કોરોના રસી / આ દેશની વેક્સિન ભારત માટે બની શકે છે આશીર્વાદ, 90 ટકાથી વધુ નોંધાઈ અસરકારકતા 

• રશિયન કોરોના વેક્સિન ભારત માટે બની શકે છે અચૂક વિકલ્પ 
• ભારત માટે સસ્તી અને સફળ વેક્સિન બની શકે છે સ્પુટનીક 
• ફાઈઝર અને મોડર્ના રસી કરતાં ઓછા ખર્ચનો દાવો કરાયો છે 

ડેટાનું આ વિશ્લેષણ 22714 સ્વયંસેવકો પર કરવામાં આવ્યું હતું જેને સ્પુટનિક -5 નો પ્રથમ અને બીજો ડોઝ આપવામાં આવ્યો હતો. સ્પુટનિક -5 ની સત્તાવાર વેબસાઇટ અનુસાર, ત્રીજા અને અંતિમ ડેટા વિશ્લેષણમાં આ રસી અગાઉથી 90 ટકાથી વધુ અસરકારક હોવાનું જાણવા મળ્યું છે.

બે વર્ષ સુધી કોરોના સામે પૂરું પાડી શકે છે રક્ષણ 

અગાઉ , રોગચાળા અને માઇક્રોબાયોલોજી વિભાગના ગમાલિયા નેશનલ રિસર્ચ સેન્ટરના ડિરેક્ટર અને સ્પુટનિક -5 રસીના મુખ્ય વિકાસકર્તા એવા એલેક્ઝાંડર ગેઈન્સબર્ગ એ દાવો કર્યો હતો કે રસી બે વર્ષ સુધી કોવિડ -19 સામે રક્ષણ પૂરું પાડશે તેવી અપેક્ષા છે.

કોરોના રોગચાળા સામે લડવાની વિશ્વની પ્રથમ રજીસ્ટર થયેલ રસી સ્પુટનિક - V, ફાઈઝર અને મોડર્ના રસી કરતાં ઓછા ખર્ચનો દાવો કરવામાં આવી હતી. સ્પુટનિક -5 અસરકારક હોવાના સમાચાર એવા સમયે સામે આવ્યા છે જ્યારે ભારતમાં તેનું ઉત્પાદન શરૂ કરવાની વાત ચાલી રહી છે. રસીની ટ્રાયલનો ત્રીજો તબક્કો બેલારુસ, યુએઈ, વેનેઝુએલા અને અન્ય દેશોમાં ચાલી રહ્યો છે. તે જ સમયે, ભારતમાં બીજા તબક્કા અને ત્રીજા તબક્કાની ટ્રાયલ ચાલી રહી છે.