ટીમ ઇન્ડિયાના કેપ્ટન વિરાટ કોહલીની શાનદાર બેટિંગના ફક્ત ભારતમાં જ નહી દુનિયાભરમાં લાખો ચાહકો છે. પાકિસ્તાન શ્રીલંકા અને બાંગ્લાદેશ જેવા દેશોમાં તેમના લાખો ચાહકો છે. સાઉથ આફ્રિકામા પ્રવાસમાં ધમાકેદાર બેટિંગ કરનારા વિરાટ પ્રત્યેની આ ચાહત પાકિસ્તાન સુપર લીગ દરમિયાન પણ જોવા મળીય ટૂર્નામેન્ટ અંતર્ગત ઇસ્લામાબાદ યૂનાઇટેડ અને ક્વેટા ગ્લેડિએટર્સના મેચ દરમિયાન દર્શકો વચ્ચે એક વિરાટનો ફેન પણ જોવા મળ્યો. આ ફેને પોતાના હાથમાં એક પોસ્ટર રાખ્યું હતું જેમાં લખ્યું હતું કે ‘અને વિરાટ કોહલીને PSLમાં જોવા ઇચ્છીએ છીએ.’
ઉલ્લેખનીય છે કે વિરાટ કોહલી દુનિયાના એકમાત્ર એવા બેટ્સમેન છે જે ટેસ્ટ T-20 અને વન ડે ત્રણેય ફોર્મેટમાં 50થી વધુની એવરેજ ધરાવે છે. સાઉથ આફ્રિકાના પ્રવાસ દરમિયાન ભારતીય ટીમે વન ડે અને T-20 સીરિઝ જીતીને ઇતિહાસ રચ્યો છે. પહેલી વખત ભારતીય ટીમે સાઉથ આફ્રિકાની ધરતી પર બે સીરિઝમાં વિજય મેળવ્યો છે.
PCBએ ઇન્ડિયન પ્રિમિમર લીગ (IPL)ની જેમ PSLને સફળ બનાવવા માટે પૂરતા પ્રયાસો કર્યા છે પરંતુ ખાલી પડેલા સ્ટેડિયમને જોઇને આયોજકોના ચહેરાનો રંગ ઉડી ગયો છે. દુનિયાના મોટભાગના ટોચના ખેલાડીઓએ આ ટૂર્નામેન્ટથી અંતર જાળવી રાખ્યુ છે. PSLની શરૂઆત 22 ફેબ્રુઆરીએ દુબઇના ઇન્ટરનેશનલ ક્રિકેટ સ્ટેડિયમમાં થઇ અને જેમાં કરાચી લાહોર પેશાવર ક્વેટા ઇસ્લામાબાદ અને મુલ્તાનની ફ્રેન્ચાઇઝીની ટીમ ઉતારવામાં આવી છે.