લવિંગ એક એવો મસાલો છે જે દરેકના ઘરમાં ઉપયોગમાં લેવાતો હોય છે. તેની સોડમ સુંગધ અને અદભૂત ગુણો આપણાં શરીર માટે ખૂબ જ લાભકારી માનવામાં આવે છે. તે દાંતના દર્દ દૂર કરવાથી લઈને શરીરમાં વધેલી એક્સ્ટ્રાની ચરબી પણ ઓગાળે છે. ચાલો જાણીએ તેના ફાયદા.
બેસ્ટ ઔષધી છે લવિંગ
મેટાબોલિઝ્મ તેજ કરે છે
તણાવ દૂર કરે છે
લવિંગમાં વિટામિન સી, ફાયબર, મેંગનીઝ, એન્ટીઓક્સીડેન્ટ અને વિટામિન કે ભરપૂર પ્રમાણમાં હોય છે. તેમાં રહેલાં તત્વ શરીરની અનેક તકલીફોને મટાડવામાં મદદ કરે છે. લવિંગનું સેવન ડાયટમાં કરવાથી તે તણાવ, શરીરમાં બળતરા અને સોજાની તકલીફમાં આરામ આપે છે.
બ્લડશુગરને કંટ્રોલમાં રાખે છે
લવિંગમાં એન્ટીબેક્ટેરિયલ ગુણ હોય છે. તે ઈન્ફેક્શન અને હાનિકારક બેક્ટેરિયાથી બચાવે છે. દાંતમાં થતાં દર્દમાં પણ તે રાહત આપે છે. આ સિવાય ડાયાબિટીસના દર્દીઓ માટે પણ લવિંગનું સેવન લાભકારી છે. તે શરીરમાં બ્લડશુગરને કંટ્રોલમાં રાખે છે. પાચન સંબંધી સમસ્યાઓ, ઉબકાં, ખાંસીમાં પણ લવિંગનું સેવન રાહત આપે છે.
વજન ઘટાડે છે લવિંગનું પાણી
શિયાળામાં લવિંગનું પાણી પીવાથી તે દવાની જેમ કામ કરે છે. તેનાથી મેટાબોલિઝ્મ તેજ થાય છે અને વજન ઘટે છે.
લવિંગનું પાણી બનાવવા માટે સૌથી પહેલાં 2 લવિંગને 1 ગ્લાસ પાણીમાં આખી રાત માટે પલાળી દો. હવે સવારે ઉઠીને આ પાણી 5 મિનિટ ઉકાળી નવશેકું રહે એટલે ગાળીને પી લો. આ પાણી રોજ સવારે ખાલી પેટ પીવું.
વેટ લોસ માટે તમે 1-1 ચમચી લવિંગ, તજ અને જીરું લઈ શેકીને પાઉડર બનાવી લો. રોજ સવારે 1 ચમચી આ મિશ્રણ નવશેકા પાણી સાથે લો. તમે તેમાં મધ પણ ઉમેરી શકો છો. આ ડ્રિંક પણ રોજ સવારે ખાલી પેટ પીવી જોઈએ