પ્રધાનમંત્રી નરેન્દ્ર મોદી થોડા દિવસ પહેલા ઊંટના દૂધના વખાણ કર્યા હતા. હવે આ દૂધ પેકેજ ફ્લેવર્ડ રૂપમાં ટૂંક સમયમાં ઉપલબ્ધ થશે. અમૂલ કંપની દિવાળીમાં આ દૂધનું ટ્રાયલ પ્રોસેસ શરૂ કરવાની તૈયારીમાં છે જ્યારે ડિસેમ્બરમાં આ ઉત્પાદનને અમદાવાદ અને આજુબાજુના વિસ્તારમાં વધારવાની તૈયારીમાં છે.
એક રિપોર્ટ અનુસાર ઊંટના દૂધને અલગ પ્રકારની સ્મેલ આવે છે જે અમૂલ કંપની દૂર કરવાનો પ્રયત્ન કરી રહી છે. આ સિવાય દૂધ પીવા માટે વધારે સ્વાદિષ્ટ બનાવવામાં આવશે.
તમને જણાવી દઇએ કે આ પહેલી વખત હશે કે ઊંટનું દૂધ ભારતના માર્કેટમાં અને કોર્પોરેટના રૂપમાં વેચવામાં આવશે. હજુ સુધી રાજસ્થાન મધ્ય પ્રદેશ અને ગુજરાતના કેટલાક વિસ્તારમાં સ્થાનીય રીતે વેચવામાં આવે છે. વિદેશોમાં પણ પહેલાથી તે ઉપલબ્ધ છે.
રિપોર્ટ અનુસાર ડિસેમ્બર 2018 સુધી એક દૂધ કૉર્પોરેટિવ યૂનિટ કચ્છમાં ઊંટના દૂધનું પ્રોસેસિંગ યૂનિટ શરૂ કરી દેશે. ઊંટના પાલકો પાસેથી દૂધ લઇને અમદાવાદમાં વેચવામાં આવશે. ત્યારે ભૂજના વિસ્તારની આસપાસ બનતા ઊંટના દૂધની પ્રોસેસિંગ યૂનિટની ક્ષમતા 20000 લિટર દૂધ પ્રોસેસ કરવાની હશે.
હાલમાં ચૉકલેટ બનાવવા માટે અમૂલ કચ્છથી આવનારા ઊંટના દૂધનો પ્રોસેસ કરે છે. જોકે ફ્રેશ દૂધ વેચવા માટે આ કૉન્સેપ્ટ એકદમ નવો છે. એક્સપર્ટ અનસાર આ દૂધ સ્વાસ્થ્ય માટે લાભદાયક છે. ઉલ્લેખનીય છે કે વર્તમાનમાં ઊંટનું દૂધ ગાયના દૂધ કરતા બમણા ભાવ પર મળે છે.
વર્તમાનમાં અમૂલ કંપની 1000-1500 લિટર ઊંટનું દૂધ ક્લેકટ કરે છે. તેમાં કચ્છમાં ઊંટના પાલકોના માલધારી સમુદાય પાસેથી ક્લેક્ટ કરવામાં આવે છે. જોકે દરરોજ ક્લેક્ટ કરવામાં આવતુ નથી તે માત્ર ચૉકલેટ ફેક્ટ્રીની આવશ્યકતા પર નિર્ભર કરે છે.
શરૂઆતમાં ઊંટનું દૂધ 500 મિલીની પેક્ડ બોટલમાં લોન્ચ કરવામાં આવશે. એક્સપર્ટ અનુસાર કચ્છ જેવા વિસ્તારમાં માદા ઊંટ અલગ અલગ ચારો ખાય છે એવાં તેમની દૂધની ગંધ અલગ હોય છે.એવામાં આ બ્રાન્ડ રૂપમાં વેચવા માટે ગંધને એક જેવી ડિયોડ્રાઇઝેશન પ્રોસેસની જરૂર હોય છે. આ પહેલી વખત છે કે કોઇ ફ્રેશ મિલ્ક માટે આ પ્રોસેસનો ઉપયોગ કરવામાં આવે.
કંપની અનુસાર માંગ વધવા પર કચ્છ સિવાય આસપાસના વિસ્તારમાં ઊંટ પાલકોના દૂધ ક્લેક્ટ કરવામાં આવશે. તમને જણાવી દઇએ કે એક્સપર્ટે દાવો કર્યો છે કે દૂધમાં કેસીન અને આયરનની પ્રચુર માત્રા છે. વિટામિન Cની માત્રા અન્ય દૂધની સરખામણી ચાર ગણી વધારે હોય છે અને તે બિમારી સામે લડવાની ક્ષમતા વધારે આપે છે. તમને જણાવી દઇએ કે આ દિવાળી પર અમૂલ ઊંટનીના દૂધથી બનેલી ચૉક્લેટ્સ બજારમાં વેચશે.
તમને જણાવી દઇએ કે PM મોદીએ ઊંટના દૂધના હેલ્થ બેનેફિટને લઇને વખાણ કર્યા હતા.