રણવીર સિંહ પોતાના કુલ અંદાજના કારણે હંમેશા ચર્ચામાં રહે છે. હાલ રણવીરે યશ રાજ ફિલ્મ્સ બેનર હેઠળ બનતી ફિલ્મ જયેશભાઈ જોરદારમાં હવે ગુજરાતી પાત્રમાં નજરે ચડશે.
'જયેશભાઈ જોરદાર'નું શૂટિંગ પૂર્ણ થઈ ગયું છે
રણવીરે લાગણીશીલ મેસેજ સાથે ફોટો શેર કર્યો
ફિલ્મમાં દિગ્ગજ કલાકાર બોમન ઈરાની પણ જોવા મળશે
રણવીરે લાગણીશીલ મેસેજ સાથે ફોટો શેર કર્યો
'યશ રાજ ફિલ્મ્સ' બેનર હેઠળ બનતી રણવીર સિંહ સ્ટારર ફિલ્મ 'જયેશભાઈ જોરદાર'નું શૂટિંગ પૂર્ણ થઈ ગયું છે. આ ફિલ્મને ગુજરાતી ફિલ્મ એક્ટર દિવ્યાંગ ઠક્કરે લખી છે તેમજ ડિરેક્ટ પણ કરી છે. આ ફિલ્મથી દિવ્યાંગ બોલિવૂડમાં ડેબ્યુ કરવા જઈ રહ્યો છે. આ અગાઉ દિવ્યાંગ 'બે યાર', 'ચાસણી' અને 'કેવી રીતે જઈશ' જેવી સુપરહિટ ગુજરાતી ફિલ્મોમાં કામ કરી ચૂક્યો છે. રણવીરે ટીમ સાથેનો એક ફોટો સોશિયલ મીડિયામાં મુક્યો છે. અને લખ્યું છે કે 'ઇટ્સ અ રેપ. મનીષ સર, બેન્ડ બાજા બારાતથી લઈ જયેશભાઈ જોરદાર સુધીની 10 વર્ષની સફર તમારા માર્ગદર્શન હેઠળ 10 વર્ષ અદ્ભુત રહ્યાં. દિવ્યાંગ, તું પ્રેમ અને પોઝીટીવીટીનો ભંડાર છે. આભાર મને જયેશ બનાવવા માટે, રણવીરે લાગણીશીલ મેસેજ સાથે રણવીરે ફોટો શેર કર્યો છે.
દિવ્યાંગ ઠક્કર ગુજરાતી એક્ટર જ નહિ પરંતુ સ્ક્રીપ્ટ રાઈટર અને ડિરેક્ટર પણ છે. જયેશભાઈ જોરદાર તેમની પ્રથમ ડિરેક્ટ કરેલી ફિલ્મ છે જેના દ્વારા તે બોલિવૂડમાં ડેબ્યુ કરી રહ્યો છે. મૂળ કચ્છનો રહેવાસી દિવ્યાંગ મુંબઈ જઈ ઘણો સંઘર્ષ કર્યો છે. તે ફિલ્મો આવતા પહેલા એડ ફિલ્મો કરતો હતો. ત્યારબાદ તમેણે ગુજરાતી ફિલ્મોમાં કામ કરી સફળતા મેળવી.
ફિલ્મમાં રણવીર જયેશભાઈના રોલમાં જોવા મળશે. જ્યારે આ ફિલ્મમાં દિગ્ગજ કલાકાર બોમન ઈરાની પણ જોવા મળશે. ફિલ્મમાં રણવીરના ઓપોઝીટ પાત્રમાં શાલિની પાંડે જોવા મળશે. આ સિવાય રણવીરની બીજી ફિલ્મોની વાત કરીએ તો '83' આવી રહી છે. આ ફિલ્મ 10 એપ્રિલે રીલીઝ થશે.