અમેરિકી શહેર મૈસાચુસેટ્સમાં કોરોના વેક્સિનના બન્ને ડોઝ લેનાર લગભગ 4000 લોકોને ફરી વાર કોરોના થયો છે.
અમેરિકી શહેર મૈસાચુસેટ્સની ઘટના
બન્ને ડોઝ લેનાર 4000 લોકોને ફરી વાર કોરોના થયો
આખુ મૈસાચુસેટ્સ શહેર વેક્સિનેટેડ થયું
અમેરિકી સ્ટેટ ડિપાર્ટમેન્ડ ઓફ પબ્લિક હેલ્થે જણાવ્યું કે 4000 લોકોએ કોરોનાના બન્ને ડોઝ લીધા છે છતાં તેઓ કોરોના પોઝિટીવ થયા છે.
30 લાખની વસતી ધરાવત શહેરને આખુ વેક્સિનેટેડ કરી દેવાયું
જોકે પ્રશાસનને તેની કોઈ ચિંતા નથી કારણ કે 30 લાખથી વધારે વસતી ધરાવતા આ શહેરને આખુ વેક્સિનેટેડ કરી દેવાયું છે અને 4000 પોઝિટીવ કેસો કંઈ મોટી વાત નથી. અર્થાત વેક્સિન લેનાર 1 હજાર લોકોમાં ફક્ત 1 વ્યક્તિ કોરોના પોઝીટીવ છે.
આ કેસ અંગે બોસ્ટન યુનિવર્સિટીમાં ઈન્ફેક્શન બીમારીના વિશેષજ્ઞ ડેવિડસન હેમરે જણાવ્યું કે આવું કંઈક થશે તેની અમને પહેલેથી ખબર હતી. સેન્ટર ફોર ડિસિઝ કન્ટ્રોલ એન્ડ પ્રિવેન્શને જણાવ્યું કે કોઈ પણ વેક્સિન 100 ટકા પ્રભાવશાળી નથી તે વાત સત્ય છે.
તેમણે કહ્યું કે વેક્સિન લીધા પછી પણ થોડા લોકોને કોરોના થઈ શકે છે તેમને હોસ્પિટલમા દાખલ થવાનો વારો આવી શકે છે અને વેક્સિન લેવા છતાં પણ વાયરસથી મોત થઈ શકે છે.
સીડીસીએ કહ્યું કે હવે અમેરિકામાં 150 મિલિયન કરતા પણ વધારે લોકોનું રસીકરણ થઈ ચૂક્યું છે. તે ઉપરાંત 65 ટકા કરતા પણ વધારે પુખ્તવયના લોકોને ઓછામાં ઓછો એક ડોઝ તો અપાઈ ચૂક્યો છે.