએ સગાઇની તસવીર સોશ્યલ મિડીયા પર શૅર કરીને ફેન્સને માહિતી આપી હતી. સગાઇના બે દિવસ પહેલા જ ઉનડકટે રણજી ટ્રોફીમાં સૌરાષ્ટ્રની ટીમને ચેમ્પિયન બનાવી હતી.
ઘણા સમયથી કરી રહ્યાં હતા એકબીજાને ડેટ
જયદેવ અને તેની પત્ની રિન્ની ઘણા લાંબા સમયથી એકબીજાને ડેટ કરી રહ્યાં હતા. ઉનડકટે ટીમ ઇન્ડિયા માટે 1 ટેસ્ટ, 7 વન ડે અને 10 ટી-20 ઇન્ટરનેશનલ રમી છે. ટેસ્ટમાં ઉનડકટના નામે એક પણ વિકેટ નથી.