બમણો ફાયદો / આ કાર્ડ હશે તો મોદી સરકાર આપશે 2 લાખ રૂપિયા, જાણો રજિસ્ટ્રેશનની પ્રક્રિયા

• મોદી સરકારની શ્રમિકો માટે જોરદાર યોજના
• 2 લાખ રૂપિયાનો ફ્રી વીમો મળશે
• શ્રમિકોની વ્હારે આવી મોદી સરકાર 

26 ઓગસ્ટે મોદી સરકારે ઇ-શ્રમ પોર્ટલ લોન્ચ કર્યું છે. એવામાં જો તમે હેર ડ્રેસર, પ્લંબર, ઇલેક્ટ્રીશ્યન, મોટર મિકેનીક કે અન્ય કોઇ મજૂરી કરો છો તો તમે આ યોજનાનો લાભ લઇ શકો છો. 

2 લાખ રૂપિયાનો ફ્રી એક્સિડેન્ટલ વીમો
જો કોઇ શ્રમિક ઇ શ્રમ પોર્ટલ પર રજીસ્ટ્રેશન કરાવશે તો તેને 2 લાખ રૂપિયા સુધીનો ફ્રી એક્સિડેન્લ ઇન્સ્યોરન્સ આપવામાં આવશે. જેનું વાર્ષિક પ્રીમિયમ સરકાર આપશે. રજીસ્ટર્ડ શ્રમિક જો ઘાયલ થશે તો તેની મૃત્યું કે વિકલાંગતાની સ્થિતિમાં 2 લાખ રૂપિયાનો હકદાર બનશે. આંશિકરૂપે વિકલાંગ થવા પર ઇન્સ્યોરન્સ યોજના હેઠળ એક લાખ રૂપિયા આપવામાં આવશે. 

e-Shram Portal: Government of India launches National Database for Unorganised Workers for the overall welfare of crores of unorganized workers of the country#ShramevJayate pic.twitter.com/cwt1x7epqf

— PIB India (@PIB_India) August 26, 2021

શું છે ઇ શ્રમ પોર્ટલ?
આ પોર્ટલ બાદ દેશમાં 38 કરોડથી વધુ અસંગઠિત કામદારો  એક પોર્ટલ હેઠળ નોંધાયેલા હશે. ઇ-શ્રમ પોર્ટલ હેઠળ નોંધણી તદ્દન મફત કરવામાં આવશે અને કામદારોને કોમન સર્વિસ સેન્ટર્સ અથવા ક્યાંય પણ તેના નોંધણી માટે કોઈ જ રકમ ચૂકવવાની જરૂર રહેતી નથી. નોંધણી પછી, કામદારોને એક યુનિક યુનિવર્સલ એકાઉન્ટ નંબર (UAN) સાથેનું ઈ-શ્રમ કાર્ડ આપવામાં આવશે અને તેઓ આ કાર્ડ દ્વારા ગમે ત્યાં ગમે ત્યારે વિવિધ સામાજિક યોજનાઓના લાભ પણ મેળવી શકશે.

મળશે 12 આંકડાનો યુનિક નંબર 
કેન્દ્રીય શ્રમ અને રોજગાર મંત્રાલય અસંગઠિત ક્ષેત્રના લગભગ 38 કરોડ શ્રમિકો માટે 12 આંકડાનો યુનિવર્સલ એકાઉન્ટ નંહર (UAN) અને ઈ-શ્રમ કાર્ડ જાહેર કરશે. જે આખા દેશમાં માન્ય રહેશે. ઈ-શ્રમથી દેશના કરોડો અસંગઠિત કામદારોને એક નવી ઓળખ મળશે. આ શ્રમ કાર્ડ ભવિષ્યમાં તેમને સરકારના સામાજીક સુરક્ષા યોજનાઓના ફાયદા આપવામાં મદદ કરશે. આ પોર્ટલ પર કંસ્ટ્રક્શન વર્કર્સ, પ્રવાસી શ્રમિક, લારી-ગલ્લા વાળા રજીસ્ટ્રેશન કરાવી શકે છે. 

શ્રમિક કાર્ડ રજીસ્ટ્રેશન

1. સૌથી પહેલા eshram.gov.inની વેબસાઇટ પર લૉગ ઇન કરો

2. બાદમાં હોમ પેજ પર 'Register on e-SHRAM' નામની લિંક પર ક્લિક કરો

3. હવે આધાર સાથે જોડાયેલ મોબાઇલ નંબર અને કેપ્ચા કોડ નાંખો અને send OTP પર ક્લિક કરો

4.રજીસ્ટ્રેશન ફોર્મ સબમિટ કરવા માટે પછીની સૂચનાઓનું પાલન કરો