મેસ્સીની કુલ સંપત્તિ 600 મિલિયન ડોલર અને રોનાલ્ડો ની કુલ સંપત્તિ 500 મિલિયન ડોલર હોવા છતાં એ નહીં પણ આ છે દુનિયાનો સૌથી ધનિક ફૂટબોલર.. જાણો
દુનિયાના સૌથી અમીર ફૂટબોલર કોણ છે?
મેસ્સી કે રોનાલ્ડો નહીં પણ આ છે સૌથી અમીર ફૂટબોલર
આટલી સંપતિનો છે માલિક
જ્યારે આપણે દુનિયાના સૌથી અમીર ફૂટબોલરોની વાત કરીએ તો મગજમાં પહેલા લિવિંગ લેજેન્ડ્સ લિયોનેસ મેસ્સી અને ક્રિસ્ટિયાનો રોનાલ્ડોના નામ જ આવે છે. વર્ષ 2022માં આર્જેન્ટિનાના મેસ્સીની કુલ સંપત્તિ 600 મિલિયન ડોલર એટલે કે 4900 કરોડ રૂપિયા આંકવામાં આવી હતી અને તેના પછી ક્રિસ્ટિયાનો રોનાલ્ડોનું નામ આવે છે જેની કુલ સંપત્તિ 500 મિલિયન ડોલર એટલે કે 4000 કરોડ રૂપિયા આંકવામાં આવી હતી. પણ જો અમે તમને એમ કહીએ કે તેમાંથી કોઈ પણ વિશ્વનો સૌથી ધનિક પ્રોફેશનલ ફૂટબોલર નથી તો તમે ચોંકી જશો? જણાવી દઈએ કે વિશ્વનો સૌથી ધનિક ફૂટબોલર 24 વર્ષનો મિડફિલ્ડર ફૈક બોલ્કિયા છે.
આટલી સંપતિનો છે માલિક
ઘણા લોકોએ ભાગ્યે જ આ ખેલાડીનું નામ સાંભળ્યું હશે પણ સચ્ચાઈ એ છે કે ફૈક બોલ્કિયા વિશ્વના સૌથી અમીર ફૂટબોલર છે. 1998માં બ્રુનેઈમાં જન્મેલા ફૈક બોલ્કિયા હાલમાં થાઈલેન્ડના ચોનબુરીમાં એક ક્લબ માટે રમે છે. ફેક બોલ્કિયાની કુલ સંપત્તિ 20 અબજ ડોલર આંકવામાં આવી હતી એટલે કે આ એટલા પૈસા છે કે તમારા મનને તેની ગણતરી કરવા માટે ઘણી મહેનત કરવી પડશે. જણાવી દઈએ કે ભારતીય કરન્સી અનુસાર આ સંપત્તિ કુલ 1650 ટ્રિલિયન રૂપિયાની આસપાસ છે. જો કે ફૈક બોલકિયા બ્રુનેઈના શાહી પરિવાર સાથે સંબંધ ધરાવે છે અને તે બ્રુનેઈના વર્તમાન સુલતાન હસનલ બોલ્કિયાના ભત્રીજા છે. જણાવી દઈએ કે તેમના પિતા બ્રુનેઈના પ્રિન્સ જેફરી બોલ્કિયા છે.
બ્રુનેઈના રાજવી પરિવારનો છોકરો
ફૈક બોલ્કિયાએ બ્રુનેઈની રાષ્ટ્રીય ફૂટબોલ ટીમના કેપ્ટન પણ રહી ચૂક્યા છે અને તેની પાસે બ્રુનેઈની સાથે અમેરિકન નાગરિકતા પણ છે. ફૈકનો જન્મ યુએસએના લોસ એન્જલસમાં થયો હતો એમને યુકેમાં શિક્ષણ મેળવ્યું હતું. યુએસ માટે રમવા માટે લાયક હોવા છતાં ફૈક એ બ્રુનેઈ માટે રમવાનું પસંદ કર્યું. તેની ક્લબ કરિયરમાં તે ચેલ્સિયા, આર્સેનલ, સાઉધમ્પ્ટન અને લિસેસ્ટર સિટી જેવી પ્રીમિયર લીગ ક્લબના રોલમાં રહ્યો છે. અને તે વર્ષ 2021 માં ચોનબુરીમાં જોડાયો અને થાઈ ટીમ માટે રમનાર બ્રુનેઈનો પહેલો ફૂટબોલર બન્યો હતો.