મહામારી / કોરોનાના આ ચેપી વેરિયન્ટે તો રેકોર્ડ તોડ્યો, 124 દેશોમાં 'ઘર' કરી ગયો, WHO ની આ ચેતવણીથી ચિંતા વધી

• દુનિયા પર હાવી બન્યો કોરોનાનો ડેલ્ટા વેરિયન્ટ
• અત્યાર સુધી 124 દેશોમાં ફેલાયો
• WHO એ આપી મોટી ચેતવણી 
• થોડા સમયમાં આખી દુનિયામાં ફરી વળશે 

WHO ના ડિરેક્ટર ટેડ્રોસે જણાવ્યું કે વૈશ્વિક સ્તરે સતત ચોથા અઠવાડિયાથી નવા કેસોમાં વધારો જોવાયો છે. ચિંતાની વાત એ છે કે દસ અઠવાડિયાના ઘટાડા બાદ મોતની સંખ્યા ફરી વધવા લાગી છે. તેમણે કહ્યું કે ડેલ્ટા વેરિયન્ટ ઝડપથી ફેલાઈ રહ્યો છે અને નવા કેસો તથા મૃતકોની સંખ્યામાં વધારો થઈ રહ્યો છે. 

સૌથી ચેપી ડેલ્ટા વેરિયન્ટ થોડા સમયમાં આખી દુનિયાને કવર કરી લેશે. 
WHO એ કહ્યું કે હાલમાં દુનિયામાં ત્રણ વેરિયન્ટ પ્રસરી રહ્યાં પહેલો ભારતમાં મળેલો ડેલ્ટા બીજો બ્રિટનમાં મળેલા આલ્ફા અને ત્રીજો સાઉથ આફ્રિકામાં ફેલાયેલો બેટા છે. પરંતુ આ બધામાં સૌથી ચેપી ડેલ્ટા વેરિયન્ટ થોડા સમયમાં આખી દુનિયાને કવર કરી લેશે. 

કોરોનાનો આ વેરિયન્ટ 124 દેશોમાં પહોંચી ચૂક્યો છે

તેમણે જણાવ્યું કે કોરોનાનો આ વેરિયન્ટ 124  દેશોમાં પહોંચી ચૂક્યો છે અને થોડા સમયમાં આખી દુનિયામાં ફરી વળશે.  બ્રિટનમાં ડેલ્ટા વેરિયન્ટનો કેર વધવા લાગ્યો છે. અમેરિકાના 40 કરતા પણ વધારે પ્રાંતોમાં કોરોનાના દૈનિક કેસોની સંખ્યામાં વધારો થયો છે. અમેરિકામાં હવે દરરોજના 19 હજાર કેસો આવવા લાગ્યાં છે અને  ડેલ્ટા વેરિયન્ટને કારણે કેસો વધી રહ્યાં હોવાનું મનાઈ રહ્યું છે. તૂર્કીમાં પણ ડેલ્ટા વેરિયન્ટનો કેર વધી રહ્યો છે. 

વાસ્તવિક સંખ્યાથી ઓછા છે મૃત્યુ આંકઃ ડબલ્યૂએચઓ
દુનિયામાં કોરોનાથી જીવ ગુમાવનારાનો નવો આંક આવ્યા બાદ ડબલ્યૂએચઓના પ્રમુખે કહ્યું છે કે આ એક મહામારીની ખતરનાક સ્થિતિ છે. તેઓએ કહ્યું કે 40 લાખ મોતનો આંકડો વાસ્તવિક સંખ્યાથી ઓછો છે અને અનેક જગ્યાએ તેની યોગ્ય જાણકારી આપવામાં આવી રહી નથી. તેઓએ રસી અને સુરક્ષા ઉપરકરણોની જમા ખોરીને લઈને અમીર દેશ પર નિશાન સાધ્યું છે. સાથે પાબંધીમાં ઢીલ આપી રહેલા દેશને કહ્યું કે એવું કામ કરી રહ્યા છે જાણે કે મહામારી ખતમ થઈ ચૂકી છે.