સપોર્ટ / દક્ષિણના આ પ્રખ્યાત અભિનેતા હવે ખેડૂતોના આંદોલનના સમર્થનમાં આવ્યા, ટ્વિટ થયું વાયરલ 

• સાઉથ ઇન્ડસ્ટ્રીના પ્રખ્યાત અભિનેતા છે પ્રકાશ રાજ 
• ખેડૂત આંદોલનના સમર્થનમાં કરી ટ્વિટ 
• પોતાની સ્પષ્ટવાદિતા માટે પ્રસિદ્ધ છે પ્રકાશ રાજ 

દિલ્હી અને આજુબાજુના વિસ્તારોમાં ખેડૂતો નું પ્રદર્શન ચાલી રહ્યું છે. આ સાથે જ અમુક બોલિવૂડના અને મોટાભાગના પંજાબી કલાકારો પણ સતત ટ્વિટ કરીને જ્યાં ખેડૂતો ને સમર્થન આપી રહ્યા છે ત્યારે દક્ષિણ ફિલ્મ ઈન્ડસ્ટ્રીના પ્રખ્યાત અભિનેતા પ્રકાશ રાજે ખેડૂતો ના સમર્થનમાં ટ્વીટ કર્યું છે, જે સોશિયલ મીડિયા પર ખૂબ વાયરલ થઈ રહ્યું છે. 

ખેડૂતોનું કલ્યાણ એ આપણી પ્રાથમિકતા હોવી જોઈએ : પ્રકાશ રાજ 

પ્રકાશ રાજે પોતાના ટ્વિટમાં જણાવ્યું હતું કે ખેડૂતો  નું કલ્યાણ કરવું એ આપણી પ્રથમ ચિંતા હોવી જોઈએ. આ સાથે પ્રકાશ રાજે કહ્યું કે નાગરિક તરીકે આપણે ખેડૂતો ની સાથે ઊભા રહેવું જોઈએ.

ખેડૂતો ને લઈને બનેલું પ્રકાશ રાજનું આ ટ્વિટ સોશિયલ મીડિયા પર ઘણું વાયરલ થયું છે, સાથે જ ચાહકો પણ તેની પર ટિપ્પણી કરી રહ્યા છે. પ્રકાશ રાજે પોતાના ટ્વિટમાં લખ્યું છે,"આપણાં રાજકીય જોડાણો હોવા છતાં, નાગરિક તરીકે આપણે આપણા ખેડૂતો ની સાથે ઊભા રહેવું જોઈએ. તેમને પણ સાંભળવા જોઈએ. તેમની સુખાકારી આપણી પ્રથમ ચિંતા હોવી જોઈએ." 

કોણ છે પ્રકાશ રાજ ?

સાઉથની ફિલ્મોમાં પીઢ અભિનેતા તરીકેની ઓળખ ધરાવતા પ્રકાશ રાજ તેની અભિનય ક્ષમતા તેમજ સ્પષ્ટવાદિતા માટે ખૂબ જાણીતા છે. આ અભિનેતાએ બોલિવૂડની ઘણી ફિલ્મોમાં પણ મોટા રોલ ભજવ્યા છે. હવે પછી ટૂંક સમયમાં તે ફિલ્મ KGF માં જોવા મળશે. 

તે જ સમયે, જ્યારે એક તરફ ખેડૂતો ના પ્રશ્નો અંગે વાત કરવામાં આવી રહી છે, જ્યારે એક તરફ તેમનું પ્રદર્શન ચાલુ છે, ત્યારે બીજી ખેડૂત સંગઠનો સાથે ચર્ચા પહેલાં, પીએમ નરેન્દ્ર મોદીના નિવાસ સ્થાને ખેડૂતના વિરોધ અંગે એક મહત્વપૂર્ણ બેઠક મળી હતી. સૂત્રોએ આ અંગે માહિતી આપી હતી. સૂત્રોના જણાવ્યા અનુસાર આ બેઠકમાં ગૃહમંત્રી અમિત શાહ, સંરક્ષણ પ્રધાન રાજનાથ સિંહ, કૃષિ પ્રધાન નરેન્દ્રસિંહ તોમર અને વાણિજ્ય પ્રધાન પીયુષ ગોયલ ઉપસ્થિત રહ્યા હતા.